بەپێی هەواڵێكی حكومەتی سۆماڵ  بەهۆی تەقینەوەیەکی خۆکوژی لە ڕێستورانتێکدا لە شارۆچکەی بەلەوین بەلایەنی کەم 13 کەس کوژراون، هەندێ لە شایەتحاڵەکان دەڵێن لەو کاتەدا پڕ بووە لە کاربەدەستانی خۆجێیی و سیاسەتمەداران.

 

ڕادیۆی دەنگی ئەمریكا لە درێژەی ئەم هەواڵە دەڵێت: بە پێی راپۆرتی هەواڵگیری SITE، کە چاودێریی گروپە چەکدارەکانی ئۆنلاین دەکات، گروپی توندڕەوی ئەلشەباب بەرپرسیارێتیی ئەو هێرشەی ڕاگەیاندووە.

 

ئەو گروپە توندڕەوە ئیسلامییە ، کە زۆرجار هێرش دەکاتە سەر ئامانجەکانی حکومەت و خەڵکی مەدەنی، لە دوو هەفتەی ڕابردوودا دوو هێرشی ئەنجام داوە.

 

هەر لەم ڕووداوەدا بە گوتەی تەلەفیزیۆنی نیشتمانی سۆماڵیا لە هێرشەکەی بەلەدوەیندا 18 کەسیش برینداربوون.

 

پۆلیس و کاربەدەستانی حکومەت پشتڕاستیان کردەوە هێرشەکەی ئەو ڕێستورانتە لە ئەنجامی هێرشێکی خۆکوژی بووە، بەڵام ژمارەی قوربانیانیان ڕانەگەیاندووە.