كۆمێنته‌ك ل سه‌ر كۆمێنتا جیهانێ!
شێرزاد نایف
ده‌رباره‌ی مژارا سه‌رۆكاتیا هه‌رێما كوردستانێ و پیرۆزباهیكرنا پۆستێ سه‌رۆكێ هه‌رێمێ یێ نوو هه‌لبژارتی ژ لایێ په‌رله‌مانی ڤه، چه‌ندین په‌یامێن پیرۆزباهیكرنێ هاتنه ئاراسته‌كرن بۆ سه‌رۆك نێچیرڤان بارزانی و هه‌ر ئێكێ ب ستایلێ خوه ئه‌و كۆمنت كریه، نها دێ پتریا وان نه‌مایشكه‌ین و ئه‌م ژی دێ كۆمێنتا خوه ل سه‌ر كۆمێنتێن وان دارێژین.
ـ كۆچكا سپی یا نه‌ته‌وه‌یێن ئێكگرتی یێن ئه‌مریكی دبێژیت: هوون هه‌ڤپه‌یمانه‌كێ ب هێزن بۆ مه. ب به‌راوردی ل گه‌ل سه‌قایێ ده‌ڤه‌رێ و نیازێن ئه‌مریكا ل ده‌ڤه‌رێ، ژ بلی گه‌فلێكرنا ئیرانێ یا به‌ری ده‌مه‌كێ نه‌یێ دوور، و ململانێن وی ل گه‌ل رۆسیا و چینێ، یاریه‌كا سیاسیی یا سه‌ركه‌فتیانه‌یه، ئه‌م كورد وه‌كو بێلایه‌نی دهێینه پێش ئه‌و ژی ژ سیاسه‌تا زانابوون یا كه‌سێ نێچیرڤان بارزانی بوویه، كو نه‌هێلا چو لایه‌نه‌ك ب سه‌ر یێ بكه‌ڤیت بۆ هه‌ڤركیێ ل سه‌ر یێ به‌رامبه‌ر، ل ڤێره تشته‌كی دئینته بیرا مه، ئه‌و ژی هه‌ر ئه‌و سه‌مته و وێراتكاری یه یا مه‌لا موسته‌فا بارزانی یا بكارئینایی ل سه‌رده‌مێ ل ئێكه‌تیا سۆڤێتی كو نه هێلای چو لایه‌ن بزانن سه‌ر ب كیژان ئاراسته‌ڤه‌یه، ژبه‌ر كۆمنالیتسا رۆسیا و موسلمانیا وی و ئه‌و گرۆپا زه‌لامێن ل گه‌ل، رۆسیا پێڤه مه‌حتل بوو بۆ وان سالێن ل وێرێ، نه‌زانین بۆچی تاگیریا شیۆعیه‌تێ نه‌كری و هه‌روه‌سا چو هشكباوه‌ریێن نه مه‌زهه‌بی و وه‌كو دی ل ده‌ف هه‌نه. ئه‌ڤرۆ ژی هه‌مان براتماتیكی یا دهێته دوباره‌كرن، له‌ورا چو جۆرێن موزایده‌كرنێ نینن، هه‌ر كه‌س دخوازیت بۆ لایێ خوه هه‌رێمێ ڤه‌كێشیت ژبه‌ر به‌رژه‌وه‌ندیێن خوه یێن تایبه‌ت، ب دیتنا من هه‌كه نێچیرڤان بارزانی نه‌با و په‌یره‌وێ سه‌رۆك مسعود بارزانی یێ دیرۆكی ل