لیژنەی بەدواداچوونی پرۆژەی چاكسازیی سەرۆكی هەرێمی كوردستان، لە راپۆرتێكی نوێدا، ئەنجامی كار و چالاكییەكانی هەتا ئێستای خستووەتە ڕوو. لە بەشێكی راپۆرتەکەدا ئاماژە دراوە كە لیژنەكە، 174 كەسی لە هەر سێ‌ پارێزگاكەی هەرێم بە گومانی هەبوونی گەندەڵی، لەلایەن سەرۆكی هەرێمەوە بە دەست گەیشتووە، كە لەم ژمارەیە، 110 كەس كارەكانیان تەواو بووە و ئەوانی دیكەش لە قۆناغی جێبەجێكردندان.


راپۆرته‌كه‌ ده‌ڵێت له‌ ماوه‌ی‌ رابردوودا، دوای‌ لێكۆڵینه‌وه‌كان داواكراوه‌ 53 كه‌س بدرێن به‌ داواكاری‌ گشتی‌ و ژماره‌یه‌ك له‌وانه‌ رووبه‌ڕووی‌ دادگا بوونه‌ته‌وه‌.

هه‌روه‌ها له‌ لێكۆڵینه‌وه‌كاندا ده‌ركه‌وتووه‌ 95 به‌رپرسی‌ به‌رپرسی‌ ئیداری‌ كه‌مته‌رخه‌م بوونه‌ و رێكاری‌ كارگێڕی‌ بۆ زۆربه‌یان جێبه‌جێ‌ كراوه‌ و رووبه‌ڕووی‌ سزا بوونه‌ته‌وه‌ و هه‌ندێكیشیان لادراون.

لیژنه‌ی‌ به‌دواداچوونی‌ پڕۆژه‌ی‌ چاكسازی‌، له‌ رۆژی‌ 19ی‌ نیسانی‌ ساڵی‌ 2011، به‌ فه‌رمانی‌ سه‌رۆكی‌ هه‌رێمی‌ كوردستان دامه‌زرا و دواتر 2 لیژنه‌ی‌ جێگر له‌ پارێزگای‌ سلێمانی‌ و پارێزگای‌ دهۆك و ئیداره‌ی‌ گه‌رمیان دامه‌زران.



لیژنەی بەدواداچوونی پڕۆژەكە بە فەرمانی سەرۆكی هەرێمی كوردستان، مەسعوود بارزانی، لە 19/4ـی 2011ـدا دامەزراوە و دواتر بە دوو فەرمانی جیا لیژنەكە بۆ دوو لیژنەی هەردوو پارێزگای (سلێمانی و ئیدارەی گەرمیان) و دهۆك، فراوان كرا.

كۆی ئەندامانی لیژنەكان 18 كەسن و لە پسپۆڕی جیاجیای پێویست بۆ كاركردن، پێك هاتوون.

بۆ خوێندنەوەی ده‌قی‌ راپۆرته‌كه‌ی‌ لیژنه‌ی‌ به‌دواداچوونی‌ فه‌رمانی‌ چاكسازیی‌ سه‌رۆكی‌ هه‌رێمی‌ كوردستان،