پیڤەرێن ئاڤێ بەروەخت راگرتن! ڤێجا گەها عەریزەنڤیسانە!، و پاشان یا كارەبێ و پیڤەرێن هەناسەدانێ یە!، ڤێجا دێ هەر تشت ب پیڤەر بیت!، تەنێ ماف دێ یێ بێ پیڤەر بیت!، و ئەركێن مە ژی دێ زۆر و زۆرترین بیت!.
هەكە هۆ بچیت دێ دادوەرێن كەرتێ تایبەت ژی پەیدا بن!، چونكە ب راستی ڤێ كەرتەی سەلماند كو دشێت هەموو كاران بكەت!!.

هەر بۆ میناك زانكۆ، پەیمانگەهـ ، نەخۆشخانە، كومەڵگەهێن نۆژداری و پەیوەندیكرن و ...تد، هەر تشت یێ دهێتە تایبەتاندن و ب ئەهلیكرن!
چونكە هەر تشت یێ دهێتە تایبەتاندن بۆ كەرتێ تایبەت!، رەوشەكە گەهشتە وێ هندێ كو #ئەیاد_جەمالەدین فروتنا پارێزگەهێن كوردستانا عیراقێ ب توركیە یان ئیرانێ پێشنیار بكەت!". بێی گوهدان ب چ پیڤەرێن رەوشتی و یاسایی و دستوری، لەوا دبێژم #ئەڤ_وەڵاتە_نە_بۆ_فروتنێ_یە !!.

من ژ بیرە بەری چەند ساڵان ل شاشە یێن راگەهاندنێ گۆتنەكا جەنابێ #سەرۆك_مەسعوود_بارزانی هاتە ڤەگوهاستن كو دبێژیت: "دڤێت ئەو یاسا یێن دهێنە دەرئێخستن د بەرژەوەندییا خەلكی و هەژاران دابن"، ڤێجا یا باش ئەوە كو جڤاتێن پارێزگەهان و پەرلەمانێ هەرێما كوردستانێ و حكومەتا هەرێما كوردستانێ یێن بڕێز كارەكی بكەن بۆ چارەسەرییا ڤان گرفتان، یا باشتر ژی ئەوە كو #گوهێن_خۆ_ڤەكەین_بەری_خەلك_دەڤێ_خۆ_ڤەكەت_و_دەڤێ_خۆ_ڤەكەین_بەری_خەلك_گوهێن_خۆ_بگرن! .
بلا پیڤەر بۆ هەموو كارەكی بیت نە ئەركێن زۆر و مافێن كێم، چونكە هەر دەما تەرازی یا دناڤبەرا ئەرك و مافان دا لاسەنگ دبیت، دادوەری ژی بێ رامان ودبیت!.