ده‌ڤه‌رێ، نوكه دا هه‌رێم و سه‌ربۆرا وێ د ده‌ستێن عیراقێ و ده‌وله‌تێن هه‌ڤسوی دا بیت، ئیراده‌یا گه‌ل و رێبه‌راتیا بارزانی، كوردستانێ جاره‌كا دی و باشتر ژی عافیه‌تا جاران ڤه‌گه‌رانده‌ڤه، و بوو ژماره‌یه‌ك د هه‌ڤسه‌نگیا نیڤده‌ولی دا! ل به‌رامبه‌ر ژی ئه‌ڤرۆ كۆمێنتا رۆسیا هاتیه دپیرۆزباهیكرنێ دا كو.. هوون به‌ریگریكارێن سه‌ره‌كینه ل پێناڤی خورتكرنا په‌یوه‌ندیێن دۆستاتیێ د ناڤبه‌را مه دا، نامه‌یه‌كه بۆ لایه‌نێن هه‌ڤكیف و هه‌روه‌سا كارته‌كا مفاداره بۆ مه هه‌رێمێ كو ئه‌م ب پشتین و چو لایه‌نێن مه‌زن، نه‌شێن خوه ب خرابی نێزیكی مه بكه‌ن... یا گرنگتر كو بالا من ڤه‌كێشای،
برتیانیایا گه‌وره‌یه، كو ئه‌ڤا هاتیه سه‌رێ كوردان ب درێژیا دیرۆكێ هه‌ر ژ په‌یمانا سیڤه‌ر بگره و پارچه‌بوونا مه، دزڤریته ڤه بۆ ئه‌وێ بریارا ئه‌نگلیزی دا، له‌ورا ئه‌ڤرۆ ژی كۆمێنتا وێ ئه‌ڤه‌بوو: دێ پشته‌ڤانیا وه‌كه‌وین و ل گه‌ل هه‌وه دهاریكاربین و دێ گه‌هێن په‌یوه‌ندیان د ناڤبه‌را خوه دا بهێزئێخین.. ئها ئه‌ڤێ گرنگیا خوه هه‌یه چونكو بریتانیا ئێدی ئه‌و ژی ل مه‌زنی و سه‌رخوه‌یا خوه دنێریت نه‌مازه خوه ژ ئێكه‌تیا ئه‌ورۆپی جوداكریه, هه‌روه‌كو خوه ژی وه‌كو سه‌رجه‌مه‌كێ مه‌زن دبینیت، له‌ورا ئه‌ڤه بیت كۆمنتا وێ بۆ سه‌رۆكێ هه‌رێما كوردستانێ یێ نوو و گه‌نج و زانا بیت، ئه‌ڤه ژی مینا ب كۆلانكی بیت ـ دوعایا دایبابانه ـ !!.
دمینیت كۆمێنتا ئیرانێ و عیراقێ، من خواست هه‌ردویان بێخمه ب ره‌خ ئێك ڤه، چونكو شوونتبلێن ئیرانێ د عیراقێ دا ددیار و پێشچاڤن وه‌كو ئه‌ڤ دونیایه هه‌می ڤێ ئێكێ خۆیادكه‌ت! ئیران دبێژیت: داخوازا زێده‌تر ژ پێشڤه‌چوونێ د په‌یوه‌ندیێن خوه دا دكه‌ین...
هه‌روه‌سا ژی به‌غدا: قووناغه‌كا نوو دێ ده‌سپێكه‌ین و ناكۆكیان چاره‌سه‌ركه‌ین!!.
