دەستنیشانكردنی كەسایەتییەكی بەرزو هەڵكەوتوو لە پێوەندییە نێودەوڵەتیەكاندا كە خۆی لەفەخامەتی سەرۆكی هەرێمی كوردستان مسعود بارزانی دەبینێتەوە، بەڵگەیەكی حاشاهەڵنەگری زیندووە بۆ سەركەوتنێكی بێ وێنە لە بەڕێوەبردنی پێوەندییەكانی دەرەوەدا دەرئەنجامی ئەوەش بە سەركەوتوویی لەنێوان كوردستان و دەوروبەریدا دەبینرێتەوە.


ئەگەر بە پێشەكی و دەستپێكێكی ستراتیژییەوە تاوتۆی كێشەیەك بكەین، ئەو كێشەیە نابێتە بەربەستێك لەبەردەم كۆمەڵێك دەرفەتی پێویست بۆ چارەسەركردن، بە شێوەیەكی وا كە ئەو كێشەية دەوڵەمەند بێت بە پەندو ئەزموونی قووڵی دوورمەوداوە، هەروەها بۆ ئەوەی ئەو كێشەیە بە وردی تاوتوێ بكەین، پێویستە سوود لە تەفاعول و هاوبارگەیی مەعریفیە گونجاوەكان وەربگیرێت، ئەم خوێندنەوەیە هەوڵ دەدات لەچەند هێڵێكی گشتی دوورمەوداو لە سنووری زانستی ئەكادیمی دەرنەچێتە دەرەوە، بێگومان ئەمەش دەرفەتی بێلایەنبوونی زانستی بۆ خوێندنەوەكە دەڕەخسێنێت.
دەستپێكی ئەو چارەسەرییەی كە بەهۆیەوە بنەما ستراتیژییەكان دابنێت و بیخاتەڕوو، جەختیش دەكەینەوە لەسەر ئەوەی كە زاراوەی ستراتیژ بەهۆی ئەزموونگەلی سەربازییەوە هاتبێتە كایەوە، ئێستا بە تەنیا ئەو زاراوەیە لە سنووری جێبەجێكردن ناوەستێت، بەڵكو ئێستا ئەو زاراوەیە تێكەڵ بە هەموو مەیدانە ئەپیستیمییەكان كراوە، كار رێكخەری گوتارە مرۆیی و شارستانی و ژیارییەكانە، لەمانەوە بۆمان دەردەكەوێت كە لەم چەرخەدا هەر جەمسەرێك ستراتیژیی پێ نەمێنێت ناتوانێت سەركەوتنێكی جیددییانە وەدەست بهێنێت، رەنگە بەهۆی شەپڕێوی لە ئەم سەرو ئەوسەركردنە تەكتیكییانەوە تووشی نسكۆ بێتەوە، هەر جەمسەرێك ستراتیژی نەبێت دەكەوێتە بەر ڕوانینی ستراتیژییەتی ئەوی دیكە و توانای دووربینانەی ئەوانی دی نامێنێت، هەروەها چۆنیەتی كۆنترۆڵ كردنی كاروبارەكان لەدەرئەنجامدا بۆ بەرژەوەندیی ئەوانی تر دەقۆزرێتەوە.
لە ڕووی كردارەكییەوە خوێندنەوەی ئەم بنەما ستراتیژییانە رێگەخۆشكەرە بۆ ئەوەی ئاماژە بدەین بە ستراتیژییەتی كوردستانیی كە بەهۆی تازە بوونەوەو پێشڕەوی كردن و بەرەو پێشچوونی بەردەوامیەوە ناوازە بووە، لەو كاتانەوەی كە راپەڕینی گەلی كوردستان لەسەرەتای نەوەدەكانەوە سەركەوتنێكی بەرچاوو مەزنی بەدەست هێناوە، لەم ساتەوەختەشدا كوردستان بەهەنگاوی ناوازەوە بەرەو بونیاتنانەوەو پەرەسەندنی زیاتر دەچێت، كە هەردەم سوود لە باشترین ئەزموونی نێودەوڵەتی وەردەگرێت تاكو بە هۆیەوە ئەزموونی زاتییانەو و پەرەسەندنی تواناكان و پەرەپێدانی ئەدای جێبەجێكردن دەوڵەمەندتر بكات، لێرەوە ئەم خوێندنەوە خاكڕاییە بۆ خۆی هەوڵێكە تا ببێتە رەگەزێك یان موفرەدەیەكی كارلێكبوون و دەوڵەمەندكردنی هەنگاوەكانی پەرەپێدان و پەرەسەندن، بەتایبەتی لە بواری سیاسەتی دەرەوەو پێوەندییە كوردستانییە نێودەوڵەتییەكاندا.
