بوومەلەرزەیەک بە گوڕی ٥.٦ پلە بە پێوەری ڕێختەر کەناراوەکانی شاری پێسنی لە پاکستانی هەژاند.

ناوەندی نیشتمانیی بوومەلەرزەزانیی پاکستان بڵاویکردەوە: کە بوومەلەرزەیەک بە گوڕی 5.6 پلە بە پێوەری ڕێختەرکەناراوەکانی شاری پێسنی لە ویلایەتی بەلوچستان گرتەوە.

ئەم بوومەلەرزەیە لە قوڵایی 60 کیلۆمەتری ڕوویداوە و ناوەندییەکەی لە 13 کیلۆمەتری ڕۆژهەڵاتی شاری پێسنی بووە.

دوای 10 خولەک لە بوومەلەرزەکە، لە هەمان ناوچەدا بوومەلەرزەیەكیتر بە گوڕی 5 پلەی لێ کەوتەوە و لە ناوچەكانی نزیکیش هەست بەلەرزینەكانی کراوە.

تا ئێستا ڕوون نییە کە ئایا ئەم بوومەلەرزەیە زیانی گیانی و دارای لێ كەوتۆتەوە یان نە.

 

 

 

گوڵان: سەردار خەلیل