پشتی زنجیرەیەکا شۆرەش و سەرهلدان و داستانان ل سەر دەستێ پارتی و رێبازا بارزانی ، و کوردستان گەهشتە کەنارێ ئارامیێ و حکومەت و دام و دەزگەهێن حکومی هاتن دامەزراندن و کوردستانێ پێشڤەچوونەکا بەرچاڤ ب خۆ ڤە دیتی ل سەرجەم بیاڤێن ژیانێ دا ، و بۆ ماوێ ڤی دەمی هەمی پرۆسەیێن هەلبژارتنان دهاتنە ئەنجام دان ، و دیموکراسیەت ب هەمی رامانێن خۆ ڤە ل کوردستانێ هاتە پیادەکرن ئەوژی ل سەر دەستێ پارتی و جەنابێ سەرۆک بارزانی ، و بۆ دەمێ دوو ویلایەتان سەرۆک بارزانی سەرۆکایەتیا هەرێمێ کری ، لێ ل سالا ۲۰۱۷ دەمێ یاسایی یێ سەرۆکایەتیا هەرێمێ ب دوماهیک هات ، و زۆر ب سەرفرازی سەرۆک بارزانی راگەهاند کو ئەو وی پۆستی بۆ کەسەکی دی هێلیت داکو رەهوریشالێن دیموکراسیەتێ بکەڤنە مەیدانا حوکمرانیێ ل هەرێمێ .

و پشتی هەلبژاردنێن ۳۰ ئەیلولا سالا بۆری کو پارتی ٤٥ کورسیێن پەڕلەمانێ کوردستانێ ب دەست ڤە ئینان و پۆستێ سەرۆکایەتیا هەرێما کوردستانێ بەر پارتی کەفت .

ئەوا جهێ دلخۆشیێ بوو کو ل سەر راسپادەیێن جەنابێ سەرۆک بارزانی و ب پشتەڤانیا تمام یا مەکتەبا سیاسی و ئەنجومەنێ سەرکردایەتیا پارتی نێچیرڤان ئیدریس مستەفا بارزانی ب سەرۆک هەرێما کوردستانێ هاتە هەلبژاڕتن .

ل ڤێرە پرسیار ئەوە بۆچی نێچیرڤان بارزانی ؟؟؟

بەرسڤ گەلەک ب ساناهیە !!!
ژ روویێ حوکمرانیێ ڤە نێچیرڤان بارزانی سیاسەتمەدارێ گەنج ناسیار ب ئەندازیارێ ئاڤەدانیێ کورێ ئەندازیارێ ئاشتیێ ئیدریس بارزانی ژیێ خۆ هەمی ل گەل سەرۆک بارزانی بۆراندیە شارەزایەکا تەمام ل حکومرانیێ هەیە ، و باوەریەکا تەمام ب حوکمێ مەدەنی و ئارامی و ئاشتی و پێکڤەژیانێ هەیە جهێ باوەریا خەلکێ و جەماوەرێ پارتیە زێدەباری سەنگ و قورساییا خۆ ل سەر ئاستێ جیهانی کو شۆرەشەک بەرپا کر ل کارێ دیبلۆماسی دا و چەندین پەیوەندیێن موکوم ل گەل ژماڕەیەکا وەلاتێن زلهێزێن جیهانێ دروست کرن ، و هەر ئەوبوو ب حیکمەت و کەسایەتی و شیانێن خۆ کوردستان ژ ئابلوقەیا کوشندەیا حکومەتا عیراقا فاشست رزگارکر پشتی خیانەتا ۱٦ی ئۆکتۆبەر .

لەوا سەرۆک بارزانی باوەریەکا تەمام ب نێچیرڤان بارزانی قوتابیێ رێبازا پیرۆز هەیە کو چەوا شیا کوردستان ژ چەندین قۆناغان ببۆرینیت ل سەر هەمی ئاستان ، ب هەمان شێوە دێ کاربیت پاراستنا پێکڤەژیانێ بکەت ل هەرێمێ هەروەها چاڤدێریا دەستوری بکەت ، و بەردەوامیێ بدەتە پەیوەندین هەرێمێ ل گەل جیهانا دەرڤە .

و هەمیشە حکومەتا کوردستان ل رێزێن پێشی بیت دناڤ دەولەتێن پێشکەفتیێن جیهانێ دا .