لە گەڕەکی ئاشتی شارۆچکەی چەمچەماڵ ماڵێک ئاگری گرت و پێنج کەس سوتان، وتەبێژی تەندروستی چەمحەماڵیش زانیاری لەسەر ڕووداوەكە ئاشکرا دەکات.
سەبارەت بەو رووداوە وتەبێژی تەندروستی چەمچەماڵ ڕایگەیاند كە لە گەڕەکی ئاشتی شارۆچکەی چەمچەماڵ بەھۆی گڕگرتنی گازەوە ماڵێک ئاگری گرتووە و بەو ھۆیەوە پێنج کەس سووتاون.
هەروەها ئاماژەی بەوەشداوە كە لە رووداوەکەدا ژنێکی تەمەن 45 ساڵ و کچێکی تەمەن 21 ساڵ و دوو منداڵی تەمەن پێنج ساڵ و شەش ساڵ لەگەڵ گەنجێکی تەمەن 30 ساڵ سوتاون.
هاوكات وتەبیژی تەندروستی چەمچەماڵ ئاماژەی بەوەشدا کە بریندارەکان رەوانەی نەخۆشخانەی چەمچەماڵ کراون، بەڵام سێ کەس ڕێژەی سوتاوییەکەیان زۆرە و بەپەلە رەوانەی نەخۆشخانەی سلێمانی کراون.
هەروەها وتەبێژی تەندروستی چەمچەماڵ ئەوەشی راگەیاندوە كە ھەرچەندە ئەوان نازانین ھۆکاری رووداوەی سووتانەكە چییە، بەڵام ھێزە ئەمنییەکان لێکۆڵینەوەیان دەستپێکردووە.