لێرەدا هەوڵ دەدەین جێبەجێكردنی كردارەكییانەی موفرەدەكانی چارەسەرەكانمان لەگەڵ دابەشبوونە تیۆرییەكان كە بەهۆی خوێندنەوەی فیكریی ستراتیژی و تەوەرەكانی فیكریی بونیادگەرییەوە پێی گەیشتووە هاوئاوێزان یان تێكەڵیان بەیەكتر بكەین.هەروەها لەلایەنی پێوەندییەكانەوە كە كوردستانیی فیدراڵ گرێیداوە، ئاكارە سەرەكییەكانی لەكارایی وەبەرهێنانی پێوەندییەكانییەتی لەسەر ئاستی قونسوڵییەتەكاندا بەرجەستە دەبنەوە، كە لەم دواییەدا بە شێوازێكی كاراو ئەكتیڤەوە پەرەیان سەندووە، هەر بۆ نموونە كۆمەڵێك قونسوڵگەریی وڵاتانی گەورەو ئیقلیمی كە لە هەرێمی كوردستان دەكرێنەوە گرنگی و بایەخی ناوازەی خۆی هەیە، ئەمە وێڕای دەیان نووسینگەی دیكەی ئەكتیڤ كە پاڵپشتن بۆ دروستكردنی پردی پێوەندیی و تێكەڵبوون، لەبەرامبەر ئەمانەشدا ئامادەگییەكی پڕ جموجوڵ و كارایانە لەلایەنی كەسایەتییەكانی ناو سەركردایەتیی كوردستانییەوە هەستی پێ دەكرێت، چ لەناو كۆنگرەكان یان لەو چالاكییانەی كە دەزگاو رێكخراوە نێودەوڵەتییەكان سازیان دەكەن، هەروەها دەستنیشانكردنی كەسایەتییەكی بەرزو هەڵكەوتوو لە پێوەندییە نێودەوڵەتیەكاندا كە خۆی لەفەخامەتی سەرۆكی هەرێمی كوردستان مسعود بارزانی دەبینێتەوە، بەڵگەیەكی حاشاهەڵنەگری زیندووە بۆ سەركەوتنێكی بێ وێنە لە بەڕێوەبردنی پێوەندییەكانی دەرەوەدا دەرئەنجامی ئەوەش بە سەركەوتوویی لەنێوان كوردستان و دەوروبەریدا دەبینرێتەوە، وێڕای ئەمەش هەڵچنینی چالاكییە پێشكەوتووەكان وای كردووە كە بەتایبەتی لەلایەن پەرلەمانتارەكانی وڵاتانی ئەوروپاوە تیشك بخرێتە سەر جینۆسایدەكان و دانپێدانان بەو تاوانانەی دەرهەق بە گەلی كورد ئەنجامدراون، بە تایبەت ئەو تاوانە گەورانەی كە لەژێر سایەی رژێمی دیكتاتۆرە فاشییە دۆڕاوەكاندا، گەلی كورد تاڵاوییانی چەشتووە.
