هێڤێنی ئاشتیا هه‌رێمێ بۆ توركیا رۆژهه‌لاتی
رێژین نھێلی
ل ده‌سپێكێ دێ ژ توركیا ده‌ستپێكه‌ت ئه ڤ هێڤێنه و به‌ره به‌ره دێ ده‌ڤه‌رێ ڤه‌گریت، ژ به‌ر گرنگیا توركیا ل سه‌رانسه‌ری جیهانێ و جهێ وێ، ئه‌و متمانه‌یا په‌سه‌ندگیر هێزا وێ ژ نێچیرڤان بارزانی وه‌رگریتیه ب گرۆڤا وێ چه‌ندێ ئه‌ڤ شانده‌كێ حزبا گه‌لان (HDP) به‌ری چه‌ند رۆژه‌كا د خزمه‌تا سه‌ره‌دانا جه‌نابێ وی دابوو، ب سه‌ركێشیا سه‌رۆكێ وێ سزایی ته‌مللی، د داخۆیانه‌كا دیرۆكی دا جه‌نابێ وی خۆەیا كر كو بزاڤ و هه‌ولێن خوه وه‌كو هه‌رێما كوردستانێ خڕنه‌كه‌ن، و مه‌زێخن بۆ بده‌ستڤه‌ئینانا پرۆسێسا ئاشتیێ ل توركیا، وه‌لاتێ توركیا ژی باش هه‌ست دكه‌ت كو لایه‌نێ بۆ ئاشتیا وێ بخه‌بتیت، دێ ئه‌و بیاڤێن دیتر توركیا به‌ر پێشڤه دبه‌ت هێنه‌به‌ر، چونكو ئه‌ڤێ ئێكێ بۆ دیرۆكا هه‌می وه‌لاتان سه‌لماندیه كو چو لایه‌ن نینن بزاڤا چه‌كداری دا بسه‌ركه‌ڤن و كه‌سێ مفادار نینه ژ بلی رێتنا خوینێ و تێچوونا ره‌وشا مرۆڤاتیێ نه‌مازه ل ڤی سه‌رده‌می هه‌روه‌كو سه‌رۆكێ هه‌رێما كوردستانێ "نێچیرڤان بارزانی" د چه‌ندین هه‌لكه‌فتان دا ئاماژه دایه گرنگیا بهێزخستنا ئاشتیێ بۆ ده‌ڤه‌رێ، هه‌كه ئه‌ڤه نه‌با ژی ئه‌و به‌لانسا هندا بێسه‌روبه‌ر ل هنداڤێ سه‌رێ هه‌رێما كوردستانا بێخودان، نه‌دهاته راگرتن و ئه‌و بتنێ جه‌نابێ وی بوو خوه‌دیێ ڤی وه‌لاتێ هه‌ژار ژ ڤان مه‌ینه‌تان ئیناده‌ر..
سیاسه‌ت ژی مینا یاریا شه‌ترەنجێ یه، تو بزانی ل كیژان پوولی بده‌ی، كیژان پوولێن دی، دێ كه‌ڤنه ئارمانجێ، له‌ورا پێشوازی و بلندراگرتنا ئاشتیێ په‌یامه‌كا رۆهن و ئاشكرایه بۆ هه‌موو دونیایێ نه‌ك تنێ توركیا كو ئه‌م كورد نه‌خودان ره‌وشتێ توندین و په‌یاما مه ئاشتیی یه و داخوازكرنا مافێن مرۆڤی یه ب رێكێین ئاشتیانه، ئه‌گه‌ر نه دا سه‌ربۆرێن دیتر ب زۆر ب سه‌ر هه‌رێمی دا هاتینه هه‌ر چه‌نده ب زۆر ل سه‌ر مه هاتبوونه سه‌پاندن، و ب سه‌ركه‌فتیانه ئه‌م ژێ ده‌ركه‌فتینه، مینا ڤان شه‌رێن ڤان داویان بۆ مه هاتین یێن تیرۆرسێن رێكخراوا داعش بۆ ده‌مێ پێنچ سالان و یێ حه‌شدا شه‌عبی، هه‌لبه‌ت جه‌نابێ سه‌رۆك نێچیرڤان بارزانی هه‌ستیارا ڤێ سه‌ره‌دانێ دزانی، وه‌كو حزبه‌كا كوردی ل توركیا و سیاسه‌تا وێ ل گه‌ل ده‌ستهه‌لاتێ، ئه‌و ژ وێ متمانا توركیایه كو هنده‌ك لایه‌ن بۆ خۆ ب كه‌یس ببینن و بكه‌نه بهانه‌ك دیسا بۆ لێدانا دربه‌كێ ل ئه‌زمۆنا كوردی، به‌لێ بۆچی هند جه‌نابێ وی ته‌كه‌زی ل ئاشتیێ كر؟ ئه‌و زانینا سیاسه‌تا راست و لۆژیك بۆ هه‌می لایه‌نان دیاركر. ل ده‌مه‌كی كو پتریا لایه‌ن و سیاسه‌تێن ده‌ڤه‌رێ ب ڤی زاری گۆتارێن خۆ ئاراسته ناكه‌ن، هه‌رده‌م ب زمانێ تۆره‌یێ و هشكاتیێ سه‌ره‌ده‌ریێ دكه‌ت، به‌لێ سه‌ره‌ده‌ریكرنا نه‌رم هه‌رده‌م مه‌زناتیا وی لایه‌نی دیاردكه‌ت و ژ لایێ هێزێ ڤه ژی، هه‌میان زانی كا هێزا پێشمه‌رگه‌ی چه‌ندا پاك و جۆراتی یه، و چوجاران هه‌رێمێ گه‌ف ب ڤێ هێزێ نه‌كرینه، به‌لێ ب كریار هه‌میان زانی و دیت، دمینیته ل وێرێ بلند راگرتنا سه‌رده‌ریكرنا مرۆڤاتی و ئاشتیانه ل گه‌ل هه‌ر لایه‌نه‌كی، مینا مه دیتی ئه‌و پێشنیارێن جه‌نابێ وی ئاراسته‌ی رێكخراوا نه‌ته‌وێن ئێكرگرتی كرین، نیشانا نیازپاكی و ساخله‌میا بزاڤێن مه‌یه و ئه‌و سه‌ره‌دریكرنا نه‌رم ل گه‌ل هه‌ر لایه‌نه‌كی یه چ دۆست بیت یان دوژمن. ..
