سەرۆکوەزیرانی هەرێمی کوردستان، ئەمشەو توویتێکی سەبارەت بە دۆخی کۆچبەرانی کورد لەسەر سنوورەکانی یەکێتیی ئەورووپا بڵاوکردەوە و لەمیانەدا رایگەیاندووە: "زۆر نیگەرانم لە بارودۆخی هاووڵاتییانمان و هه‌موو ئه‌وانه‌ی ئێستا لە سەر سنوورەکانی یەکێتی ئەوروپادان".

مەسرور بارزانی جەختیشیکردووەتەوە: "باشکردنی بارودۆخی ئەو هاووڵاتیانە، بەرپرسیاریەتییەکی هاوبەشی هه‌موومانه‌".

راشگەیاندووە: "ئه‌وان له ‌لایه‌ن قاچاخچی و بازرگانانی مرۆڤ و چه‌ند تۆڕێكی ده‌ره‌كی فریودراون، لەگەڵ هاوبەشەکانمان لە پەیوەندیدام و کار دەکەم بۆ دڵنیابوون لە سەلامەتی و ئاسایشی ئەو هاووڵاتییانەمان".