رەنگە دوا خوێندنەوەمان بۆ تۆماری پێوەندییە دەرەكییەكانی كوردستان لە دوو دیداری گرنگدا خۆی ببینێتەوە، یەكەمیان لە یەكێتیی ئەوروپاوە كە لەوتەی بە نرخی فەخامەتی سەرۆكی كوردستان لە برۆكسل بەرجەستە بووە، كە لە لایەن لیژنەی پێوەندییەكانی دەرەوەی پەرلەمانی ئەوروپا بەدواداچوونی تێروتەسەلی بۆئەنجام درا، تاكو ئەو تاوانانەی دەرهەق بەگەلی كورد كراون، بخرێنە ناو لیستی رەشی جینۆسایدە جیهانییەكانەوە، ئەمەش دەروازەیەكی ئاوەڵا كرد بۆ پێشخستنی شێوازەكانی ددان پێدانان بەمافەكانی كوردستاندا، پاش ئەوەی بەدرێژایی ساڵانی بیستەكانی سەدەی پێشوودا چاوپۆشیی لەو تاوانانە دەكرا یان دەخرانە كونجی فەرامۆشییەوە، بەمەبەستی بەگۆهێنانی دیمەنی گەشەپێدانی پێوەندییەكانی دەرەوەو چۆنییەتی ئەكتیڤكردنی ئەو گەشەسەندنە، لەژێر تیشكی بەئاخاوتنكردنی بنەما ستراتیژییەكان و لەرووی چەمكە فیكری و فەلسەفییەكانی كە لەناو وتاری هاوچەرخی مرۆڤایەتی هەن ئەم بابەتە دەخوێنینەوە، لێرەدا هەرگیز هەوڵی ئەوە نادەین تەنیا پشت بەخوێندنەوەی تاقە بیرمەندێك ببەستین، بەڵكو هەموو فیكرە بەرجەستەبووەكانی بنەما ستراتیژییەكان لە تێڕوانینی خاكڕاییانەی خۆمانەوە تاوتوێ دەكەینەوەو پوختەی خوێندنەوەكە بەبنەما ستراتیژییەكان بەرجەستە دەكەینەوە بەم شێوەیەی كە لەم خاڵانەی خوارەوە بەرجەستە كراون:
1- ڕێبازی كۆكردنەوەی هێزو توانا شیاوو بەردەستەكان لە ڕێی یەكخستنیانەوە:
لەم ڕێبازەدا هەمیشە باس و جەخت لە دامەزراندنی توانای ستراتیژیی دەكرێتەوە، بە تایبەت بۆ خوڵقاندنی ریزبەندیی هێزو تواناكان بەپێی قۆناغەكە، هەتا پلاندانەری ستراتیژیی بتوانێت بگاتە مەبەستە پیرۆزەكانی. لەم بوارەدا پێوەندییەكانی دەرەوەی كوردستانی پێویستیان بە لێتوێژینەوەی زیاترە، واتا بۆ دروستكردنی باشترین پێوەندیی بونیاتنەرانەی دەرەكی ئەو هێزو رەگەزانە پێویستە دابمەزرێن.
2- جەخت كردنەوە لەسەر توانا یەكلاكەرەوە سەرەكییەكە بەرەو ئامانجێكی سەرەكی یا كۆكردنەوەیان لە كێڵگەیەكی سەرەكی و پەرتەوازە نەكردنیان:
ئەم رێبازەی كە لە ستراتیژیەتێكی تەندروستەوە سەرچاوەی گرتووە، دەكرێت لە ئاڕاستەكردنی ئامانجێكی باڵاتر بەكاربهێنرێت، ئەو ئامانجەی كە دەیسەلمێنێت كوردستان بەگەل و شارستانییەتەوە ناسنامەیەكی سەربەخۆیی تایبەتمەندیی هەیە، هەروەها بەشێوازێك پێشكەش بكرێت كە لە چوارچێوەی فیدراڵیەتدا بێت كە یەكێكە لە بژاردە سەربەستەكانی گەلی كورد لە ژێر رۆشنایی بارودۆخ و تایبەتمەندە هەست پێكراوەكاندا كە بە دەستوور چەسپاندوویەتی، ئەوەش بەمانای چەسپاندنی بیرۆكەی دانپێنانی زیمنی بەمافی وەرگرتنی بڕیارەوە، سەبارەت بەجۆری پێوەندییە فیدراڵییەكەش كە لەدەستی گەل خۆیدا بێت، هەروەها چەسپاندنی ئەم ئەركە لەناو دەستووردا، گواستنەوەی ئەم بەڵگەنامەو دیكۆمێنتە دەستوورییەش بەئاڕاستەی پشتیوانیی نێودەوڵەتییەوە، بەم شێوەیە ڕێگاكە رۆشن دەبێتەوە بەئاڕاستەی وەڵامدانەوەی هەر كاروبارێكدا كە پێوەندییە دەرەكییەكانی هەرێمی فیدراڵی بچەسپێنێت. ئەم بوارەش ڕوانینێكی دروستی پێدەوێت كە رەنگدانەوەی شارەزایی و تێگەیشتن بێت لە بەڕێوەبردنی كاری ستراتیژییدا.
