هێرشی چەکداری بۆ سەر قوتابخانەیەک لە ڕووسیا؛ بەلایەنی کەم ٩ کەس کوژراون
لە ئەنجامی هێرشێکی چەکداری بۆ سەر قوتابخانەیەک لە کۆماری خۆبەڕێوەبەری ئودمورتیای فیدراسیۆنی ڕووسیا ٩ کەس کوژران.
لە ئەنجامی هێرشی کەسێکی نەناسراو بۆسەر قوتابخانەی ژمارە ٨٨ لە شاری ئیژوسکی سەر بە کۆماری خۆسەری ئودمورتیای فیدراسیۆنی ڕووسیا، ٩ کەس کوژران و ژمارەیەکی دیکەش برینداربوون.
وەزارەتی ناوخۆی ڕوسیا ڕایگەیاند، ئەنجامدەری ئەم هێرشە چەکدارییە کۆتایی بە ژیانی خۆی هێناوە.
هێزه ئه‌منییه‌كان ره‌وانه‌ی شوێنی رووداوه‌كه كراون و مامۆستایان و خوێندكاران له قوتابخانه‌كه براونەتە دەرەوە.
هەروەها لیژنەی لێکۆڵینەوەی ڕووسیا ڕایگەیاند: کە لە ئەنجامی ئەم هێرشەدا ٢ پاسەوان و ٢ مامۆستا و ٥ خوێندکار کوژراون.
هەروەها ئەم لیژنەیە دەستپێکردنی لێکۆڵینەوەی سەبارەت بەم ڕووداوە ڕاگەیاند.
گوڵان: سەردار خەلیل
