شیلان کچەکا پێنچی و سێ سالی یە دگەل دایکا خوە ل گوندەکێ سەر ب دەڤەرا ئامێدیێ دژیت وسەمیانا دایک و برازایێت خوو یە .

شیلان دبێژیت هەر ژ سالا 1988وەرە ل دەمێ ئەنفالا رەش ب سەرێ مە هاتی باب و برا و خزم و کەس وکارێن مە هاتنە ئەنفال کرن و هەتا نوکە چارەنڤیسێ وان نەیێ دیارە پشتی ئەم هەمی ل گوندی ڤەگوهاستینە دهوکێ ل وێرێ ل کەلها نزارکێ زەلام و ژن و زاروک ژێک جوداکرن باب و برا و هەمی زەلامیێن مە یێن گوندی ب زیلان برن و تا ئەڤرۆ بێ چارەنڤیس ماینە لەوا ژی ئەز وەک کچا مەزن یا دایکا خوە پشتی وێ کارەساتێ جهێ باب و برایێت خە من گرت و سەمیانا مالا خوە دکەم کو وی دەمیدا من دوو برازایێت بچیک هەبون کو ژیێ وان دناڤبەرا دوو سال و چەند هەیڤا دا بون و خیشکێن من ژی هێش بچیک بون و کەسەکێ وەسا نەبو هاری دایکا من کربایە ،

بەردەوامی دا گوتنا خو " ژیانا بێ باب و برا زورا زەحمەتە هەمی دەما من خو ددنا زەلاما مالێ و هەر کارەکێ هەبا من دکر بگرە ژ کولانا زەڤیا خودان کرنا تەرش و تەوالا دیسان بەرهەڤکرنا پیتڤیێن روژانە یێن ژیانێ تا شیایم تا رادەکێ ڤالاتیا هەی ژ سەخیتا ژیانا جاران پر بکەم"

بەحس ل کارێت خو یێت زەحمەتکرن و گوت " هەر کارەکێ هەبا من دکر پێخەمەت دایک و خیشک و برازاێت خو تەرش و تەوال خودان کرن ، چلی برین ، کومکرنا گولیێن دەخلی ، کولانا زەڤیا و ئاڤدانا وان "

پێخەمەت مالا خو من بریارا نەشیکرنێ دا ، حەتا ئەو زاروک مەزن بوین و خاندنا خو دووماهیک ئیناین و هەر ئێک چو سەر رسقێ خو و ژیانا خو یا تایبەت .

ب چاڤێت تژی روندک گوت : قەدارا مە ئەنفال و شینوارێن وێ هەتا هەتایێ مان ژیان پری نەهاماتی پێشکێشی مەکرن ژ بەر مالا خە ژیێ من ژی مەزن بو ئێدی نەشیام خێزانێ پێک بینم و من ژیانا خو قوربانی مالا خو کر و نوکە ئەز و پیرە دایکا خو تنێ د بن خانیەکێ ڤە دژین .

بەردەوامیێ دا گوتنا " مینا دەهان کەچێن دی یێن قوربانیت دەستێ ئەنفالان دا و بەردەوام شینەوارێن ئەنفالێ د ژیانا مەدا دوبارە دبن و هێش ئەم یێن قوربانیا ددەین راستە 31 سال دەرباز بون لێ شینەوارێن وان سالان یێ پتر دبن و هزار چێروک و ژیان یێن ڤەشارتی ژێر پەردەیێن تاری دا ناهێنە دیتن"

شیلانێ سەرێ خوە بلند کر ب دلەکێ پری پەشیمانی گوت خەونا من بو جارەکێ ئەز ژ وێ حەژێکرنێ شاد ببم دەمێ من د کەلەکەلا ژیێ خودا خەون پێڤە ددیتن لێ قەدارا مە ژێک دورکرین کەسێ من خەونا ژیانێ پێڤە دیتی هاتە ئەنفال کرن دگەل باب و برایێت من و پتر من دل ل سەر شیکرنێ نەما کو ئێدی چاڤەرێ بون ژی نەما بو ژیانێ و ژیان یا من بەرەڤ دووماهیکا ژیێ مایی دبەت ئێدی خوە ئەز خێزانێ ژی پێک بینم من زاروک نابن و ژیێ من یێ مەزن بۆی و من هێزا کاری ژی یا دەست دایی ئێدی ئەز پێتڤی چاڤدێریێ مە توشی چەندین نەخوشیا بویمه .

ل بێزاریا ژیانێ ژی شیلانێ وەسا گوت : زور جاران ژ بێ هیڤیێن ژیانێ دا و ئەوان نەهامەتان یێن روژا نە دبینم داخازا دووماهیک ئینانا ژیانێ دکەم ژ خودێ .لێ ژبەر دایکا خوە من ژیان یا هەلبژارتی و دانایە بو وێ دژیم و ب هەبونا وێ بەردەوامیێ ددەمە ژیانێ .

