ھەموو نڤیسەر و رۆژنامەنڤیس سەردەرییێ ل گەل دیارکرنا میناکان دکەن، پێشمەرگە ژی پێگیریێ ب فەرمان و پیڤاژۆیا سەرکردەیا خوە دکەن، مافێ وانە و ئەرکێ وانە، لەورا من ژی ئەڤ مژارە خستە روو و دوور ژ مەدحەکرن یان رۆتینبوونا گۆتارەکێ ئەڤ تێکستێ ڤەکری نڤیسی و ئینا زمان، دا کو پشتراستیەک بۆ خەلکێ خواندەڤان دیار بیت کو بزانن کەسێن زانا و مەزن و جھێ باوەریێ دێ ڤی وەلاتێ برێڤەبەن و سەرکێشیا وی کەن..
ئەڤجا گرۆڤەیێن مە چنە؟!، ھندەک پەیڤینان دێ ئینم زمان و ھوون بخوینن، کی بوو خودانێ ڤێ گۆتنێ.. ئەڤ قووناغە دێ تێپەریت.!! یان دەمێ جۆرێن دوژمنێن ھۆڤ ھاتین و ھەولێن ژناڤبرنا مللەتێ کورد کرین و ..ھتد.
ئێدی جە نینە ھەمیێ ل ڤێرە بینین بیرا خوە، بەلێ ژ بلی ھەرەشەیێن لەشکری ھەروەسا پیلان و کریارێن سیاسی ژی رۆژ بۆ رۆژێ مشەبوون ل ھەمبەری حوکمەتا ھەرێما کوردستانێ و تایبەت ژی کەسێ نێچیرڤان بارزانی، گرێک ل دووڤ گرێکی ئالۆزتر لێھاتن، ھەموو ژی بوونە سەربۆر و ب ئەندازیاریەکا سەلامەت ئەم ژ ھەمی گرێکان دەربازکرین، دووماھی ئالۆزی ژی گیرۆکرنا پیکئینانا کابینا حوکمەتا نوویە، چونکو برێڤەبرنا مرۆڤان ل ڤێ دەڤەر مە زۆرا زەحمەتە ھەکە ل گۆر سایکۆلوجیا مرۆڤێن مە بیت، و ئەڤە راستیەکە ژی کەس نکاریت ھەمویان رازی بکەت، ھەر حزبەکێ چەندین سەرێن تێدا، ئەڤ حزبێن د ناڤا کابینێ دا ، وەکو رێیەکا زۆرا دووربوو کو بھێنە رایێ، چاوا شیا ڤێ رێکا کورت نێزیک بکەت!! شیا و ئەو رێکا درێژ کورت کر، ئەم گەھشتبووینە رەوشەکێ مە ھزر نەدکر دێ ئەڤ حزبێن ھەنێ ھێنە سەر رێیەکێ، چونکو ھندەکان ژ وان ھەما سیستەمێ وان تێکدان بوو و ئەرکێ وان ئەوە تنێ ئاستەنگان بداننە پێش و نەھێلن ئەڤ خەلکە ب سەرەکی بکەڤن و تایبەت ژی ژبۆ ھەڤدژیکرنا پارتی دیمۆکراتی کوردستانە، ژ بەر وێ بەھرا شێری یا ھەیی ژ پەسنینا مللی و ھژمارا کورسیێن خوە ل پەرلەمانی و کیانێ خوە یێ ب ھێز ھەم ل کوردستانێ و ھەم ژی ل بەغدا، ئێدی نەکامیا وان حزبان گەھشتبوو ھەستیی!!. ئەڤ سەرکەفتنا پارتی و بتایبەت سەرکێشێن وێ وەکو سەمیانێن ریفراندۆمێ و سەربخوەیا کوردستانێ، دروستکارێن خەونا کوردبوونێ و سەربخوەیێ بووینە ئارمانجا دەولەتێن مەزن و ب ھەمی رەنگان یێن دھێن ئەزمۆنا وێ ژناڤببەن، ستێرکا وان یا دیار و پێشچاڤە کو نەدخواستن حوکمەتێ پێکبینن، لەورا ئەندازیاریەکا بالا سەرۆکێ حوکمەتێ نێچیرڤان بارزانی زانی و شیا ھەموو لایەنان بێدەنگ بکەت، بەلکو ئەوی ئەو ب وەزیرێن خوە یێن دەرڤە و نوونەرێن مەزنە وەلاتان کێشانە ھەولێرێ و ل ھەمبەری ڤێ ئێکێ شیا تەنگێن بەغدا سست بکەت، دوور ژ فشارێن وەلاتێن باندۆرا وان ل سەر بەغدا، چاوا ل ناڤخوە پێکنەئینیت؟!.