3- پێویستیی بوون لەوەی كە ئامانجی سەرەكی لەگەڵ توانای كردارەكیی رەخساودا هاوشان بێت، هەروەها هاوجووت بێت لەگەڵ گریمانەو ئەگەرە لۆژیكییەكانداو لەسنووری هەلومەرجە واقیعیەكان دەرنەچێت:
بەسروشتی حاڵ یا بەشێوازێكی گشتی هەر درك كردنێك بە قووڵایی ستراتیژیی لەتواناكاندا نابێت پەلەی تێدابكرێت لەو كاتانەدا كە لە نێوان قۆناغەكاندا دەگوازرێتەوە، لەبەرئەوەی نەبێـتە سەركێشییەك بۆ بڕیارێك یان بڕیارەكانی تر، بەڵكو پێویستە بەهێمنانە بزاوتەكان خێراتر بكرێن، بەپێی تایبەتمەندییە بەردەستەكان نەك بەپێی ئامانج و ئارەزووەكان، لەم بارەیەوە توانا كوردستانییە روون بینەكە درێژكراوەی ئارامی و پشوو درێژییە، هەروەها درێژ بوەوەی پەلەنەكردن و هەڵبژاردنی بەردەوامی ئامانجە داواكراوەكەو تواناكانی بەرجەستەكانێتی، بۆ نموونە لەپێش هیچ رێكخراوێكی نێودەوڵەتی بەهەموو جۆرەكانییەوە ئەركێكی وابەدی ناكەین كە خاڵە دیاریكراوەكان تێپەڕێنێت، یان لەچوارچێوەی رێكخراوەیی دەربچێت، لەم دەروازەیەوە داخوازیی دانپێدانان بەسروشتی كۆمەڵكوژیی لە بەرانبەر ئەو تاوانانەی دەرهەق بەگەلی كورد ئەنجامدراون، لەخۆڕا هەڵنەتۆقیوون، بەڵكو لە سایەی چەندین لێكۆڵینەوەی سیاسیی و ئەكادیمی و كۆكردنەوەی هەموو توخمەكاندا وای كردووە تواناگەلێكی وا بێتە پێشەوە كە دەرفەت بقۆزێتەوە بۆ دیاریكردنی ئەم ئامانجە سەرەكییە كاتێك پێشكەشی پەرلەمانی ئەوروپا كرا، ئەم بیرۆكە تەندروستە هەنگاوە ستراتیژییەكانی خۆی دەپێكێت ئەگەربێتوو بەم شێوەیە بمێنێتەوە لەسەر بەراوردكردن لەنێوان دەرئەنجامی ئامانجەكەو توانا رەخساوە ئاساییەكان كە ئەمە لەسەر خوێندنەوە بۆ هەر ئامانجێكی دوور مەودای تریش دەچەسپێت.
4- ئابووری سەرچاوەی هێزە لەهەر پلاندانانێكی ستراتیژییدا بۆیە پێویستە بیر لەچەسپاندنی هەموو رەگەزەكانی پێكهێنانی ئابووریی پتەو بكرێتەوە.
هەر قەوارەیەكی نێو كۆمەڵگەی هاوچەرخی نێودەوڵەتی بەقەبارە دەرەكییەكەیەوە ناپێورێت، هەروەها بەو چەكە بەهێزو كاراو توندانەی كە هەیەتی نابینرێت، بەڵكو بەهۆی زەمینەسازیی ئابوورییەكەیەوە دیاری دەكرێت، وەك دەبینین زۆربەی جەنگە گەورەكان بەسیاسەتی گەمارۆدان و داڕووخانی ئابوورییەوە دەستیان پێكردووە، لەهەموو مەیدانەكاندا پێویستە بنەمای ئابووری توندوتۆڵ هەبێت لە پێناوی سەركەوتنی ئەزموونێكی نێودەوڵەتیدا. بەنموونە لێرەدا ئاماژە دەدەین بەئەزموونی چەند وڵاتێكی رۆژهەڵاتی ئاسیاو خۆرئاواكەی وەكو دەوڵەتی قەتەر كە بۆ بەدیهێنانی ئامانجەكەی وەرزشیانە ستراتیژیك بۆ خۆی بونیات دەنێت كاتێك میوانداریی پاڵەوانێتییەكانی تۆپی پێی جیهانی دەكاتە ستراتیژێك بۆ خۆی، ئەمە وەدی نایەت ئەگەر زەمینەی ئابووریی پتەو بۆ ئەو وڵاتە قەبارە بچووكە بەڵام لەتوانای مادیدا قەبارە گەورەیە ساز نەبێت.