ل دوور پەشیمانیا ژیێ چوی " پەشیمانم ل دەمێ کەلەکەلا ژیێ خودا من ژیانا هەڤژینیێ پێک نە ئینای بەلکی من زارۆک هەبانە و نوکە ئەژی خودان خێزان بامە دا پتر چاڤدێریا من و دایکا من و مالا من کەن لێ ئەنفال هێش یا بەردەوامە ل سەر ژیانا مە مرن نوکە باشتر بونەکە ژ وێ ژیانێ یا ئەم هێلاینە تێدا "

ب وێ بێ هیڤی بونا ل سەر سەروچاڤێت وێ گوت " ل دەمێ ئەنفالاندا ل سالا 1988 تا 2003 ئەز زورا چاڤەرێ بوم کو جارەکا دی باب وبرا و خوشتڤیێ من ڤەگەرن لێ پشتی شەرێ ئازادیا عیراقێ و دیارکرنا گورێن ب کوم ئەو هەمی پەرێن هیڤیا پەر پەر بون ئێدی چاڤەرێ بونا ساخ ڤەگەراندنا وان ناکەم ، بەلکو پێچەوانە یا هیڤیا هندێ کا وەک هەشت هزار بارزانی یان و گەرمیانیا دێ کەنگی گورێن وان ڤەگەرینن "

دەربارەی ژیێ مایی شیلانێ گوت " قوربانیت وەکی من د زورن لێ چونکی کچن هزار ئاهـ و نالینێن مەزن د ناخێ خودا ڤەشێرن و کەسێ ئاگەهی ژ دەنگی وان نینە و بەردەوام یێ قوربانیا ددەین و بەردەوام یێ ژیانێ د چارچوڤێ بێ دەنگیێ دا ڤەشێرین ، ب دەهان نمونەیێن وەک من ل دەورو بەرێن من دژین لێ د جڤاکەکێ بەرتەنگ یێ دیتنێ دا دنالین ، د خەدیێ ئێشین مەزندا د بێ دەنگین پێخەمەت پاراستنا کەرامەتێ و دەنگی مە و نالینێت مە د ڤەشارتی نە "

ل دوور خوزیێن خو شیلانێ گوت " خوزێن من ئەو بون هەردەم من ئاهەک و ئازاراکا دلێ خوە دەرکربا بەلکی جارەک هات با وژدانا بێ وژدانیا وان کەسان شکاندبا یێ خوە ب گرێدایی داب و نەریتان ڤە گرێددەن و دزانن هەمی

نەریت د خەلەتن و دگەل ڤی سەردەمی نا گونجیت لێ ژیێ مە چو ئێدی گەنج نابم بشێم خو بەر نەهامەتێت دژوار تر بگرم لەوار ژی یا ژوراکا بلندا و د پەنجەرا وێ ژورێ را تەماشەیی روژ ئاڤا بونێ دکەم پەرێت بێ هیڤیا یێت دەورانی من گرتین و بەردەوام یا دهێمە ئەنفال کرن مینا سەدان کچا.

خەونا وێ ئەو بو " دەمەک هات با ب رێکا نڤیسینێ ئاهێن ڤەشارتی و وان دەردەسەری و نەخوشیێن ژیانێ گەهاندبانە بەرەبابکێت بهێت دا وان کربا دیروک کو ژن ژی مینا زەلاما د خوراگرتینە لێ بێ دەنگیا مە یا وەل مەکری ئێدی یاخیبونەک یا پەیدا بوی د ژیانا مەدا ، ئەڤە ژی قەدەرا کەچێن دەڤەرا منە ژین ب بێ دەنگی ، دگرین بێ دەنگی ، دئێشین د بی دەنگی ، د مرین ژی د بێ دەنگی "

ل دووماهیکێ ژی د خازم ژیان دووبارە ل ئەنفالکریان ڤەگەرینن و بلا هزرا مە دووبارە نەهێتە ئەنفال کرن وەک چاوە ژیان ل مە هاتیە ئەنفال کرن .و خە ب ژن و کچێن ئەنفال کریان بکەنە خودان چونکی نالێنیت وان د بێ دەنگن و بەردەوام پێتڤی چاڤدان وهاریکاری کرنێ نە ئەگەر نە ژیان یا لێ بویە دوزەخەک چ جاران ژ وێ دووزەخێ قورتال نابن چونکی زور ژ وان نمونەیان یێ دناڤا کەس و کارێن ئەنفال کریاندا هەین ب چێروکێن دل تەزیندا دژین و دنالن بێ کەسەک پێ ئاگەهـبیت.

پشتی پشکداریکرنا خولەکێ ژ رێکخراوا "Internews" ل سەر شێوازێ نڤیسینا راپورتا هەستیار جیندەر و توند و تیژیا ژنان وەک ئامادەکاری ئەڤ ستوریە ل دوور پرسا توند و تیژیێ هاتیە نڤیسین