لە میانی کۆبوونەوەیەکی ئاست بەرزدا لەسەر قەیرانی مرۆیی یەمەندا، دەیڤد بیزلی سەرۆکی ئاژانسی خۆراکی نەتەوە یەکگرتووەکان هۆشداری داوە کە 16 ملیۆن کەس لە یەمەن  ڕووبەڕووی  ئەوپەڕی هێڵی برسێتی دەبنەوە و دەشڵێت لە مانگی  تشرینی یەكەمدا ئەگەر کۆمەکی پارە دابین نەکرێت، ئەوا بڕی خۆراک بۆ ملیۆنان کەس لەو وڵاتەدا دەبڕدرێت.

 

دەیڤد بیزلی  ڕوونیشی كردەوە کاتێک ویلایەتە یەکگرتووەکان و ئەڵمانیا، ئیمارات، سعودیە و بەخشەرانی دیکە کۆمەکیان دەکرد لەکاتێکدا بەرنامەی جیهانی خۆراک هەر لەم ساڵدا پارەی تەواو بووبوو، بەهۆی ئەوەوە توانیمان بەر بگرین بە برسێتی لەرادەبەدەر و کارەسات.

 

لەلای خۆشیەوە ئەنتۆنیۆ گۆترێش سکرتێری گشتی نەتەوە یەکگرتووەکان ئاناژەی بەوە كردبوو كە كاتی خۆی بۆ ئەم ساڵ پێشنیاریان كردبوو و داوای 3.85 ملیار دۆلاریان کردبوو بۆ یەمەن، بەڵام بەخشەرەکان بەڵێنیان دابوو كە  کەمتر لە نیوەی ئەو بڕە واتە 1.7 ملیار دۆلار دابین دەكەن.

 

گوڵان- بەهادین جەلال