سەرۆکی حکوومەت پەیامێکی هاوخەمیی بۆ شا عەبدوڵڵای دووەم دەنێرێت
مەسرور بارزانی، بۆ گیانله‌ده‌ستدانی ده‌یان كه‌س له به‌نده‌رێكی ئوردن، پەیامێکی پرسە و هاوخەمیی بۆ شای شانشینی ئوردنی هاشمی ناردو سه‌ره‌خۆشیی له بنه‌ماڵه‌ی قوربانییان كرد.
ئه‌مڕۆ سێشه‌ممه 28/6/2022، مەسرور بارزانی، سەرۆکی حکوومەتی هەرێمی کوردستان پەیامێکی پرسە و هاوخەمیی بۆ شاعەبدوڵڵای دووەم شای شانشینی ئوردنی هاشمی نارد بۆ ڕووداوی بەندەری عەقەبە، کە بووە هۆی گیانلەدەستدان و برینداربوونی دەیان کەس.
لە پەیامەکەیدا سەرۆکی حکوومەت سەرەخۆشیی لە بنەماڵە و کەسوکاری قوربانییانی ڕووداوەکە و گەلی ئوردن کرد و هیوای چاکبوونەوەی خێراشی بۆ بریندارەکان خواست .
لە بەرامبەردا شاعەبدوڵڵای دووەم، سوپاس وپێزانینی خۆی وگەلی ئوردنی بۆ سەرەخۆشی و هاوخەمیی سەرۆکی حکوومەت دەربڕی.
