دوای تەقەکردن لەناو باڵەخانەیەکی نیشتەجێبوون دوو كەس كوژران
بەرپرسانی ئەمەریکا دەڵێن: لە ئەنجامی تەقەکردن لە باڵاخانەیەكی نیشتەجێبوون لە ویلایەتی تەكساسی ئەمریكا دوو گەنج کوژران.
ئێد گۆنزالس بەڕێوەبەری پۆلیسی هەرێمی «هریس»، لە ویلایەتی ڕۆژهەڵاتی تەکساس لە باشووری ئەمەریکا، لە ئەکاونتی تویتەرەکەیدا ڕایگەیاند: دوو هەرزەکاری ڕەش پێستی تەمەن 17 ساڵ بەهۆی تەقەکردنەکەوە کە دوێنێ لە ناو باڵەخانەیەکی نیشتەجێبوون ڕوویدا برینداربوون و بەرلەوەی بگەن بەنەخۆشخانە گیانیان لەدەستداوە.
گۆنزالس گوتی: تەقەکردنەكە لە باڵاخانەیەكی نیشتەجێبوونی 24 کیلۆمەتری باکووری شاری هیوستون لە کاتژمێر 22:40 ڕوویداوە.
لایەنە پەیوەندیدارەکان لێکۆڵینەوەیان دەستپێکردووە بۆ ئاشکراکردنی بارودۆخی تەقەکردنەكە و چەند گومانلێکراوێک دەستگیرکراون.
گوڵان: سەردار خەلیل
