خودانێ سه‌بڕێ به.. میرێ هه‌رێمێ به!!
شێرزاد نایف
بیرا كێ دهێت پێش ده‌مه‌كێ نه‌گه‌له‌كێ درێژ كو ئه‌ڤ هه‌می قه‌یران و مه‌حنه‌ت و به‌رته‌نگی یێن بسه‌ر مه دا هاتین، یێن كو نه‌هێنه هه‌ژمارتن، ده‌مێ نێچیرڤان بارزانی مایه ب تنێ و چو لایه‌ن و حزبێن دیتر ژبلی پارتی و خوه د ناڤا پارتی بخوه ژی دا، هاری نه‌دكر، خوه رێژه‌یه‌كا جه‌ماوه‌ری ژی بێزار دبوو، و ده‌مێ كوم ه گۆتارێن پشتگه‌رمیێ دنڤیسین حه‌نكێن خوه دكرن و باوه‌رنه‌دكرن كو دێ پیچه‌كا ڤه‌بوونێ سه‌رگریت، به‌لێ ئه‌وی هه‌ر دگۆت كو چو نه‌مایه و دێ هه‌موو ئه‌ڤ قووناغانه تێپه‌رن و نامینیت نه‌خۆش، خه‌لكه‌كی هزر دكر هه‌ما بێده‌نگكرنا نه‌رازیبوونایه، به‌لێ بارزانی یێ راستگۆبوو ل گه‌ل خوه و ل گه‌ل مله‌تێ خوه، هه‌ر تشتێ وی گۆتی و سۆزدایی ب جه هات، به‌لێ ئه‌و بێهنفره‌هیا وی هه‌یی مه‌ودایێ خوه ڤه‌دا ل سه‌رانسه‌ری جیهانێ و ئه‌و لایه‌ن و كه‌سێن ژ هه‌میان ئاسێتر هاتنه (ئاشێ هوور)، برێت مه‌كگورك وه‌كو میناك!!. زێده‌باری ئه‌مریكا و هه‌لویستێ وێ، و گه‌له‌ك وه‌لاتێن دیتر، دانپێدانه‌كا فه‌رمی ب بوونا سه‌رۆكاتیا نێچیرڤان بارزانی كرن و یێن دكه‌ن، ئه‌ڤرۆ كه‌د و به‌رهه‌مێ وێ سه‌بڕا وی ژ مه هه‌میان پتر كێشای هاته به‌ری و به‌رهه‌مێ وێ یێ دهێته چنین!! ده‌مێ دگه‌هشته هنده‌ك راده‌یان كو به‌غدا هه‌ر دانپێدان ب حوكمه‌تا هه‌رێمێ نه‌دكر كو ل سه‌ر ده‌مێ حه‌یده‌ر ئه‌لعه‌بادی بوو، پشتگه‌رمێ وه‌لاتێن مه‌زن یێن ده‌وروبه‌ر بوو، مه دیت چه‌ند هه‌ره‌شه و گه‌فێن نه یێن ئاسای دكرن، به‌لێ نێچیرڤان بارزانی ئه‌و هه‌می پاریێن ته‌حل داعویران، ئه‌وی به‌حر ب ده‌رزیكێ كۆلا، و سه‌ر و ده‌ست نه‌داهێلان و بزاڤ و بزاڤ رۆژ بۆ رۆژێ دكرن، هه‌تا شیایی به‌ره به‌ره حوكمه‌تا خوه و كه‌ساتیا خوه بهێزتر بێخیت و هه‌موو بهانه ل هه‌می لایه‌نان نه‌هێلان كو ده‌ڤێ وان بهێته گرتن یێن حه‌فحه‌ف دكرن، هه‌می رێ ل به‌ر وان گرتن، هه‌می هه‌ولێن دوژمنێن كوردایه‌تێ شكه‌ستن خوار، هه‌تا كو ئه‌ڤرۆ گه‌هشتیه وی راده‌یێ ئه‌م ئه‌ڤرۆ دبینین، ب هه‌لبژارتنا وی وه‌كو سه‌رۆكێ هه‌رێما كوردستانێ و رێیێن ره‌وا یێن قانوونی و دستووری و ب پتریا ده‌نگان ل ناڤا په‌رله‌مانێ هه‌لبژارتی ژ لایێ گه‌لی َكوردستانێ ڤه، خودانێ سه‌برێ بوو میرێ مسرێ ـ یانكۆ كوردستانێ، (مینا ب كولتوری دبێژین)، و ئه‌و گۆتنا دبێژیت (صه‌بڕ كلیلا فه‌رجێ یه) ب دروستی جهێ خوه گرت و هه‌كه ئه‌و پێگه‌هێ ب هێز یێ خه‌باتێ و ئه‌و هه‌دارا كێشایی ب درێژیا ژیێ خوه نه دگه‌هشته ڤی پۆستێ نها گه‌هشتیی، هه‌ر نه‌خۆشیه‌كێ خۆشیه‌ك یا ل دووڤ دا هه‌یی، ب راستی ژی ئه‌م وه‌كو هه‌ڤوه‌لاتی دكه‌یفخۆشین ب ڤێ هه‌لبژارتنا دستووری، چونكو هه‌كه هات و نه‌هاتبا هه‌لبژارتن، بۆ مه كاره‌سات بوو و جهێ دۆراندنێ بوو!!. كا چاوا یوسفێ كه‌نعانی ل مسرێ ئه‌و هه‌می نه‌خۆشی ب چاڤێن خوه دیتین، دووماهیێ بوو میرێ مسری، هه‌مان دیرۆك خوه دوباره كر به‌لێ ڤێ جارێ ل هه‌رێما مه یا كوردستانێ...
