یا خویایە ل قوناغێن جودا جودا پێگەه رولێ سەرکردان دیارە و کاریگەریا کەسایەتیا ل بوارێن سیاسى و چڤاکى و ئاینى و ئابورى لبەر چاڤە نەخاسمە گەر ئەو کەسایەتى خودان پاشخانەیەکا سیاسى و مێژویێ بن و ژێدەرێن ئیلهاما وان خەم خورى و زانین وسەربوربن و ئەڤ ئەزمونا وان کاریگەریا خوه ل گشت بوارەکێ ژیانێ دکەت. زوربەیێ سیاسەمتدارێن جیهانێ لگور بازنێ سیاسەتا وەلاتێ خوە ئەو کو دهێتە گونجاندن یان نەگونجاندن دگەل سیاسەتێن نیف دەولەتى وئەقلیمى پێنگاڤێن خوە دهاڤێژن وستراتیژیەتێن خوە دادرێژن و بەرژوەندیێن وەلاتێ وى تاکە خالە کو بەردەوام کار لسەر دهێتە کرن لەورا ژى ئەگەرمە خاندنەکا کورت بو گوتارا رێزدارسه‌روك (نێچیرڤان بارزانى )کربیت ئەوا کو ب هەلکەفتا سویند خارنا خوە وەکو سەروکێ هەرێمێ کربیت ئەم دێ گەهينە ئەنجامەکێ گەلەکێ گونجای کو ڤوکسا سەروکێ هەرێمێ لسەر خالەکێ بویە کو ب راستى ژى هەمى بوارەکێ دى بڤێ خالێ ڤە گرێدایە ئەوژى " وەرارا مرویێ و دوپاتى کرن ل ئاڤاکرنا کەسایەتیا تاکێ کورد برێکێن زانستى و رەوشەنبیرى, ژبلى هەمى ئەو دەرگەهێن دى ئەوێن ل گوتارا وى هاتینە ئاماژەپێکرن وەکو رێکێن کارێن ستراتیژى بو سەروکێ هەرێمێ ل قوناغا داهاتى" دیارە ئەو رێکا سەرکەفتنێ دزانن ئەوژى ل ئاڤاکرنا تاکێ کورد دایە . ل جیهانا پێشکەفتى هەتا کو تاک نەبویە سەنتەر و گشت بوارەکێ ژیانێ نە کرینە دخزمەتا تاکى دا ئەو وەلات پێش نەکەفتن هەلبەت ئێکەم قوناغ ژى گرنگى دانا ب مافێ تاکى و گرنگى دان ب پەرپێدانا وى لسەر هەمى ئاستان و خولقاندنا ژینگەهەکا گونجایە چ ئەو ژینگەه يا زانستى بیت یانژى سیاسى بیت چونکە تاکو ژینگەها سیاسى تەنادا نەبیت هەمى بوارەکێ دى دێ یێ لەنگ بیت و وەرارا ناکەن چونکە سیاسى نە ئیدارا وەلاتى دکەن . لگورەيى دیتنا مە گوتارەکا گشت گیربوو لسەر هەمى بوارەکێ و پتر گرنگى داینە ئاسایى کرنا رەوشا نافمالا کوردى و دورست کرنا پەیوەنديێن دوستانە دگەل زوربەی وەلاتێن دونیایێ نەخاسمە دگەل وەلاتێن ئەقلیمى بەلێ دهەمان دەم دا مە باوەرە دێ ئەزمونا وەلاتێن پێشکەفتى ژبو خزمەتکرنا تاکێ کورد بکارئینن و گرنگترین خال ژى ب دیتنا مە پەروەردەیە ئەگەر مە شیا ل ئایندەکێ نێزیک پەروەردەکا ساخلەم دورست بکەن ژبو هەموو بوارەکێ دى مە چ گلە و گازندە نابن بەلکوبەروڤاژى دەرئەنجامێن پروسا پەروەدەیێ کاریگەریێ لسەر هەمى ئاستێن ژیانا خەلکى دکەن . ئافرەت زاروک دوو تەخێن بنەکوکا جڤاکێن پێشکەفتى نە ل هەمى هەلکەفتێن بوریدا ئەڤجا کاک نێچیرڤان بارزانى زور گرنگی دایە ئەڤان تەخان لەورا هەم وەکو پێشنیار هەم وەکو ستراتیژيەتا حکومەتا داهاتى پێویستيەکا زور گرنگە ئەڤ هەردوو چینە ببنە بنەمایێ کارێ حوکمرانیا داهاتى تاکو ژلایێ مرویێ ڤە ئەم ب گەهن ئاستەکێ بەرهەمێ مە ببت ژێرخانا مەیا هزرى ومەعریفى ل گشت بوارەکێ دا و گرنگى دانا مە ب شیانێ، زاتى یێن تاکێ کورد دێ هیڤیەکا مەزن لدەم مە پەیدا کت .ل دوماهیکا گوتارا خوه مروڤێن ساخەلم سیاسیەتێن ساخلەم د بەرهەم دئینن و مروڤێن نساخ و ژناڤ چویێ وەلاتێن نساخ ژناڤ چویێ بەرهەم دئینن .