یێ کەت دێ پتر دەست بۆ چن یان پتر پێ لسەر چن ؟
گەندەل پترن یان دەست پاک ؟
یاسا بو بەرپرس و هەژاران یا یەکسانە ؟
یێ تێر هاش یێ برسی هەیە ؟
چاڤ ڤەکری و هزر ڤەکری ئەم پێداچونێ د خودا بکەین دێ بینین رەشبینی یا زالە ل سەر مێشکێ مە ، کچەک یا دبانەکی دا کەتی دێ ب کەسەکا خراب ل قەلەم دەن ، وێنەکێ سەختە ل سوشیالێ دێ بەلاڤبیت دێ بیتە دەلیڤە بۆ کەسانێن ئاست نزم کو گازیا خرابیێ بەلافکەن ، دێ ئێک کەڤیت پتریا کەسان دێ پێلدانن ، دێ ب ئەگەرێ هەلنگفتنەکێ تاوان ل دیف تاوانێ بو هێنە ڤەهاندن .
مێژویا مە یا پرە ژ تەپەسەری و نەخوشیێ نەشێین ژبیربکەین یا دوژمنێن ڤێ ئاخێ ب سەرێ مە ئیناین هندی مە ل بیرە و تا ئەڤرو ، ل دەمەکی داخازا مە پاریەکێ نانی بوو نهو داخازیێن مە د زورن و گازندێن مە خلاسنابن ، هەرێما کوردستانێ یا ئارامە یێن ب رێ یا پەکەکێ ل مە تێکددەن ، فەیسبووک و ئینستاگرام جهێ دەربرینا هزرا ئازادن یێن ب کار دئینن بو تێکدانا ئارامیا هەرێمێ و یێن بوینە جهێ پەیڤێن نە شرین و کومێنتێن کرێت لسەر بابەتێن دور ژ راستیێ . ل هەرێمێ باژێر بۆ باژێری یێن د گەشەکرنێ دا و هەر باژێرەکی بەرپرس و رێڤەبەرێن خوە یێن هەین ، دەست پاک و گەندەلێن خوە یێن هەین ، ل دهوکێ گەلەک کارێ باش یێ هاتیە کرن لێ خراب کاری ژی گەلەک یا هاتیە کرن بگرە ژ پروژێن ئاکنجیبونێ یێن پارێ وەلاتیان تێدا چوی و مەزاختنا کوژمێن مەزن د بەرژەوەندا چەند کەسان دا ، ل چەرخێ پێشکەفتنێ هێش ئەم یێن بەحسی کێم کارەب و خرابیا جادە و کێماسیێن نەخوشخانا و هەبونا رێژەکا زور یا کەسانێن سادە دکەین ، دڤێت ب کریار و دەست پاکیێ ئەم کوردستانێ ئاڤا بکەین ئەو ئاریشێن بۆ دهوکێ هاتینە پێش چارەسەری یا د رێدا ، وەکی بومە هەمیا یا دیار بەری دەمەکێ کێمە پارە بۆ راکێشانا کارەبێ ژ هەولێرێ بۆ دهوکێ هاتیە مەزاختن و کار یێ تێدا دهێتە کرن لێ چەند مانگەک پێتڤینە ژ بۆ بجهئینانێ ، ئەڤجا ب سوپاسی ڤە دێ بێژین هەر دەمێ ئاریشەک هاتیە د رێدا سەروک نێچیرڤان بارزانی خوە ل دهوکێ کریە خودان ، ببورینا دەمی دێ چارەبیت ئەو کێشە و نابیت ژبیربکەین سالێن بوری مە روژێ چار سعەتا کارەبا گشتی نەبوو لێ نهو نوزدە دەمژمێران یا ل هەولێر هەی و ل دهوکێ چاردا ، یاگرنگ ئەوە بهایێ وێ بهێتە کێمکرن و پاشان دەمژمێرێن کاری بهێنە زێدەکرن ، هندەک کەسان دایە دیارکرن کو کارەب ل دهوکێ دهێتە دزین و لێ بەحس نەکریە کو ل باژێرێن دی پتر دهێتە دزین ، ئەڤجا دڤێت هەر ئاخفتنەکا دهێتە کرن بەری هزرکرنێ نەهێتە گوتن ،
دڤێت گهورین بهێتە کرن و کەسانێن ژ هەژی و دەست پاک بهێنە دانان ل جهێ یێن لاواز و خزمەتەکا ژ هەژی بو وەلاتیان بهێتە کرن ، نابیت گازندە بمینن هندی یا د شیاندا بیت دڤێت بهێتەکرن ، راستە دوژمنێن مە د زورن لێ مە دوست ژی یێن هەین و ب دەست پاک و زانایان دێ شێین کارەکێ ژ هەژی کەین ، نابیت ژبیربکەین کا چاوا هندەک کەس یێن ب خەلەت تێگەهشتنەکێ پێکولێ دکەن عەشیرەتان لێکبێخن و گوندا ڤێکرا بەردەن و حزبان ژێک دیرکەن و سپی رەشکەن و دەنگ و باسێن بەروڤاژی بەلافکەن ، ئەڤجا دڤێت ئەم بزانین کو خودایێ مەزن گوتیە :
(يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ) . سورة الحـجـرات 6.
(وَالْفِتْنَةُ أَشَدُّ مِنَ الْقَتْلِ) . البقرة 191. (وَالفِتْنَةُ أَكْبَرُ مِنَ القَتْلِ) البقرة 217.
هەر دەمێ تە ئاخفتنەکا خراب دیت ل سوشیالێ یان کەسەکی گەهاندە تە زی بریارێ نەدە بەلکو خوە ل دەمی بگرە تا روندبیت نەبە ئەزمان نەخوشەکێ کومێنت کرێت و نەبە دارێ دەستێ کەسانێن ئارامیا مە تێکددەن و ببە محامیێ پاراستنا هەرێمێ و خوە ل دەمی بگرە دێ چارەسەری هێت . ل داوی ژی مەدیت کو وەزارەتا کارەبا هەرێمێ دەمژمێرێن کارەبێ بۆ پارێزگەها دهۆکێ زێدەکرن