د سیاسه‌تێ دا ئه‌ڤه هه‌یه، كو دوهی ئه‌م هێرشبه‌ر بووین و ئه‌ڤرۆ دۆستین!!. ئه‌ڤه ژی نیڤشكێ ئاریشه‌یا مه‌یه، كو ئاریشه چاره‌سه‌ربن، واته جێبه‌جێكرنا ماددێ 140، دێ هه‌می رێ ل به‌ر عیراقێ هێنه گرتن هه‌كه هات و به‌غدا خوه بادا، هه‌كه نه، نامه‌یا پێشنیازێن نێچیرڤان بارازانی پێش هه‌لبژارتنا وی ژ لایێ په‌رله‌مانێ كوردستانێ ڤه، بۆ یۆنامی كوبهێته ببیته دادوه‌ر ل سه‌ر كێشه‌یێن مه ل گه‌ل عیراقێ، دێ هه‌تكا عیراقێ و مایێ سیاسه‌تا له‌نگ دیاربیت!!, له‌ورا ماده‌م كو هه‌ر دێ مادێ 140 كه‌ڤیته جهێ وارێ جهئینانانێ، نه‌خێر بلا ئه‌و ته‌ماكاری ژ ده‌ستبچن، بلا هه‌تك نه‌چیت!!. و ئه‌و حنێر بلا بۆ یۆنامی نه‌بیت، بۆ ناڤه‌ندا عیراقێ بیت، هه‌كه نه دێ یا چوویی ژی ژ دفنا دوه‌ركه‌ڤیت،چ ب قه‌ره‌بۆكرن یان، ژ ده‌ستدانا گه‌له‌كێ نه‌دووره حه‌شدا شه‌عبی ژی بكه‌ڤیت!.
ژلایه‌كێ گرنگتره ڤه ژی توركیایه كو دپیرۆزباهیكرنێ دا دبێژیت: دێ پشته‌ڤانیا خوه به‌رده‌وام كه‌ین. مه‌ره‌م ژی مه چو دابرین د پشته‌ڤانیكرنێ دا نه‌كریه، و خوه ب سه‌ر چو پیلانان را نه‌بریه، نه‌مازه ئه‌ردۆگان ژبلی كێشه‌یا په‌كه‌كێ فۆكسا خوه یا مه‌زهه‌بگه‌ریی ژی دئێخیته سه‌ر هه‌رێمێ و نێزیكبوون ژ كێشه‌یا نه‌ینه‌وا و توركمانان، كو به‌رده‌وام ببیت ل سه‌ر وان په‌یوه‌ندیێن خورت!!.
نه‌ته‌وێن ئێكگرتی ژی ده‌رباره‌ی هه‌لبژارتنا نێچیرڤان بارزانی، هاتیه خه‌ت و ب ڤی ره‌نگی پیرۆزباهی لێ كریه: به‌خته‌وه‌رین ب هه‌لبژارتنا وه و هه‌موو ده‌زگه‌هێن مه دێ ل گه‌ل هه‌وه كاركه‌ن. ئه‌ڤه ژی لۆتكه‌یا خۆشحالیێ یه، وات گه‌له‌ك كار یێ ل پێش و دلێ خه‌لكێ كوردستانێ خۆش بیت، ئێدی چو كاره‌ساتێن دی ب سه‌ردا ناهێن، به‌ره‌ڤانیكرنه‌كا ره‌وا و نێزیك دێ هه‌بیت. ل دووماهیێ ژی ئێكه‌تیا ئه‌ورۆپی پیرۆزباهیێ دكه‌ت و دبێژیت: هه‌لبژارتنا هه‌وه یا گرنگه بۆ به‌رقه‌راربوونا هه‌رێما كوردستانێ و عیراقێ. ب دیتنا من نامه‌یه‌كا شیره‌تكرنێ یه ل عیراقێ كو بزانیت رۆلێ هه‌رێمێ چه‌نده ل ده‌ف ئێكه‌تیا ئه‌ورۆپی و ره‌وشتێ ئه‌ورۆپی و بایه‌خدانا ب پره‌نسیپێن مافێ مرۆڤی و مرۆڤاتیێ دڤێت بهێته پێشچاڤ، كوردان هند تراژیدیێن خوه گه‌هاندینه ئه‌ورپا ئێدی ئه‌و پتر شارازابوویه ل وێ سه‌رده‌ریا عیراق ل گه‌ل كوردان دكه‌ت و كری ب دێژیا دیرۆكی!.. ئه‌ڤ هه‌می پشته‌ڤانی و په‌سنینه جهێ باوه‌ریێ یه كو دێ پاشه‌رۆژا كوردان باشتر بیت و ب رێیێن نه‌رم نیان و زانابوون گه‌شتر بیت!!.