بەڕێوەبردنی پێوەندییە دەرەكییەكانی كوردستانی بەبێ زەمینەیەكی ئابووریی توندوتۆڵ وەدی نایەت، لەبەر ئەوەیە كە سەركردایەتیی كوردستانی لای كردۆتەوە بۆ ئابووری لەدەروازەی كارتی ریفۆرمەوە، هەروەها لە ڕێی داواكردنی لێكۆڵینەوە لە بنكە نێودەوڵەتییەكانەوە، ئەو بنكانەی لەبواری پلاندانان و داڕشتنی یاساكان و مەیدانەكانی ئابوورییەوە لە هەمەجۆرێتی وەك پیشەسازیی و كشتوكاڵی و گەشتیاریدا پسپۆڕن، بەڵام ئەوەی لەهەمووان دیارترە چالاكیی بێوچانە بۆ بەستنەوەی ئابووریی كوردستان بە ئابووریی نێودەوڵەتییەوە، یان لە رێڕەوەكانی كاركردنیدا بۆ پەرەپێدانی بازاڕی دارایی هەولێر، هەروەها وەرچەرخاندنی بەرەو هەبوویەكی هەست پێكراو تا لەگەڵ بازاڕی نێودەوڵەتیدا پردێك دروست بكات یاخود لە ڕێگای راكێشانی وەبەرهێنانی دەرەكییەوە و كاركردن بۆ هەمەجۆركردنی سەرچاوە هەرێمی و نێودەوڵەتییەكانەوە، ئەمە وێڕای هەوڵدانێكی زۆر لە پێناوی بەرزكردنەوەی ئابووریی لۆكاڵی و دەوڵەمەندكردنی بەجووڵانەوەیەكی تایبەتمەندەوە لە ڕێی بیركردنەوە بۆ ئازادكردنی بازاڕ، تا لە ژێر پاڵەپەستۆو فشارە كتوپڕو چاوەڕواننەكراوەكان دەربچێتە دەرەوە.
سەركەوتنێكی باشی چاوەڕوانكراو بۆ ستراتیژییەتی پێوەندییەكانی دەرەوە بەستراوەتەوە بەهێزی ئابووری كوردستان و گەشەكردنی و چەسپاوێتی بارودۆخیەوە بەتایبەتی لە كۆتایی پێهێنانی شێوەكانی بێكاریی، سەڕەرای رێژە كەمەكەی لە هەرێمی كوردستاندا، هەروەها راگرتنی هەر ئەگەرێك بۆ زیادبوونی ئەو رێژە كەمەی هەژاریی و كاركردن بۆ چارەسەركردنی هەر كەلێن و ناڕێكییەك كە لە ڕێچكەی ئابووریدا دەردەكەون، ئەوەش لە ڕێگەی پشت بەستنی تەواو بە پلانڕێژیی كەسانی پسپۆری پێگەیو، لەگەڵ هەر سەركەوتنێكی ئابووریدا پێداگیریی زیاتر دەكرێت لەسەر سەركەوتنی پێوەندییەكانی دەرەكی، بەو شێوەیە كارلێكێكی ئەرێنی كاریگەرو كارتێكەر بە ڕێگەیەكی باشتر و سەركەوتووتر هەڵدەچنرێت..
