ماوەیەکە ڤەلڤینێن پارتا کرێکارێن کوردستانێ ل ناڤ ئاخا ھەرێما کوردستانێ دا د زێدەبوونێ دایە ، ب شێوەیەکی کو خەلکەکی دەست ژ مال و مولکێ خوە بەردایە ژ ترسا دەست درێژی یێن پارتا کرێکارێن کوردستانێ ، ھەروەسان بومبەباران و فروکەیێن لەشکەرێ تورکیا ل ناڤ ئاخا ھەرێما کوردستانێ ب تومەتا لڤین و چالاکی یێن پارتا کرێکارێن کوردستانێ ب دەھان خەلکێ سڤیلێ بێ گونەە شەھید کرینە ، ھەرێما کوردستانێ بویە مەیدانا ژێک ڤاڤارتنا ھێزێن بیانی ، پشتی رێکەفتنا ھەولێر و بەغدا سەبارەت باژیرێ شنگالێ ھاتیە ئیمزاکرن ژ بو وێ چەندێ کو ئێدی گروپێن چەکداری یێن نە فەرمی دناڤ ئاخا شنگالێ دا نەمینن ، ھەر زووی پارتا کرێکارێن کوردستانێ ئەڤ رێکەفتنامە رەت کر ، ھەلبەت ئەڤ رێکەفتنامە ئاماژەیەکە ژبو پارتا کرێکارێن کوردستانێ کو ھەناسەیێن وێ یێن داویێ نە ل ناڤ ئاخا شنگالێ دا ، ژبەرکو ئێدی حکومەتا عیراقێ ب ھەمی ئامراز و ئالیەت دێ روی ب روی ھێزێن بیانی بیت ب مەرەما پاقژکرنا کرنا باژیرێ شنگالێ ، ھەلبەت ئەڤ چەندە یا ب ساناھی نابیت ژبەرکو ھەمی پێشھات ھوسان دەنە دیارکرن کو جێبەجێ کرنا ئەڤێ رێکەفتنامێ یا ئاسان نابیت ، پارتا کرێکارێن کوردستانێ لایەنێ حکومەتا ھەرێما کوردستانێ د رێکەفتناما ھەولێر و بەغدا دا ب پێناسەیا پارتا دیموکراتی کوردستان دا زانین ، لەوران لڤینێن خوە د ناڤ ئاخا ھەرێما کوردستانێ دا زێدەتر لێ کرینە ، راگەھاندنا ئەندامێ کونسەیا پەکەکێ موراد قەرەیلان کو ب ئاوایەکی باس ل وێ چەندێ کریە کو ھەرێما کوردستانێ بارەگا ل ھندەک دەڤەرێن ھەرێما کوردستانێ داناینە و بالێ پەکەکێ ئەوان بارەگا ب شەرێ براکوژی پێناسە دکەن ، لەوران ئەڤە ئاماژەیەکە ژبو ھندێ کو پارتا کرێکارێن کوردستانێ دخازیت روی ب روی ھەرێما کوردستانێ راوەستیت و گروڤەیا ئەڤێ چەندا ھەنێ داوی چالاکیا پەکەکێ پەقاندنا بوریا ڤەگوھاستنا نەفتا ھەرێما کوردستانێ ژبو ئاخا تورکیا ، لەوران ب لێنێرینا بارودوخێ ھەرێما کوردستانێ سەقامگیر نینە و پێدڤیە حکومەتا ھەرێما کوردستانێ ب رژدی ژبو ھەر پێشھاتەکێ نوی ئامادەکاریان بکەت ژبەرکو دنوکە دا پارتا کرێکارێن کوردستانێ مەزنترین ھەرەشە و مەترسی یە لسەر ئاسایش و سەقامگیریا ھەرێما کوردستانێ، داھاتێ نەفتێ ئێک ژ ژێدەرێن سەرەکی یێ داھاتێ حکومەتا ھەرێما کوردستانێ یە ، لەوران دوور نینە د نوکە و داھاتی دا پەکەکە ببیتە ئەگەرێ پاش خستن و برینا نانێ خەلکی ل ھەرێما کوردستانێ.