پەرلەماتنارێكی كورد: پێویستە كورد چاوپێداخشاندنەوە بەپێوەندییە ناوخۆییەكانى بكا
سەعید رەسوول خۆشناو بەئاژانسی كوردستان بۆ دەنگوباس (ئاكانیوز)ى راگەیاند، هەندێ لایەن دەیانەوێ هەستی كورد بریندار بكەن و لێرە و لەوىَ لێدوان لەسەر كورد دەدەن و وەزیرانى كورد دەكەنە ئامانج و یا كێشە نەوتییەكان دەورووژێنن.
خۆشناو گوتى، بەشایەتی لیستی خۆیان وەزیری دەرەوە یەكێك بووە لە وەزیرە سەركەوتووەكان و رۆڵی كاراى هەبووە لە گەڕانەوەى عێراق بۆ ناو كۆمەڵگەى ناودەوڵەتی و عەرەبی و هەروەها بەشداریكردنى ئەو هەموو سەركردە و میر و بەرپرسانى باڵاى وڵاتانى عەرەبی لە تۆقەڵانى چاوەڕوانكراوى بەغدا بەڵگەیەكی ترى سەركەوتنى ئەو وەزیرەیە.
پتر گوتى، هیچ كەسێك لە ناوەوە و دەرەوەى عێراق نكووڵی لەسەركەوتنى سیاسەتی نەوتى هەرێمى كوردستان ناكا و هەرێم لەگەڵ ئەو پشكەكەمەى كە لە بودجەى وڵات بەری دەكەوێ و خۆى بەڕێوە دەبا و لە دنیادا بە عێراقەكەى تر وەك وڵاتێكی تر دەناسرێ.
خۆشناو وریادارى دا و گوتى پێویستە لەو دۆخە هەستیارەى عێراقدا كوردیش چاو بەهاوپەیمانیەتی خۆیدا بخشێنێتەوە و داوكارییە 19 خاڵییەكەى بكاتە پێوەر و چیتر دان بەخۆیدا نەگرێ و بەرامبەر بە لەو پێشێلكاری و هێرشانەی لەلایەن هەندێك لە پەرلەمانتاران و بەرپرسانى حكوومەتی عێراقەوە دەكرێتە سەریان، نابێ قبووڵی بكەن بێ دەنگ بن.
لە دوو كابینەى حكوومەتى عێراق و سەرەڕاى چەندان بەڵێن و سەردانى شاندی بەرپرسانى باڵاى هەرێم بۆ بەغدا و لەگەڵ ئەوەى كە كورد سەرەتا پێداگرى لەسەر داوكارییەكانى دەكا و بەومەرجەشەوە بەشداریی حكوومەتى ناوەندى كرد، بەڵام كێشە هەڵپەسێردراوەكانى نێوانیان وەك خۆى ماوەتەوە و.