ئەزمونا حوکمی ل ھەرێما کوردستانێ دەسپێکر پشتی چەندین رویدانێن عیراقی ونیڤدەولەتی رویداین، وھەمیا پێکڤە کاودان ودەریڤەکا گونجای پەیداکر بۆ گەلێ کوردستانا عیراقێ داکو دەزگەھێن خۆ یێن سیاسی بدامەزرینیت. گرنگترین ڤان رویدانا کوچا ملیونی بوو یا گەلێ کوردستانێ پشتی سەرھلدانا پیروز ل ھەیڤا ئادارا ١٩٩١، ئەڤ کوچە وەرچەرخانەکا دیروکی بوو بۆ ھەرێمێ، چونکی بوو ئەگەرێ دەرچوونا بڕیارا جڤاتا ئاسایشێ ژمارە ٦٨٨ ل ٥/٤/١٩٩١، وپێرابوون وبڕیارێن نیڤدەولەتی یێن دویڤدا ھاتینە وەرگرتن ژلایێ دەولەتێن ھەڤپەیمان بۆ مایتێکرنێ ل عیراقێ بۆ پاراستنا گەلێ کورد ژحوکمەتا ێەدامی، وەکی دامەزراندنا دەڤەرەکا ئارام لباکورێ ھێلا پەحنیێ ٣٦ برێکا پروسەیا دابینکرنا ئارامیێ (operation of provide comfort) کو ھاتە بجھئینان برێکا دوو پێرابوونا: دامەزراندنا دەڤەرەکا ئارام (safe haven) وفەرزکرنا قەدەغەیا ئەسمانی لباکورێ ھێلا پەحنیێ ٣٦، وھەروەسا دەولەتێن ھەڤپەیمان قەدەغەیا ئەسمانی بھێزتر لێکر برێکا دامەزراندنا بنگەھەکێ لەشکەری ل تورکیا دگوتنێ چەکوچێ ئامادە (poised hammer).
ل سالێن رابردوو دا ژی دبینین ئەمریکا پەیوەندیەکی دوستانە و درێژخایەن دگەل ھەرێما کوردستانێ ھەبویە و ل دەسپێکا سالێن ١٩٩١ ھەتا نھا پشتگیریەکا زور ل ھەرێما کوردستانێ کریە و ھەروەسا ڤێ دوماھیێ ب تایبەت ل شەری دژی تیروریستانی داعش دا، ھوکارەکی سەرەکی ھەبویە بو ژناڤبرنا تیروریستان و ھەروەسا ھەرێمی کوردستان و ئەمریکا د وان سالانە دا بەرگری ل ئازادی و دیموکراسی و ئاشتەوایی کریە، و ھەول دایە پێکڤەژیانی ئایینی و نەتەوەیی ل ھەرێما کوردستانی و ئیراقێ دروست ببیت. ھەروەسا ھەمی دەمێ ئەمریکا ھەول دایە کو کێشەیێن دناڤبەرا حکومەتی فیدرالی ئیراق و ھەرێمی کوردستان چارەسەر بکەت و نھا پەیوەندیێن وان بەرەڤ باشتر دچن و ئەڤە دەسپێکا قوناغەکا نوی دبیت کو وان ئاریشانە لسەر بنەمای دەستوور و فیدرالی بھێتە چارەسەر کرن.
ل رێ و رەسمی پاداشتنامە دا، نێچیرڤان بارزانی، سەروکێ ھەرێمی کوردستان، دگوتارا خو دا باسی ڤێ چەندێ کر کو دێ ھەول دەین ھەرێمی کوردستان ببیتە ھوکارەک بو بازارەکی مەزن کو ئیراق ژی بشێت بکار بینیت، ئانکو دەروازەیەک بو بازاری جیھانی.
پەرەپێدانی چالاکی ئابوری و بازرگانی ل ھەرێمی کوردستان، بتنێ پروسەیەکی ئابوری و بازرگانی نیە، بەلکو ئاڤەدانکرنەوە و بنیاتنانی ژیان و مروڤی یە.
ئیمزاکرنا پاداشتنامە کارەکی پێدڤیە، چونکە ژووری بازرگانیی ئەمریکا مەزنترین بزنسی جیھانێ یە، و زورتر ژێ (١٠٠) نڤَسینگەە ل جیھانێ دا ھەیە، و دەرگەھێ زورتر ل سێ میلیون کومپانیێن ئەمریکی، ب سەر ھەرێمی کوردستان و ئیراق دا دکەنەوە و لێرە دا ژی بازارەکی مەزن بو کومپانیێن ئەمریکا دروست دبیت.
ھەرێمی کوردستان ژلایێ وەبەرھینان و سەرمایەگوزاری دا، گەلەک یا سەرکەڤتوو بویە ل وان سالێن بوری دا، ل سەرانسەرێ ئیراقێ دا، و ھەردەم ھەرێمێ کار کریە کو یاسای وەبەرھینان سەردەمیانە و گەرەنتیی وەبەرھینان بیت و یاسایەک کو بشێت زور سەرمایە و وەبەرھینانی بیانی بھێنیتە ھەرێمی کوردستان و چالاکیی ئابوری و بازرگانی زورتر بھێتە ئەنجام دان. ھەروەسا گرەنتیا ھندێ کو مافێن وان ژلایێ مەڤە دھێنە پاراستن.