پێشنیوەڕۆی ئەمڕۆ پێنجشەممە 20ی5ی2021، لە سەلاحەددین سەرۆك بارزانی پێشوازیی لە زهێر ئەلشەعلان، پارێزگاری دیوانیە كرد.

لە دیدارەكەدا بارودۆخی سیاسیی عێراق و ڕەوشی ژیانی خەڵك لە پارێزگای دیوانیە و پارێزگاكانی تری عێراق تاوتوێ كرا و جەختیش لەسەر پەیوەندییە مێژووییەكانی نێوان گەلی كوردستان و دانیشتوانی پارێزگاكانی باشووری عێراق كرایەوە.

هەر لەو دیدارەدا پارێزگاری دیوانیە پێزانینی هەبوو بۆ بووژانەوە و پێشكەوتنەكانی هەرێمی كوردستان و خوازیاری ئەوە بوو كە پارێزگای دیوانیە سوود لە ئەزموونەكانی هەرێمی كوردستان وەربگرێت.