په‌يامى سه‌رۆك نێچيرڤان بارزانى بۆ يادى دامه‌زراندنى بزووتنه‌وه‌ى ديموكراتى ئاشوورى
له يادى 43 ساڵه‌ى دامه‌زراندنيدا، به گه‌رمى پيرۆزبايى له سه‌ركردايه‌تى و ڕێكخستن و ئه‌ندامان و لايه‌نگران و جه‌ماوه‌رى بزووتنه‌وه‌ى ديموكراتى ئاشوورى ده‌كه‌ين، هيواى سه‌ركه‌وتنيان بۆ ده‌خوازين.
له‌م ياده‌دا به ڕێزه‌وه له خه‌بات و تێكۆشان و قوربانييه‌كانى بزووتنه‌وه‌ى ديموكراتى ئاشوورى ده‌ڕوانين و ئاماده‌يى و ڕۆڵ و پێگه‌ى له پرۆسه‌ى سياسيدا به‌رز ده‌نرخێنين.
هه‌ر به‌م بۆنه‌يه‌وه دووپاتى ده‌كه‌ينه‌وه كه هه‌رێمى كوردستان وه‌ك هه‌ميشه به لانه‌ى پێكه‌وه‌ژيان و ته‌بايى و يه‌كترقبووڵكردن و لێبورده‌يى بۆ هه‌موو پێكهاته‌كانى ده‌مێنێته‌وه و هه‌موومان پێكه‌وه كار بۆ ئه‌وه ده‌كه‌ين ماف و ده‌ستكه‌وكانى هه‌مووان پارێزراو بن.
نێچيرڤان بارزانى
سه‌رۆكى هه‌رێمى كوردستان
2022/4/12
