فڕۆكە جەنگییەكانی ئیسڕائیل پێگەیەکیان لە کەرتی غەزە بۆردوومان كرد.

سوپای ئیسرائیل بەرەبەیانی ڕۆژی شەممە لەبەیاننامەیەکیدا ڕایگەیاند: کە فڕۆکە شەڕکەرەکانی ئەو وڵاتە ئەمڕۆ بەیانی پێگەیەکی سەر بە کەتیبەی عیزەدین ئەلقەسامی باڵی چەکداری بزووتنەوەی بەرگری ئیسلامی فەلەستین « حەماس » لە ناوەڕاستی کەرتی غەزە کردووەتە ئامانج.

لە راگەیەندراوەکەدا هیچ وردەکارییەك نەخراوەتە ڕوو، زیانی گیانی لە هێرشەکەدا نەزانراوە.

هێرشەکە دوای ئەوە هات کە موشەکێک لە غەزەوە هاوێژراوە و پێش ئامانجەكەیان تەقێنراوەتەوە، ڕاپۆرتەکە وردەکاری زیاتری پێشکەش نەکردووە.

دەسەڵاتدارانی غەزە تا ئێستا هیچ ڕاپۆرتێکیان سەبارەت بە ئەگەری زیانی ئەو هێرشە بڵاونەکردووەتەوە.

 

 

 

 

گوڵان: سەردار خەلیل