سەرۆك بارزانی پێشوازی لە كونسوڵی گشتیی فەڕەنسا له هەولێر دەكات
سه‌رۆك مه‌سعود بارزانى، پێشوازیی له كونسوڵی گشتیی فەڕەنسا له هەولێر كرد و پەیوەندییە تەلەفۆنییەكەی مانگی ڕابردووی نێوان سەرۆك بارزانی و سه‌رۆكى فه‌ڕه‌نسا تاوتوێ كرا.
ئه‌مڕۆ دووشه‌ممه 20/6/2022 لە سەلاحەددین، سەرۆك بارزانی پێشوازیی لە ئۆلیڤییێ دیكۆتینی، كونسوڵی گشتیی فەڕەنسا له هەولێر كرد، لە دیدارەكەدا پەیوەندییەكانی نێوان هەرێمی كوردستان و فەڕەنسا و پەیوەندییە تەلەفۆنییەكەی مانگی ڕابردووی نێوان سەرۆك بارزانی ئیمانوێل ماكرۆن، سه‌رۆكى فه‌ڕه‌نسا تاوتوێ كرا.
هەر لەو دیدارەدا بیروڕا لەبارەی بارودۆخی سیاسیی عێراق و سیناریۆ و ئەگەرەكانی ناو پڕۆسەی سیاسیی عێراق لە قۆناغی داهاتوو ئاڵوگۆڕ كرا.
دوا پێشهاتە سیاسی و ئەمنییەكانی سووریا و ئاییندەی گەلی كورد له سووریا، تەوەرێكی تری ئەو دیدارە بوو.
