ھەلبژاردنی نێچیرڤان بارزانی ژلایێ پەرلەمانی کوردستانێ بو پوستێ سەروکایەتیا ھەرێمێ دەسپێکا قوناغەکا نوییە ل پروسەی سیاسی کوردستان دا.
ئەگەر ب ووردی لێ پێچینەوە دبینین کو وان دوو سالێن دوماھیێ دا نێچیرڤان بارزانی ئەزمونەکی باش ھەبوو بو سەروکایەتیێ ھەرێمێ و دەورەکێ باش ژی گێرا ل وان قوناخێن سەخت و دوژوار دا، ب تایبەت پشتی ١٦ ێ ئوکتوبەرێ سالا ٢٠١٧ پەیوەندیێن نیڤ دەولەتی ب تەواوی سرَ ببون دناڤبەرا ھەرێمێ و دەولەتێن دی، لێ بەرێز نێچیرڤان بارزانی شیا دەرگەھەکێ مەزن بو ھەرێمی کوردستانێ بکەتەوە.
دبینین کو گەلەک بروسکە و پیروزباھی ژلایێ دەولەتێن دی بو سەروکایەتیێ ھەرێمی کوردستان ھاتە ئاراستە کرن. ئەڤە ژی رامانا مەزناتیەکا مەعنەوی و سیاسی و سایکولوژی ددەت و ڤێ چەندێ دگەھینیت کو دەولەتمەدارەکە لسەر ئاستێ ناڤخویی و ئێقلیمی و نێڤ دەولەتی پێگەە ھەیە.
بو سەروکایەتیێ مە ھەشت پولین ھەنە کو ل وان سالێن رابردوو دا چار پولین ل وان پولینن گرنگ ل بەرێز نێچیرڤان بارزانی مە دیت، ئێکەم پولین موغامر نەبیت، بریارێن بھێز دەر بکەت و عەقلانی بیت و زوی ژی تورە نەبیت
و پێدڤی یە بەری ھەر تشتەکی بەرژەوەندیێن نێشتیمانی بەرچاڤ وەربگریت.
و ھەروەسا ماکیاڤیلی بەحسی خەسلەتی سەروکایەتیێ دکەت و دبژیت ڤێتن سەروک زیرەک بیت و لێھاتوو بیت و خودان ھێز بیت ب تایبەت (ھێزی فکری، ئابوری، سەربازی) و شیانێن دارشتنا پلان دانانێ ھەبیت و بشێت بەرامبەری خوی باش بناسیت و ئاگەھدار بیت ژێ فێلبازی یێن وان، و بزانیت چاوا دشێت سەرەدەریەکا لوژیکی دگەل وان فێلبازانە بکەت و نەھێلیت ئەو و وەلاتەکەی زەرەرمەند ببن و ببنە یاری بکەرێن دەولەتان و حەیبەت و مەزناھیا وەلاتێ بپارێزیت.
وەکو دزانین نێچیرڤان بارزانی ل چوار کابینەی حکومەت دا سەروک وەزیرانی کوردستان بویە و ل ھەر کابینەیەک دا ژی شێوازی حوکمرانی یێ وی ل کابینەیەک بو کابینەیی دی ژێک جودا بوینە، ئەڤە ژی گرنگیا خو ھەیە چونکی دڤێت ھەر پروسەیەکێ سیاسی گوھورین تێدا ھەبیت و جولانەوە ھەبیت ئەگەر ئەو جولانەوە و گوھورین تێدا نەبیت وەکو مرن دبیت و دڤیا با ئەو تشتە ھەبیت کو ھەرێمی کوردستان ب زیندوویی بھێلیت.
ھەروەسا بەرژەوەندی بالای ھەرێمی کوردستان زور گرنگە و ئەڤە ناھێتە دی، ئەگەر ھەموو لایەنێن سیاسی پێکڤە ب گیان ل پروسەی سیاسی کار نەکەن و دڤێتن ھەموو لایەنەک دانوستاندنێ بکەن و ئاریشێن خو چارەسەر بکەن و پێکڤە کار بکەن بو پاراستنا بەھایی خێزانی و رێزگرتن ل ژنان و مافێن وان و ھەروەسا کەسانێن تەکنوسیاسی مە ھەبن، نەک بتنێ تەکنوکرات یان بتنێ سیاسی و ل بارێ رەوشەنبیری دا کار بکەن بو ھندێ کو سەردەمیبون و ژیان دوستی زورتر لێ بھێت و زمانی کوردی بھێتە پاراستن و کار بکەن بو لادانی ھەر جورە گەندەلیەک.