دهێته گۆتن، ئه‌وا ب رێكا هونهرى به‌لاڤ دبیت، سه‌دان سال ب سیاسه‌ت و شۆره‌شێن چه‌كدارى به‌لاڤ نابیت، واته ل ژێر ڤێ گۆتنێ ئه‌م دكارین بێژین، كوردان چه‌ند پێدڤى شۆره‌ش و به‌رخوه‌دانێن خوه پاراستنێ بوویه، دوو جاران هنده پێدڤى ب هندێ یه هونه‌رێ خوه بكه‌نه خودیكا ژیان و دیرۆكا خوه، ل ته‌نشت ڤێ گۆتنێ ئه‌م دكارین ته‌ماشه‌ى ژیوارێ هه‌رێما كوردستانێ بكه‌ین، به‌رهه‌مێن هونه‌ریێن كوردى ب به‌راورد ل گه‌ل سالێن به‌ریبا سه‌رهه‌لدانێ ده‌ربازى قۆناغه‌كا نوو بوویه، چونكى نێچیرڤان بارزانى د ده‌مێ ده‌ستهه‌لاتداریا خوه دا وه‌كو سه‌رۆكێ حكومه‌تا هه‌رێما كوردستانێ بیاڤێ كه‌لتورى و هونهرى پشت گوهـ نه‌خستینه و هه‌بوونا هژماره‌كا زۆر یا چالاكیێن ناڤخوه‌یى و ناڤده‌وله‌تى ل هه‌رێما كوردستانێ دیده‌ڤانیا وێ یه‌كێنه، كو ل سه‌رده‌مێ حكومرانى بارزانى وه‌كو سه‌رۆك وه‌زیر خزمه‌ته‌كا به‌رچاڤ ب وێ سێكته‌رێ كریه، بۆ نموونه: ل دهۆكێ تا نها شه‌ش گه‌رێن فلمه فه‌ستڤالا نێڤده‌وله‌تییا دهۆكێ هاتیه كرن، ژبۆ پتر پشته‌ڤانیا فه‌ستیڤالێ ژى گه‌له‌ك جاران نێچیرڤان بارزانى بخوه د ڤه‌كرنا فه‌ستیڤالێ دا پشكدار بوویه، هه‌روه‌سا د رۆژێن فلمه فه‌ستیڤالێ دا ب ده‌ها فلمێن بیانى و ئه‌كته‌ر و سینه‌ماكارێن جیهانێ هاتینه هه‌رێما كوردستانێ، گه‌له‌ك جاران ئه‌ڤ جۆرێن فه‌ستیڤالێ بوویه ئه‌گه‌ر لۆبیه‌كا دى یا ناڤده‌وله‌تى ژ بۆ كوردان په‌یدا بییت، هه‌روه‌سا فلمه فه‌ستیڤالا سلێمانیێ ژى سێ گه‌رێن خوه كرینه و دده‌مێ قه‌یرانێ ژى به‌رده‌وام بوویه گه‌له‌ك جاران هاتیه به‌ر راوه‌ستیانێ، ل ل ده‌مێن دوماهیێ نێچیرڤان بارزانى ، ل هه‌ولێرێ ژى فلمه فه‌ستیڤالا دژه تیرۆرا نێڤ ده‌وله‌تی تا نها چار گه‌رێن وێ هاتینه كرن، هه‌روه‌سا دبیاڤێ كه‌لتورى ژى دا بۆ ده‌ما پێنچ سالانه رانیه كه‌لتورێن جیاوازێن گه‌لێن جیهانێ د هه‌مبێزا خوه دگریت و د فه‌ستیڤالا كه‌لتورێن جیاواز نیشان دده‌ت، شانۆ ژى ئێك ژ وان هونه‌ران بوویه كو حكومه‌تا هه‌رێما كوردستانێ گه‌له‌ك گرنگى پێ دا یه و ب پشته‌ڤانیا خوه ئاستێ وێ هونه‌رێ گه‌له‌ك پێش خستیه، هه‌بوونا فه‌ستیڤالا هه‌ولێرێ یا شانۆیا نێڤ ده‌وله‌تى گرۆڤه‌یه ل ڤێ گۆتنێ، هه‌روه‌سا تا نها چارده گه‌رێن پێشانگه‌ها نێڤده‌وله‌تیا په‌رتوكان ل هه‌ولێرێ هاتییه ڤه‌كرن، ئه‌ڤه سه‌ره‌ره‌ارى هه‌بوونا گه‌له‌ك فه‌ستیڤال و چالاكیێن ناڤخوه‌یى. ل ڤێرێ ئه‌م دبینین كو كابینه‌یێن ئێك ل دووڤ ئێكێن نێچیرڤان بارزانى ب تنێ گرتنێ ب وان سێكته‌ران نه‌دایه كو دبنه ئه گه‌رێ ب ده‌ستڤه ئینانا داهاته‌كى، به‌لكو هونه‌ر و كه‌لتور ژى ژ بلى داهاتێ مادى، مفایێن مه‌عنه‌وى هه‌نه و روویێ جوانێ هه‌رێما كوردستانێ نیشان ددن
کارزان فەقێ
