خویا د جیھانگیریا ئەڤرۆکەدا برێکا زانست و تەکنولوژیایێ ھەر تشت د ھەمی سێکەتەرێن ژیانێ دا بەر ب گورین و گورانکاریان و بچوکبوونێ ڤە دچیت، و رۆژ بۆ رۆژێ ئەڤ گورین و بەرەڤ پێشچوونە دبەردەوامن، نەمازە د سیستەمێ دەولەتداریێ و برێڤەبرنا دەولەتێدا. دھەمیا سالێن بوری ب تایبەت ل سەردەمێ دەستھەلاتداریا رێزدار نێچیرڤان بارزانی دا و ب تایبەتر ژی د کابینا بوریا حکومەتا ھەرێما کوردستانێدا ناڤبری ب جدی کار ژبوی وێ چەندێ کر کوحکومەتەکا ئەلکترونی دابمەزرینیت. ئانکو ب واتایەکا دی بێژین: د ھەمی دامودەزگەھێن میریدا مفا ژ تەکنولوژیا سەردەم بھێتە وەرگرتن، ژپێخەمەت وێ چەندێ کو خزمەتا ھاولاتیێن ھەرێما کوردستانێ پێ بھێتەکرن و ھاولاتی د ماوەیەکێ کورت دا کاروبارێن خو ب ئاسانی برێڤە ببەن د ناڤا دامودەزگەھێن میریدا.
بیروکەیا دامەزراندنا ئەڤێ حکومەتا ئەلترونی ژ کابینا بورییا حکومەتێ بۆ جەنابێ سەرۆکێ نھایێ ھەرێما کوردستانێ دزڤریت. ئەڤ بیروکەیە بو ئەگەرێ وێ چەندێ کو ئەڤرۆکە ل ھەرێما کوردستانێ ل پارێزگەھێن ھەرێمێ تا رادەیەکێ زۆر سیتەمێ ئەلکترونێ بۆ برێڤەبرنا کاروبارێن ھاولاتیان بکاربھێت. بۆ نموونە سیستەمێ بایومەتری و ئەو سیتەمێ ئەلکترونیێ کو نھا د رێڤەبەریێن ھاتنوچونێدا دھێنە بکارئینا زێدەباری چەندێن رێڤەبەری و فەرمانگەھێن دیترێن حکومەتا ھەرێمێ ب ئاوایەکێ گشتی ئەڤ سیتەمە دھێنە بکارئینان. کو ئەڤرۆکە ل ھەمی وەلاتێن پێشکەفتی ئەڤ جورێ جورێ سیستەمی واتە حکومەتا ئەلکترونی بۆ برێڤەبرنا کاروبارێن ھاولاتیان دھێتە بکارئیینان. ب دیدا مە بڤێ پێنگاڤا مودێرن حکومەت دێ یا مفاداربیت ھەروەکی د ئەڤان خالێن خوارێدا مە خویاکرین:
پەیدابوونا شەفافیەتێ و دادمەندیێ د برێڤەبرنا کاروبارێن ھاولاتیاندا.
رازیبوونا ھاولاتیان ب ئەدایا حکومەتێ و پێشکێشکرنا خزمەتەکا مەزنتر و مودێرنیزمانە بۆ ھاولاتیێن خۆ.
زڤراندنا دەمەکێ زۆر بۆ ھاولاتیان، کۆ بەریا نھا ھاولاتی دەمەکێ زۆر و ماندیبوونەکا زۆر د دیت ل دەمێ سەرەدانا وی بۆ ئێک ژ فەرمانگەھێن میری. ئانکو ب واتایەکا دی ھاولاتی دێ شێت ھەر لمال کاروبارێن خۆ برێڤەبەت برێکا ئەنترنێتێ.
فەرمانبەر و کار ب دەستێن فەرمانگەھێن میری دێ ئاوایەکێ باشتر و ب ماندیبونەکا کێمتر ئەرکێ خۆ ئەنجامدەن.
ئەو قەلەبالغی و جەنجالیا نھا ل رێڤەبەری و فەرمانگەھێن میری ھەی نامینیت.
برێکا سیتەمێ ئەلکترونی دێ رێگری ل گەندەلیێ و دیاردێن مینا رەوش و بەرتیل وەرگرتنێ ھێتە گرتن یا کێمکرن.
ب ھەبوون و جەبەجێکرن و گشتاندنا ئەڤی سیتەمێ ئەلکترونی ل ھەمی وەزارەت و دامودەزگەھێن میریدا. دێ حکومەت متمانە و باوەریێ ل سەر ئاستێن ناڤخویی دەرڤە بدەستخو ئێخیت کو بازرگان و بزنس مەن و سەرمایەدارێن ناڤخویی و دەرڤەیی پتر وەبەرھێنانێ بکەن و سەرمایێ خۆ ل ھەرێما کوردستانێ خەرج بکەن.
خالەکا دن یا گرنگی و ھەبوونا ئەڤی سیتەمی ب تایبەت د سیتەمێ بانکیدا. دێ حکومەتا متمانە و سەرنجا مەزنە کومپانیێن ناڤخویی دەرڤەیی بۆ خۆ راکێشیت کو ھەم وەبەرھێنانێ و ھەمژی سەرمایێ خۆ بپارێزن ل ھەرێما کوردستانێ.
ئەڤە و زێدەباری چەندین خالێن دیتر. کو بدیدا مە ئەگەر کابینا داھاتی یا ھەرێما کوردستانێ ب ئاوایەکێ بەرفرەھتر و جدی تر کار لسەر ئەڤێ بیروکا زێرین بکەت، ئەوا بەریا نھا رێزدار نێچرڤان بارزانی دکابینەیا بوریدا بەرێ بنیاتی بۆ دانایی. دێ شێت ببیتە حکومەتەکا بھێزو شەفاف و دادمەند و مودێرن و خزمەتگۆزار.