له‌به‌رده‌وامیی سه‌ردانه‌كه‌ى بۆ ئه‌لمانیاى فیدرال، مسعود بارزانى سه‌رۆكى هه‌رێمى كوردستان سه‌ردانى بالیۆزخانه‌ى عێراقى له‌به‌رلین كرد و له‌وێش له‌لایه‌ن حوسێن مه‌حمود خه‌تیب بالیۆزى عێراق له‌به‌رلین و سكرتێرى یه‌كه‌مى بالیۆزخانه‌ و به‌رپرسانى بالیۆزخانه‌وه‌ پێشوازیی لێكرا.

له‌دیدارێكدا بالیۆزى عێراق به‌ناوى سه‌رجه‌م به‌رپرس و كارمه‌ندانى بالیۆزخانه‌وه‌ به‌خێرهاتنى سه‌رۆك بارزانى كرد و سوپاسى ئه‌م سه‌ردانه‌شى كردن، دواتر پوخته‌یه‌كى سه‌باره‌ت به‌ئه‌رك و كاره‌كانیان پێشكه‌ش به‌سه‌رۆك بارزانى كرد به‌تایبه‌ت له‌ هه‌لسوراندنى كارى عێراقییه‌كان له‌م ولاته‌دا .

سه‌رۆك بارزانیش هیواى سه‌ركه‌وتنى له‌ئه‌رك و كاره‌كانیان بۆ خواستن و خوازیارى ئه‌وه‌ش بوو له‌رێگه‌ى بالیۆزخانه‌ى عێراقه‌وه‌ خزمه‌ت به‌هاوولاتیانى عێراقى به‌بێ جیاوازى بكرێ و رۆلی خۆیشیان له‌په‌ره‌پێدانى په‌یوه‌ندییه‌كانى نێوان عێراقى فیدرال و ئه‌لمانیاى فیدرال بگێرن.