سەرۆک بارزانی لە پەیوەندییەکی تەلەفۆنیدا هەواڵی تەندروستیی دکتۆر ئەیاد عەلاوی پرسی.
ڕۆژی چوارشەممە ٦ـی نیسانی ۲٠۲۲ سەرۆک مەسعود بارزانی بە مەبەستی پرسینی هەواڵی تەندروستی لەڕێی تەلەفۆنەوە پەیوەندی بە دکتۆر ئەیاد عەلاوییەوە کرد، کە دوای تێکچوونی باری تەندروستی بۆ وڵاتی ئۆردۆن گواستراوەتەوە.
لەو پەیوەندییەدا سەرۆک بارزانی خۆشحاڵیی خۆی بۆ سەرکەوتنی ئەو نەشتەرگەرییەش ڕاگەیاند کە لە یەکێک لە نەخۆشخانەکانی وڵاتی ئۆردۆن بۆ دکتۆر ئەیاد عەلاوی ئەنجام دراوە و، هیوای شیفای خێرا و تەندروستی بۆ خواست.
