دوای زیاتر لە ١٨ساڵ پێشێل کردنی سەروەریەکانی عێراق تازە بەتازە سیاسییە شکست خواردوەکان و پەرلەمانتارە نابوتەکان سەروەری عێراقیان بیرکەوتۆتەوە،لەرێی پەرلەمانێکی فیکروو ئایدیا ئێرانی داوا دەکەن سەروەری عێراق بپارێزن.
عێراقێک نزیک بە چارێگە سەدەیەکە لەژێر ھەژموونی ئێران و ئەمەریکا بەرێوەدەبرێت.پەرلەمانتارە شیعەکانی سەر بە ئێران و سونە مەزھەبەکانیش سەر بە ئەمەریکا،خاکەکەی ئێرانی و ئاسمانەکەی ئەمەریکی،دەمێ لەسەر موزیکی ئینگلیزی سەما دەکەن و دەمێ لەسەر فارسی،گەر نەخۆش نیت ئەی چی؟
ترسناکترین‭ ‬ئاستی‭ ‬کارەسات‭ ‬کە ولات و میللەت‭ ‬و‭ ‬نیشتمانێک‭ ‬بیگاتێ‭ ‬ئەوەیە،‭ ‬دەسەڵاتداران‭ ‬و‭ ‬زۆرینەی‭ ‬خەڵکەکەی‭ ‬مامەڵەیەکی‭ ‬ناجۆر‭ ‬و‭ ‬نابەرپرسانە‭ ‬لەگەڵ‭ ‬سەر‭ ‬و‭ ‬ماڵی‭ ‬خۆیاندا‭ ‬بکەن ، بەھا نیشتیمانی و پیرۆزییەکانی ولات فەرامۆش بکرێن خەلک خاوەنی نیشتیمانی دایک بێ،بەرھەمەکەی بۆ بێگانە بێت،دەسەلاتێک لەبری‭ ‬گرتنەبەری‭ ‬ڕێکاری‭ ‬پێویست‭ ‬بۆ‭ ‬بەڕیوەبردنی‭ ‬لەباری‭ ‬وڵات‭ ‬و‭ ‬دابینکردنی‭ ‬داهاتی‭ ‬هەمووان ،میللەتەکەی‭ ‬نابووت‭ ‬بکات،‭ ‬گەنجینەکانی‭ ‬وڵات‭ ‬خاڵی‭ ‬خاڵی‭ ‬بکات‭ ‬و‭ ‬کاربەدەستانی‭ ‬خۆیشی‭ ‬لە‭ ‬هیچەوە‭ ‬ببن‭ ‬بە‭ ‬ملیۆنێر؟‭ ‬وڵات بەحری نەوت و پارە بێت کەچی میللەت سوالکەر بێت.
شاعیری‭ ‬بەنێوبانگی‭ ‬ئەڵمان‭ ‬گۆتە‭ ‬دەپرسێت‭: ‬باشترین‭ ‬حکوومەت و ولات‭ ‬کامەیە؟‭ ‬گۆتە‭ ‬هەر‭ ‬خۆی‭ ‬وەڵام‭ ‬دەداتەوە‭ ‬و‭ ‬دەڵێت‭: ‬ئەوەی‭ ‬فێرمان‭ ‬دەکات،‭ ‬خۆمان‭ ‬بتوانین‭ ‬خۆمان‭ ‬بەڕێوە‭ ‬ببەین‭.‬
حکوومەتێک‭ ‬نە‭ ‬خەڵکی‭ ‬فێری‭ ‬خۆبەڕێوەبردن‭ ‬کردبێ و‭ ‬نە‭ ‬خۆیشی‭ ‬خاوەنی‭ ‬هونەری‭ ‬بەڕێوەبردن‭ ‬بێت،‭ ‬دیارە‭ ‬خەڵک‭ ‬و‭ ‬وڵات‭ ‬بەرەو‭ ‬ڕووی‭ ‬نادیار‭ ‬و‭ ‬ترسناک‭ ‬دەکاتەوە.وەک چۆن لە ئێستایا مەترسی کەوتنی عێراق زیاترە لە ئێران.
٢٠ساڵە ئەمریکاو ئێران فەرمانرەوایمان دەکەن و عێراق بەرێوە دەبەن بەردەوام لە خێروو بێری ئەم ولاتە و قوتی میللەت دەخۆن،خێر تازە خەبەرتان بوەوە و دەتانەوێ عێراق رزگار بکەن. لە کاتێک خاوەنی بچوکترین کالایی دروستکراوی خۆت نیت داواش دەکەی بایکۆتی کەلووپەلی ئەمەریکی بکرێ .
پێشینان راستیان فەرموە (کلاوی خۆت بگرە با با نەیبات)
گەر عێراقییەکان نەتوانن یەک دەنگ و یەک ھەلوێست بن،سیاسەتێکی بەھێزوو تۆکمەیان نەبێ لە ئال و ساتێکی وەھادا،ئەگەری رووخانی عێراق و ھەڵوەشانەوەی زۆر زیاترە لە سەرکەوتن و زاڵبوون بەسەر ئەو ئاڵۆزی وپێشھاتە نوێیانەی رووبەرووی دەبنەوە لەسەر حیسابی ئێران .