لەورا رۆلێ نێچیرڤان بارزانی د رێخستنا ناڤمالا کوردی دا و رێخۆشکرن بۆ پێکئنانا کابینا نوو، ھەرگۆتنەکا وی دا خۆیا دبیت ل نەورۆزێ: رێیا دوور زۆر مە بریە و قوربانیێن زۆر ژی مە داینە، گرێی امە ئەوە کوردستان دڤێت سەربکەڤیت.. ئەڤجا ب راستی ئەڤ سۆزێن وەسا یێن کەسێن مەزن ددەنە ملەتێ خوە، نەک تشتەکێ ب ساناھی یە، و گەلەک سەرکردە مە دیتینە کو جھێ باوەریا خەلکی نینن و ئەو سۆزێن ددەن ناھێنە بجھئینان، ژبلی دۆخێن جودا کو مەزنتر بن ژ ھەموو بۆیەران!!. بەلێ ھەر ژ دەسپیکێ ژی سۆزێن ئاشتیێ و ئاڤەدانیێ داینە و نە تنێ ئەم بەلکو خەلەکێ بیانی ژی دانپێدانێ ب ڤێ ئێکی دکەن، ھەکە نە چاوا ھەولێر دا بیتە قیبلەگەھا ھەموو وەلات و سیاسەتڤان و مەزنە بەرپرسێن سیاسی و ڤەکرنا کونسلخانە و جھێ کوربەند و جڤین و کۆنفرانسێن گەلەک وەلاتان، مۆرەکا فەرمی یە بۆ پێشڤەچوونا ھەرێم کوردستانێ ژ ھەر رویەکی ڤە.
ئەڤجا دەولەتمەدارێ کوردستانێ وەکو سەمیانێ ئێکرێزیێ باوەریێ دزانیت ھەتا ناڤمالا کوردی ئێکگرتی نەبیت، ئەو دەرزێن مایین ژی راستڤە نابن، ژ بەر وان پرەنسیپێن برایەتیێ و ھەڤدو قەبوولکرنێ، دڤێت دەروون و چاوانیا ھزرکرنێ و سەرەدەریێ بھێتە زانین بۆ گیانێ ھەڤنشتیمانیان بھێتە ڤەگەریان، لەورا مە دیت چەندی دەرزەک و پەقەک پەیدا ببا، دەملدەست د ھانێ دچوو و ئەو ئاریشە چارەسەر دکر، چەندی دوورکەفتن پەیدا دبا ھەر دا ھەموو بۆچوونان نێزیک کەت و ھەیڤیان د دلێ خەلکێ خوە دا چینیت، ھەروەکو گەلەک جاران زیان ژی ب پارتی دیمۆکراتی کوردستان دکەفتن پێخەمەتی ھەڤدوقەبوولکرنێ و رازیکرنا لایەنێن دیتر، واتە ھەموو رێکێن ئاستەنگدانێ دابڕین و نەچارکرن ھەموو بھانەیێن خوە بدووماھی بینن و رادەستی راستیێ و لۆژیکی ببن، ئێدی گەھشتە رادەکی نە تنێ ھەڤوەلاتیان تۆرەبوونا خوە دیارکرن ل ھەمبەری ڤان حزبان، بەلکو ھەر ئەندامێن وان حزبان بخوە ژی نەقۆلەبوون و بێزار بوون ژ وان بھانەیێن بێھانە!! کا چاوا پارتی ھەردەم نەتنێ دۆست و ھەڤال بەلکو دوژمن ژی نەچار