ئیستۆنیا بڕی ١١٣ ملیۆن یۆرۆ وەک هاوکاری سەربازی پێشکەش بە ئۆکرانیا دەکات
![ئیستۆنیا بڕی ١١٣ ملیۆن یۆرۆ وەک هاوکاری سەربازی پێشکەش بە ئۆکرانیا دەکات](https://gulanmedia.com/public/images/posts/20230119211024_original_19.jpg )
ئیستۆنیا دەیهەوێت گەورەترین یارمەتی چەکی قورسی خۆی بە بڕی 113 ملیۆن یۆرۆ بۆ ئۆکرانیا بنێرێت.
حکومەتی ئیستۆنیا لە بەیاننامەیەکدا ڕایگەیاند: کە بە بڕی ١١٣ ملیۆن یۆرۆ تەقەمەنیی دژە تانک و چەند چەکێکی قورس ڕەوانەی ئۆکرانیا دەکات.
کایا کالاس، سەرۆکوەزیرانی ئیستۆنیا لە هەژماری تایبەتی خۆی لە تۆڕی کۆمەڵایەتی تویتەر نووسیویەتی: "ئەمە وا دەکات کۆی هاوکارییە سەربازییەکانمان بۆ ئۆکرانیا لە 1%ی بەرهەمی ناوخۆییمان زیاتر بێت".
کالاس بە وتنی ئەوەی کە ئەوان خوازیاری کۆتایی هاتنی شەڕن، ڕوونی کردەوە: ڕووسیا ئاماژەی ڕوون دەدات کە دەیانەوێت شەڕەکە بەردەوام بێت. سەرەڕای زیانەکانی هێزی مرۆیی و تەکنەلۆژیا، دەیەوێت درێژە بەم شەڕە بدات. بۆیە هەموو کۆمەڵگەی ترانس ئەتلانتیک گەرەنتی سەرکەوتنی ئۆکرانیا دەکەن.
ئێمە پێویستە كاری زیاتر بکەین و هاوکاری سەربازی بە پێوەرێکی گەورەتر و خێراتر پێشکەش بە کیێڤ بکەین. با چاوێک لە کۆگاکەمان بکەین و با پیشەسازییەکەمان زیاتر و خێراتر بەرهەم بهێنین.
کالاس جەختی لەوە کردەوە کە دەستدرێژی ڕووسیا باجی قورسی بۆ هەمووان هەیە، گوتی: ئێمە ئەم باجە بە یۆرۆ دەدەین، بەڵام ئۆکرانیا ئەم باجە بە ژیانی مرۆڤ دەدات.
گوڵان: سەردار خەلیل