چوارەمین ساڵیادی ریفراندۆمی كوردستان لە شاری خورماتوو بەرز ڕاگیرا كە كوردی ئەو شارە چوار ساڵ پێش ئێستا و لە رۆژێ 25/9/2017 زۆرینەیان دەنگیان بۆ سەربەخۆیی كوردستان بەبەڵێ دا.
لەمبارەیەوە بەرپرسی ناوچەی خورماتووی پارتی دیموكراتی كوردستان لە ڕۆژی شەممە 25/9/2021 لە چوارەمین ساڵیادی ریفراندۆمدا گوتارێكی پێشكەش كرد بۆ كۆمەلێك هاوڵاتیانی كوردی خورماتوو لەسەر گرنگی ریفراندۆم كە لە باشووری كوردستان و بەتایبەت لە ناوچە كوردستانییەكان ئەنجامدرا، هەر لەویادە شكۆمەندەدا بەرپرسی ناوچەی خورماتوو سوپاسی خەڵكی خورماتووی كرد كە لە كاتی ریفراندۆم تێكڕای خەڵك چوونە سەر سندوقەكانی دەنگدان و كوردستانیبوونی خورماتوویان سەڵماند و دەنگدانیان ئاماژە بوو بۆ عەرەبە شۆڤێنی و توركمانە هەڵپەرستەكان كە خورماتوو شارێكی كوردستانییە و بە كوردستانی دەمێنێتەوە.
هاوكات لەو ساڵیادەدا ناوچەی خورماتووی پارتی دیموكراتی كوردستان كۆمەك و هاوكاری (200) خێزانی كەمدەرامەتی شارەكەی كرد كە سەبەتەی خۆراكی بەسەریان دابەش كرد.