بەهۆی کەوتنەخوارەوەی هەلیکۆپتەرێکی سەربازی ٦ کەس کوژران
دوای کەوتنەخوارەوەی هەلیکۆپتەرێکی سەربازی لە پاکستان شەش کەس گیانیان لەدەستدا.
سوپای پاکستان ڕاگەیەندراوێکی بڵاوکردەوە و ڕایگەیاند، دوای کەوتنەخوارەوەی هەلیکۆپتەرێکی سەربازیی ئەم وڵاتە ٦ کەس گیانیان لەدەستداوە.
ئەم هەلیکۆپتەرە لە پارێزگای بەلوچستان کەوتۆتە خوارەوە و دوو لە قوربانییەکان پلەیان عەقید هەبوو.
ئەمە دووهەم هەلیکۆپتەرە دەکەوێتەخوارەوە لە ماوەی دوو مانگی ڕابردوودا لە ویلایەتی بەلوچستان، هەلیکۆپتەرێکی دیکەی سەربازی لەم ویلایەتەدا لە سەرەتای مانگی ئابدا کەوتەخوارەوە ، شەش سەرباز گیانیان لەدەستدا.
گوڵان: سەردار خەلیل
