ئەم کورد ل هێڤیا مێشکێ خو پەرست یێ عەرەب و تورک و فارسان بین ب مافێن خوە یێن رەوا شاد نابین ، ئەڤە سەرێ چەندین چەرخایە یێن مە جار ب بەهانا ئایینی د کوژن جار ب بەهانا قەومیەتێ و تا دوماهیێ د زورن بەهانێن زالم و ستەمکاران د بەرهەڤن بۆ داگیرکرن و تالانکرنا مال و مولکێ مە کوردان .
ئەو ناما نێچیرڤان بارزانی دایە سکرتێرێ گشتی یێ نەتەوێن ئێکگرتی باشترین پێشنیاربون ، هندی حکومەتەکا نی یا عیراقی دهێتە پێکئینان هەر ئەو مێشکە یێ فێلی تەپەسەرکرنا کوردان بوی حکومەتا پێک دئینن ، نفشێ وانە ئەوێن باب و باپیرێن مە د کوشتن و زولم و زورداری ل کوردان دکرن ، دڤێت چجاران ئەم ل هێڤیا خوشیێ نەبین دگەل وان بژین ژبەر وێ کەرب و کینا د مێشکێ واندا ل بەرامبەر گەلێ کورد ، ئەڤان پەیڤان ژ ڤالاتیێ نابێژین ژبەرکو سەربور دزورن و مێژو شاهدە بۆ یا ئەم دبێژین ، هەردەم کوردان پێکڤەژیان یا داخاز کری لێ وان هەردەم دکتاتوریەت و تەپەسەرکرن یا دگەلمە کری ، یێن دبێژنە مە هین عیراقینە و یێن گازا مە دبەن و یێن موچێ فەرمانبەرێن مەژی د برن ، داخازکرنا گەلێ کورد ژ بۆ وان مافێن خودێ داینێ کو خودان خاک و زمان و ئالانە یێن دبنە رێگر کو بژین ب ئازادی لسەر جهێ خوە ، داگیرکرن و زولم لێکرن یا بەردەوامە ، دەستێ دەرەکی دنافمەدا هەردەم یێ بەرهەڤە و تێکدانێ دکەت ژ بۆ گیروکرنا گەهشتنا مافێن مە .
ئەو ناما نێچیرڤان بارزانی بۆ سکرتێرێ گشتی یێ نەتەوێن ئێکگرتی فرێکری گەلەک یا گونجای بوو ژ بۆ چارەسەرکرنا کێشا مە لگەل عیراقێ و پاراستنا مافێن مە ژلایێ وان ڤە ، ئاستێ نوێنەراتیا نەتەوێن ئێکگرتی ل کوردستانێ بهێتە زێدەکرن ، کەسەک وەک بەرپرسێ کارو بارێن مروڤی بهێتە دەست نیشانکرن ل هەرێمێ ، بنگەهێ سەرەکی یێ بەرنامێ مروڤی یێ نەتەوێن ئێکگرتی ل بەغدا بهێتە ڤەگوهاستن بۆ هەرێما کوردستانێ ، فیدرالیزما هەرێما کوردستانێ د راپورتێن نەتەوێن ئێکگرتی دا ئامەژە پێ بهێتە کرن و دانپێدان پێ بهێتە کرن ، مابەینکاری ژ لایێ هنارتیێ سکرتێرێ نەتەوێن ئێکگرتی ل عیراقێ بهێتە کرن ژ بۆ بجهئینانا مادەیێ سەد و چل ژ دەستورێ عیراقی ، ئەڤ خالێن د ناما نێچیرڤان بارزانی دا هاتین گەلەک د گرنگ بوون .
دیسان دێ بێژین کێشێن مە مللەتەکێ بن دەستە و ئاخەکا داگیرکریە ژ لایێ عەرەب و فارس و تورکان ڤە و ب ئاشکەرایی یێن مە دکەنە ئارمانجا پیلانێن خوە یێن تێکدەر و مللەتێ مە هەردەم یێ د مەترسیێ دا ژ بەر هەبونا توندرەویا وان بەرامبەر کوردان ، هەردەم کوردان داخازا پێکڤە ژیان و براینیێ یا ژێ کری و دیسان نهو ژی ئەم یێن ب رێکێن ئاشتیێ د چینە وان و دبێژینێ مە دڤێت جیرانێن باشبین دگەل وە لێ ب چ شێوان رازینابن و هەر یێن پێکولێن لاوازکرنا هەرێمێ دکەن .