پشتی کو پەرلەمانێ کوردستانێ ب زۆرینەیا دەنگان رێزدار نێچیرڤان بارزانی ھەلبژارتی بۆ پوستێ سەرۆکاتیا ھەرێما کوردستانێ. ١٠/٦/٢٠١٩ رێزدار نێچیرڤان بارزانی د رێورەسمەکا ھەرێمی و نێڤدەولەتی دا، وەکو دووەم سەرۆکێ ھەرێما کوردستانێ سویندا یاسا خواند. کو د ئەڤێ مەراسیمێ دا زێدەتری ١٢٠٠ کەسایەتیێن سیاسیێن بھێزو ناڤدار و کاریگەر ل سەر ئاستێ ناڤخویێ و دەرەڤە پشکداربوون.
دکارین بێژین ئەڤ مەراسیمە ئێکەم مەراسیما دیرۆکی بوو. کو بڤێ ئاوایی برێڤە چووی ل سەر ئاستێ ھەرێما کوردستانێ و عێراقێ و رۆژھەلاتا ناڤین بگشتی. بڤێ چەندێ ژی نیێچیرڤان بارزانێ وەکو سەرۆکێ نویێ ھەرێما کوردستانێ ھەر د ئێکەم رۆژا دەرکەفتنا خودا وەکو سەرۆکێ ھەرێمێ ئەو گوتنا خو یا بەری مەراسیما سویند خوارنێ بجھئینا. دەما گوتی: "دێ پوستێ سەرۆکاتیا ھەرێمێ کەمە چەترەک بۆ کومکرنا ھەمی ئالیێن کوردستانێ ". ئەوی دئەڤێ رۆژێدا ھەمی ئالیێن سیاسی و حزبی و جڤاکی و میری و لایەنیێن دیترێن ل ھەرێما کوردستانێ و عێراقێ ل بن چەترا سەرۆکاتیا ھەرێمێ کومکرن بێ جوداھی. ئەڤەژی بەلگەیەکێ راست ھەلگرە بۆ سەلماندنا ئەزمونداری و بھێزیا کەسایەتیا وی دوارێ برێڤەبرنا پوستێن ھەستیار و گرنگێن جەنابێ وی وەرگرتین دھەیامابوری و دنھادا.
ژلایەکێ دیترڤە رێزدار نێچیرڤان بارزانێ دگوتارا خودا ئاماژە ب ھند خالێن گرنگ دا کو بدیدا مە ئەگەر ھەمێ ئالیێن پشکدار نەپشکدار دئەڤێ مەراسیمێدا ب جدی تێھزرینا خۆ د گوتارا ناڤبریدا بکەن. دێ دماوێ چوار سالێن بھێدا ھەم ھەرێما کوردستانێ و ھەمژی بەغدا و ھەمژی وەلاتێن ھەڤسی د ئەوپەری ئارامیا سیاسی و جڤاکی و ئابوری و بازرگانیدا دەربازبن. دیر ژ ھەر گرفتاریەکێ کو ببیتە ئاستەنگ دکاروانێ بەرجەستەبوون و جێ بەجێکرنا بنەمایێن دیموکراسییا مودێرندا، ئەوا ئەڤرۆکە د گورەپانا سیاسی دا ل سەر ئاستێ نێڤدەلەتی دا کار بۆ دھێتەکرن.
دیسان د گوتارا ناڤبریدا ب نەراستەخو باس ل خالێن دیێن جودا جودا ھاتکرن بتایبەت خالێن ناکوک ئەوێن گریدایی بەغدا و ھەولێر و فەدیتنا چارەسەریەکا بنەجە کو ببیتە ئەگەرێ لھەڤھاتنا ھەردوو ئالیان لسەر مەلفێن نەفتێ و خالێن سنوری و پاراستنا سەروەریا یاسایێ، بجئینانا مادێ ١٤٠. ھەروەسا خوجھکرنا پشکا ھەرێما کوردستانێ د مێزانیا عێراقێ دا. برێکا دەستورێ ھەمیشەییێ عێراقا فیدرال. بڤێ چەندێ ژی سەرۆکێ ھەرێمێ دێ شێت رولەکێ کاریگەر بینت دڤان بابەتاندا ژبەرکو ناڤبری ناڤدارە د ئەڤی بواریدا. مەدیت کا چەوا پشتی بویەرێن ١٦ ئکتوبەرێ پەیوەندی دگەل بەغدایێ و جیھانا دەرڤە گرێدان. جاردن سەنگ و بھایێ ھەرێما کوردستانێ زفراندەڤە بۆ بەرییا ئەڤان رویدانان. ب لێزانی و دبلوماسیەتا خو یا بھێز ل ناڤخو و دەرڤە. دیسان سەرۆکێ ھەرێمێ باس ل پشتەڤانیا خۆ کر بۆ کابینەیا داھاتێ کو بدیدا مە ئەو دێ شێت پالپشت و چاڤدێر و سەرپەرشتەکێ چالاک بیت د ئەدایا کابینا داھاتی بۆ وێ چەندێ کو حکومەتەکا پر خزمەتگوزاری بیت د ھەمی سێکتەرێن ژیانێ دا. ئەڤە زێدەباری چەندین بابەتێن دن یێن گرنگێن وەکو: "یەکرێزیا نشتیمانی و پاراستنا دەستکەفتێن مللەتێ کورد و ھەبونا دادپەروەریێ و پێکڤەژیانێ و ئاشتەواییا جڤاکی و خزەتکرنا تاکێ کورد بێ جوداھییا ئولی و جڤاکی و سیاسیو پارستانا ئارامیا کوردستانێ ئەوا ب سایێ سەرۆک وبارزانێ و پێشمەرگێن کوردستانێ ھاتیە ھەبوونێ...ھتد."