5ـ هەوڵدان بۆ هەر كۆمەكییەك لە پێناوی پلانە ستراتیژییەكەدا، ئەوەش پێویستی بە دۆزینەوەی هاوپەیمانێتیی گەورە هەیە لە نێوان هێزو دەزگاكانی كۆمەڵگەیی لە شێوەی یەكخستنی سوپاو گەلدا: مەغزای پشتیوانیكردنی پێوەندییە دەرەكییەكان و سیاسەتی نێودەوڵەتی لە كۆكردنەوەی هێزە مییللیەكان لە لایەك و دامودەزگاكانی دەوڵەت بە سوپا لە لایەكی ترەوەیە، وانەو پەندی گەورە جەخت لەو مانایە دەكاتەوە، بەو شێوەیە پاراستنی هۆشیارییەكی باڵا لە ناو هێزی پێشمەرگە لە لایەك و زانین و درك كردن بە بزاڤی هێزی گەل لە لایەكی ترەوە، تێگەیشتنی واتاكانی پشتیوانی كردنی یەكترو یەكخستنی توانایە لە كۆبوونەوە دەرەكییەكاندا، ئەوەش دەبێتە گۆشەیەكی ئەرێنیی گرنگ بۆ بەرژەوەندیی هەستەوەرانەی ئەو سیاسەتە، لەبەر ئەوە لە ڕووی ستراتیژییەوە لە بری ئەوەی تاكەكان سەرقاڵ بكرێن بە كاروبارە لاوەكیبەكانەوە و لەسەر چنینەوەی هەڵوێستە تایبەتمەندەكانی كە بە تاكڕەوانەو بەكەسییكردن ناسراون ، لە بری ئەوانە یەكبوونێكی كۆگەلانە دروست بێت بۆ ئەو دۆزە گەورانەی كوردستان كە لە چوارچێوەی نێونەتەوەیی و نێودەوڵەتییەكاندا جووڵێنراون..
6ـ پێویستە لەسەر پلانی ستراتیژی بۆ بەرژەوەندیی گوتارو تواناكانی خۆی سوود لە سەرچاوەكانی ئەوانی دیكەو خەزێنەكانیان وەربگرێت: ڕەنگە ئەمە ڕوون بێت سەبارەت بە پلانی سەربازییانە، بەڵام لێرەدا لە چوارچێوەی پێوەندیی دەرەكی ئاماژە بە پلانی سیاسی دەدەم كە پێویستە وەبەرهێنان لەسەر گوتارەكانی ئەوانی دی بكات، بە نموونە جینۆسایدی هەڵەبجەو تاوانەكانی ئەنفال لەگەڵ هۆلۆكۆست بەراورد بكرێت، بۆ ئەوەی بە شێوەیەكی ڕوونتر دیمەنەكە بۆ ئەوانی تر دەربكەوێت، نموونەیەكی تر هەڵوێستە ئیجابییەكانی ناو سەربازگەی ئەوی دی باس بكەین تا ببێتە پاڵپشت بۆ داخوازییەكی خۆمان، پێویستە هاوكات ئاگاداری ئەداو كاری ڕكابەرو ئۆپۆزسیۆنەكانیش بین تا شتێكی وایان لێ وەربگرین تا ئۆپۆزسیۆنبوونی خۆیان ڕابگرن و بخزێننە چوارچێوەی چەسپاندنی ماف و ئامانجێكی دروست و ڕاستەقینەیی كە بۆ وەدیهاتنی لە خەباتداین.
7ـ پێویستە ئامادەگییە خودی و مانەوی و دەروونییەكان فەراهەم بكرێن پێش چوونە ناو پرۆژەو بەرنامەی ستراتیژییەوە وەك یەدەگێك بۆ هەر ئەگەرو گریمانەو سوپرایزێك: ئەم كارە لە جێبەجێكردنی ستراتیژەكەدا بە مەترسیدار دەژمێردرێت ، چونكە هەندێ جار داوای خۆڕاگری و ئارامی و چاوەڕوانیمان لێ دەكرێت بۆ مەودای دوور، پێش ئەوەی ئامانجی دوورمەودای ستراتیژی وەدیبهێنرێت، لێرەوە پێویستە بنكەكانی لێتوێژینەوەو ڕاستاندن و هەڵسەنگاندنی ڕاوبۆچوونەكان بدۆزینەوە تا بە دواداچوون بۆ هەوڵەكانی ئامادەكاریمان لە بارەی بنكە سەرەكیەكەی ستراتیژەوە بكرێت، ئەم بەكارهێنانەش توانای كۆدەنگیی ڕاگەیاندنی پێویستە جگە لەوەش پێویستی بە شێوەكانی گردبوونەوەیە بە هۆی چالاكییە جەماوەرییە بەرفراوانەكانەوە نەك ئەوانەی لە هۆڵەكاندا سیخناخ دەكرێن، بەڵكو دەتوانرێت چالاكییە گەورەكان هەڵسەنگاندنیان بۆ بكرێت، لە زیمنی وەدیهاتنی ئامانجداو لە ژێر كاریگەرێتیی ڕاستەوخۆی تەكتییكیدا، كە پێكەوە لەگەڵ موفرەداتی توانا دوورمەوداكاندا بەرجەستە دەبن.
