چما ل ئێراقێ؟
شڤان سالم گولی
هه‌لبه‌ته ئه‌ڤ پێنگاڤا ئه‌مریکا ژی پشتی بوویه‌رێن ڤێ داوێی ل به‌غدا هات کو تێدا بزاڤا سوتاندنا بالیوزخانه‌یا ئه‌مریکا ژ لایێ ملیشیاتێن سه‌ر ب حه‌شدا شه‌عبی هاتبوو کرن و ئه‌مریکا راسته‌وخو ئیران ب ڤێ یه‌کێ تومه‌تبار کرن و سوزا هه‌لویست وه‌رگرتنێ دا،،لێ وه‌سا دیاره خوبایی بوونا حه‌شدا شه‌عبی و ئیرانێ قه‌ت هزر ل وێ چه‌ندێ نه‌دکرن کو ئه‌مریکا بوێریه‌کا ب ڤی ره‌نگی بده‌ت خوه کومه‌کا فه‌رماندێن پایه بلند ل شه‌ڤا 2 لسه‌ر 3ێ یا 1/2020ێ داو ێ بویه‌رێ ئه‌نجام بده‌ت یا مه هه‌میان دیتی،،،
هه‌ر چه‌نده ئه‌مریکا ب فه‌رمی ئه‌و چه‌ند راگه‌یاندن کو ئه‌گه‌رێ ڤێ چه‌ندێ ئه‌و بوویه کو وان پێزانین هه‌بوون لسه‌ر هندێ کو سولێمانی ب مه‌به‌ستا ئاماده‌کاریا بو وه‌شاندنا دربه‌کی لسه‌ر ئه‌مریکا ژ به‌یروتێ قه‌ستا به‌غدا کربوو،، لێ ئه‌و جهێ پرسێ ئه‌وه چما ئه‌ڤ بویه‌ره ل به‌غدا (ئێراق) ێ هاته رویدان ل چما ل به‌یروت نه؟ گه‌لو کوشتنا سولێمانی ل به‌یروتێ ژی مومکین نه‌بوو؟ یان ژی ئه‌مریکا ب مه‌به‌ست ئه‌ڤ چه‌نده ل ئێراقێ کر،، هه‌لبه‌ته ئه‌گه‌ر هنده‌ک ب وردی ته‌ماشه‌یی بویه‌را بکه‌ین باش دیار دبیت کو ئێراق خالا هه‌ری گه‌رم یا ململانێ دناڤبه‌را هه‌ردوو ولاتان دایه و ره‌نگڤه‌دانا ڤێ ململانێ ب تمامی لسه‌ر ئاستێن بالایێن حکومی و حزبی بگره کومه‌لایه‌تی ژی دیاره و په‌یامێن به‌رده‌وام د خوه پیشانداناندا دهێن بلند کرن گروڤه‌یا ڤێ چه‌ندێ نه،،، دیسان کێشه‌یا ململانا مه‌زهه‌بی و نه‌ته‌وه‌یی ژی ل ڤی ولاتێ ژ وان خالێن گرنگن کو جهێ پویته‌پیدانا هه‌ر یه‌ک ژ ئیران و ئه‌مریکا یه و هه‌ر ئالیه‌کێ دڤێت ڤێ کێشمه‌کێشێ د ئالیێ خوه دا رابکێشیت،،هه‌لبه‌ته ئه‌مریکا پشته‌ڤانیا کومه‌کا ولاتێن که‌نداڤی ژی هه‌یه،،ئه‌ڤه ژ بلی کو ئه‌مریکا ئێراقێ و سه‌روبه‌رێ وێ یێ سیاسی یێ ئالوز ب کورتترین و ئاسانترین رێک بو ئیرانێ دازنیت کو گروپێن ملیشیاتێن سه‌ر ب خوه‌ڤه د ڤی ولاتی را ده‌ربازی سوریا و لوبنانێ و بگره باکورێ ئه‌فریقیا ژی بکت ،،له‌وما به‌رده‌وام کێش و بێشیا دناڤبه‌را ئیران و ئه‌مریکا دا ل ڤی ولاتی زور گه‌ر‌متر و هه‌ستیار تر بوویه...ژ لایه‌کی دیڤه هه‌ولێن به‌رده‌وام یێن ئیرانێ بو فشار خستنا لسه‌ر حکومه‌تا ئێراقێ بو ده‌رکرنا بریاره‌کا تایبه‌ت ب ده‌رکرنا هێزێن ئه‌مریکی ژ ئێراقێ ڤه بالا ده‌ستیا حه‌شدا شه‌عبی و دیسان رولێ ئێکلاکه‌رانه یێ ئیرانێ ب رێکا سولێمانی د هه‌موو بریارێن ئێراقێ دا سه‌رئه‌نجام ئه‌مریکا بو به‌ره‌ڤانی کرنێ ژ خوه نه‌چار کر بریاره‌کا ب ڤی ره‌نگی بده‌ت کو ئه‌و ژی کوشتنا کومه‌کا سه‌رکردێن دیارێن حه‌شدێ و ئیرانێ،،، و دیسان ئه‌مریکا ب ڤێ کریارێ خواست په‌یامه‌کا روون بده‌ت ئیرانێ کو ئێراق ئه‌و ولاتێ ئه‌مریکا ب ملیارا دولار لێ مه‌زاختین ب هیچ ره‌نگه‌کی نابیت ئه‌و ولاتێ ئیران خه‌ونا پێڤه دبینیت و ئه‌مریکا ب هه‌ر رێکه‌کا هه‌بیت دێ به‌ره‌ڤانیێ ژ هه‌بوونا خوه کت ل ئێراقێ و دیسان وانه‌یه‌کا گرنگ بو بو ئیرانێ کو ئێدی ئه‌و ل ئێراقێ نابیت هه‌ست ب ئارامیێ بکن و سنورێت خوه ببه‌زیین و دور نینه ئه‌ڤ چه‌نده ببت ئه‌گه‌رێ لاوازیا ئیرانێ ل سوریا و لوبنانێ ژی له‌وما ژی ئه‌مریکا ئێراق وه‌ک خالا ئێکلا که‌روه هه‌لبژارد و پلان ل وێرێ هاته جێ به‌جێ کرن بو هندێ کو په‌یامه‌کا روونتر بده‌ت ئیرانێ بو ب ئاشکه‌را ثی رابگه‌هینیت کو ل ئێراقێ ئه‌مریکا بالا ده‌سته،،
