کاتێک پێنج کەس لەسەر جۆگەیەک یان سەد کەس لەسەر ... دەکوژرێت...
دەبێت بزانین کێشەکە زۆر گەورەترە لە تەنها کێشەیەکى کۆمەڵایەتى،
ئەوە کێشەى هەموو کۆمەڵگایە بەهەموو رەهەندەکانیەوە،
لەوانەیە هەندێک جار دەلالەت بێت لەسەر فەشەلى کۆمەڵگاش.
لێرەدا ڕەهەندە سەرەتاییەکان بەم شێوەیەن:
١) ئەوە کێشەیەکى یاساییە لەڕووى: لاوازى بوونى یاسا بۆ یەکلایى کردنەوەى جۆرى کێشەکان، یان لاوازى جێبەجێ کردنى یاسا ئەگەر یاساش هەبێت، یان لاوازى دامودەزگاى یاسایى لە رۆڵ بینین لەناو کۆمەڵگادا.....هتد
٢) ئەوە کێشەیەکى کۆمەڵایەتیە لەڕووى: نەبوونى هۆشیارى کۆمەڵایەتى بەچارەسەرکردنى کێشەکان بەبێ توندوتیژى، یان بوونى جۆرێک لە خۆبەزلزانین لەبەرامبەر یەکتریدا بەشێوەیەک کە کەسى دیکەى قبوڵ نیە و بەبچوکترى دەزانێت لەوەى کە مافێکى بەرامبەرى هەبێت، یان بەخۆنازینى بەهێزى پشت و تیرە و عەشیرەت، یان بەعەیب سەیرکردنى ئەوەى مافت بخورێت و هەرچى زوو تۆڵەسەندنەوە، یان سەیرکردنى کۆمەڵگا بەجەنگەڵێک و لەوەشەوە دەبێت خۆت مافى خۆت بستێنیت، یان و یان و یان.......هتد
٣) ئەوە کێشەیەکى دامەزراوەییە لەڕووى: نەترسان لە گرتن یان لە سزادانى توند لەبەر لاوازى دامەزراوە پەیوەندارەکان یان کەمیان و پێڕانەگەیشتنیان ...هتد
٤) ئەوە کێشەیەکى ئابووریە لەڕووى: کەمى داهات و سەرچاوەکانى ژیان لەسەردەمى قەیرانى دارایى و ئابوورى، یان کەڵەکەبوونى بێسەروبەرى کەرتەکانى ئابوورى، یان قۆرخکردن و دەستبەسەرداگرتن لەلایە کەسانێکەوە و ...هتد
یان هەموو ئەم کێشانەن بەسەریەکەوە.
دەمەوێت بڵێم کاتێک ڕووداوێک یان تاوانێکى لەو چەشنە ڕوو دەدات، پێوویستە هەموو زەنگەکانى مەترسى لەسەرجەم بوارەکانى ژیان و ناوەندەکانى بیرکردنەوە و بڕیارداندا لێبدەن و وەخۆ بکەون... لەگەڵ ڕێزمدا بۆ مامۆستایانى ئایینى و پۆلیس.. ئەوە تەنها خەمى ئەو دوو توێژەنین.. ئەو هەویرە ئاو زۆر دەکێشێت...