8ـ هەوڵدان بۆ پەرتەكردنی تواناكانی لایەنی دژەباوو پێچەوانەو ڕاگرتنی بەرفراوانبوونی یان ڕێگەگرتن لە تەوزیفكردنی هەر ئەگەرو توانایەك بۆ مەرامەكانی ئەوی بەرانبەر: ڕووگەو ئاڕاستەی گەلی كوردستان بۆ بەهێزكردنی دۆخی دانپیانانی نێونەتەوەیی و نێودەوڵەتییانە بە بێ بەربەستدانان و نەیاران بەتایبەتی هێزەكانی شۆڤێنیی دوژمنكار ناچێتەسەر، لەبەر ئەوە پێویستە بیركردنەوە لە چۆنیەتی كەمكردنەوەی تواناكانیان و دەرفەتنەدانیان لە قۆرخكردنی مینبەرە نێودەوڵەتییەكان ببێتە كارێكی گرنگ، چونكە لەبەردەم هەوڵەكانی پێگەیشتنی پێوەندییە دەرەكییەكاندا دەبنە بەربەست.
9ـ لەبەر ئەوە پێویستە لەسەر كاركردن و بەرهەمهێنان و پاراستنی پتەوێتی ئامانجەكان و بزرنەكردنی ئاڕاستەكانی گەیشتن پێیان بەردەوامی هەبێت: لە ناوجەرگەی ئەم رێڕەوەدا پێویستە لەسەر بیرمەندانی ستراتیژ ئامانجەكەیان بزر نەكەن و خۆیان بە كاری لابەلاوە سەرقاڵ نەكەن، بەڵكو پێویستە لە بەرانبەردا هەنگاوەكانیان گورجتر بكەنەوە و موفرەدەكانی كاركردن بە ئاڕاستەی ئامانجەكە بەدیبهێنن بە بێ سڵ كردنەوەو فەرامۆش كردن.
10ـ هەمیشە ئەوەمان لە پێش چاو بێت كە پرەنسیبی وەبەرهێنان ئاسانترین دەروازەیە بۆ گەیشتن بە ئامانجەكان: شتێكی ئاساییە كە پلانی سیاسییانەی ستراتیژی هەنگاو بە هەنگاوو پلە بە پلە بچێتە پێشەوە نەك بە پەلەپڕوزێ و پەلە پەل كردن قۆناغەكان ببڕدرێت و شێوەیەكی مەترسیداری لێ دروست بێت، لێرەوە هەنگاونان بە ئاڕاستەی ئامانجەكە ڕەنگە تەمەڵی تێدا بكرێت، بەڵام پابەند دەبێت بە گەڕان بە شوێن هەموو دەرفەتێك و گرتنەبەری هەموو دەروازەیەكی ئاسان بۆ گەیشتن بە ئامانجەكە، ئەمەش بە واتای پچووك نەكردنەوەی مەحفەلە نێودەوڵەتییەكان یان ڕانەوەستان لەبەر دەرگاكانی دەزگا زەبەلاحەكاندا بە بێ ئەوەی توانای چوونە ژوورەوەت هەبێت، ئەو ڕۆژە دێتە پێشەوە كە ئەو مەحفەلانە توێژینەوە بكەن لەسەر ئامانجەكان كە بە ئارامی و زاناییەوە خاڵە بچووكەكانی لە دوای یەكتر كۆكردۆتەوە تا ئەو ئاستەی هەبووەیەكی هەستپێكراوی گەورەی نێودەوڵەتییان بۆ دروست دەبێت، ئەو كاتە لەوانەیە ئامادەیی بوونتان لە بۆنەو چالاكییە بچكووكەكانی ئەنجومەن و ڕێكخراوەكان و بەشداربوونتان لە كۆنگرەكانی بزووتنەوە لۆكاڵی و نێونەتەوەییەكاندا مەحافلی تایبەتمەندی باڵاتر بەلاتاندا پەلكێش بكات بە سەمتی پێوەندییە دەرەكییەكانیانەوە.