کرینە ل دووڤ پارتی بەردەن و بھێنە سەر رێکا حەق، نەک ب توند و زالبوونێ، بەلکو ب نەرمیا خوە و سینگفرەھیا خوە، سەرەرای ھند پیلانێن مەزن و خیانەتکرنێن لێ ھاتینەکرن، بەلێ ھەر حزب ولایەنێ یا راست و حەق بۆ خەلکێ خوە بخوازیت، ئێدی دادوەریا ئەسمانی ژی دێ پشتا وێ بیت، و ھەر دێ بسەرئێخیت، لەورا ژی ئەڤە دووماھی بەربەست بوو د دووماھیا سیناریۆیا ڤی فلمی دا و چاو امە دیت بەری چەند رۆژەکا سەرکێشێ رێخراوا تیرۆرستی یا داعشێ دانپێدان ب دۆراندنا خوە کر ل شەرێ باھۆزێ، ئێدی ئەو وەلاتێن ئاستەنگ ددانان د رێیا بەرژەوەندیا گەلێ کوردستانێ ژی دێ نەچاری وێ دۆراندنێ بن، چونکو ھەموو رێک تاقیکرن کو حوکمەتا ھەرێمێ ژناڤبچیت، و نەچوو بەلکو بھێزتر لێھات، ئەز دوور نابینم کو گیرۆبوونا ڤێ حوکمەتێ ژی دەستێن دەرەکی تێدا ھەبوون، ب وێ ھزرێ ھەکە حوکمەت پێکنەھات، ئێدی خەلک دا بێزار بیت ژ ڤێ گیرۆبوونێ چونکو دەنگێ خوە ژ مێژە دایی و دا ھەیبەتا حوکمەتێ ل پێشچاڤێن خەلکی ل کێمێ بدەت! خواستن رەوشێ بگەھیننە وی رادەی کو خەلک خوە بکوژیت ژ بەر ژێکێبژالەبوونا ناڤمالا کوردی!!. ئەڤە ژی جۆرەکێ شەرێ دەروونی یێ شەترەنجی یە، دوژمنێن مەزن ل پشت مەرا بۆ دادرێژن، ھەلبەت ب پێشکێشکرنا مەرجێن تەعجیزی، حوکمەت دێ گیرۆ بیت، چونکو نابیت ژی ئەز حەقێ خوە ل دووڤ تەبەردەم حەتا رادەیەکی تە نڤیا من دەنگ ھەبن بۆ خوە یا زێدەتر ژ یا خوە دابنی، ھەکە لایەنەک غەدرێ ل خوە بکەت و ل وان زۆرینەیا دەنگێن خەلکێ خوە بکەت ژی خودێ قەبوول ناکەت، ھەروەسا گونەھە مرۆڤ زێدەی حەقێ خوەببەت، بۆ وێ خەونا کو ملەت پێشنەکەڤیت و نەگەھیتە ئارمانجێن خوە یێن راستەقینە، یا گرنگ ئەوە ھەڤسەنگی یا ئالۆز بوو یا سەخت بوو، کەسێ باوەر نەدکر دێ ب سەرەکی کەڤیت، بەلێ ل دووماھیێ ئەم ب دەمی خسارەت بووین و گیرۆبوون ئەو زیان بوو یا دوژمنی بۆ مە دارێتی و دانایی بەلێ ئەو ئیرادەیا ئاسنی یا ب ھێز شیا مە ژ ناڤ ھەمی کۆلگەھێن مین و ئەلغامان را دەرباز کرین و گەھاندینە کنارێ ئێمن...