به‌رێز مسعود بارزانی سه‌رۆكی هه‌رێمی كوردستان له‌ په‌یوه‌ندییه‌كی ته‌له‌فۆنیدا له‌گه‌ڵ به‌رێز مام جه‌لال سه‌رۆك كۆماری عیراقی فیدراڵ له‌ ته‌ندروستی به‌رێزیانی پرسیه‌وه‌ و دوای دڵنیابوونی له‌ ته‌ندروستی داوای هه‌ر چی زووتر چاكبوونه‌وه‌ی بۆ سه‌رۆك تاڵه‌بانی كرد كه‌ به‌ سه‌لامه‌تی بگه‌رێته‌وه‌ بۆ خاكی وڵات.

سه‌رۆك تاڵه‌بانی سوپاسی سه‌رۆك بارزانی كرد بۆ ئه‌و په‌یوه‌ندییه‌ و هیوای ته‌ندروستی باش و به‌رده‌وامی بۆ خواست و له‌ سه‌قامگیری باری ته‌ندروستی خۆیشی دڵنیای كرده‌وه‌.