11ـ لەگەڵ فەراهەمكردنی نەرمونیانی تەواوو دەرفەتدان یان دەروازەكردنەوە بۆ مانۆڕو و وەڵامدانەوەی بارودۆخەكان یان هێڵەكانی گەڕانەوەو گۆڕینی ئامانج بە پێی پێشهاتە نوێیەكان: لەمەوە پێویستە بۆ خوێندنەوەی ئەم ڕێبازە زۆر وریایی بەكار بهێنرێت تاكو چەقبەستوویی ئاستی ئەدا نەگرێتەوە.. هەمیشە پێویستە دەروازە ئاوەڵا بێت بۆ نەگەڕانە دواوەو ڕێگەگرتن لە داخزان بە ناو گرفتەكاندا بە هۆی نەمانی توانا لەسەر مانۆڕكردنی قۆناغبەندی تەكتیییكانەی ئەداوە، بۆئەمەش پێویستە هەمیشە چاو لە ئاستی ئامانجە دوورمەوداكان غافڵ نەبێت، ئەمەش هاندەرمان دەبێت بۆ بیركردنەوە لە وەدیهێنانی دەرفەتەكانی مانۆڕكردن لەبری كەوتنە ناو زیانی گەورەوە، كەواتە ئەركی سەرشان، دەبێت بە یەك تولە ڕێ گوزەر نەكرێت و یەك گوتاری تاكڕەهەندانە وەك ئامڕاز نەگیرێتەبەر، هەندێ جار بارودۆخ خۆی وا دەسەپێنێت بە ناچارییەوە بە شێوەیەكی كاتی بكشێیتەوە، ئەمەش لە پێناوی ئەوەی بڕژێتە ئەستێڵكی پتەوكردنی ئامانجە گەوهەرییەكەوە، زۆرجار بارودۆخ ڕێخۆشكارە بۆ چوونە پێشەوە بەرەو تەوەرەكان تا جەمسەری بەرانبەر وا لێبكەیت بكشێتەوە..
12ـ نەخستنەكاری هەموو ئامڕازو كەلوپەلەكان بە تایبەتی سەرەكییەكانی: لە كاتێكدا ئەگەر هێزگەلێك هەبن خۆیان مەڵاس دابێت بۆ جووڵانەوەكانت و ئامادەییان وەرگرتبێت تا دواتبخەن، بیرۆكەی نەخستنەكاری هەموو توانا و هێزت لە هەر چالاكییەكدا بیرۆكەیەكی ناوازەیە تا زیانەكان بەر ستراتیژ نەكەون بە تایبەتی لە ساتەوەختی هاتنە پێشەوەی سوپرایزێكدا، لەمەوە پێویستە وریا بین لەو توانا ستراتیژیانەو وەریبگێڕین بۆ بیرۆكەی هەمیشە پاراستنی هێزی سەرەكی بۆ هەنگاوهەڵێنانی داهاتوو مادام ئامانجی دوورمەودامان وەدینەهێناوە بەرەو ئەو زۆنەی كە پێشڕەوێتی بۆ دەكەین.
13ـ ستراتیژیەت ناچار دەبێت تەوزیفی پلانی یەك بەرانبەر سێ بە پێی توانا بكات، لە هەندێ دۆخیشدا پلانی سێ لە دژی یەك بەكاربهێنێت: لە چركەساتە یەكلاكەرەوەكانداو لەو توانایانەی چالاكییەكانی تێدا ئەنجام دەدرێت بە ئاڕاستەی ئامانجێك هیچ كام لە جەمسەرەكان لەو چركەساتەدا ئەوەی لەبیر ناچێت كە حەقیقەتێك هەیە پێویست بە بەكارهێنانی یەك هێز دەكات لە هێزەكانی خۆی یان یەك كەرەسە لە كەرەسەكانی خۆی بۆ ڕووبەڕووبوونەوەی سێ هێزی بەرانبەر بە شێوەیەك ئەو هێزە ناوازە ??