قوربانیدانی پێشمەرگە، سیاسەت و دیپلۆماسی حەكیمانەی سەركردایەتی سیاسی كوردستان بە رابەرایەتی سەرۆك بارزانیی و هەروەها رۆڵی بەرچاویی سەرۆكی حكومەتی كوردستان و راوێژكاری ئەنجوومەنی ئاسایشی هەرێمی كوردستان بۆ پاراستنی ئارامی و سەقامگیری و خۆراگری خەڵكی بەرامبەر پیلانگێران توانی شكست بە نەیارانمان بهێنێ‌ ، بەتایبەت لە دوای گوشارو گەمارۆكانی بەغدا لە ماوەی چەند ساڵی رابردوو بە ئامانجی لێدانی پێگەی هەرێمی كوردستان بینیمان كە هەرلە سەرەتای ساڵی 2016 حكومەتی هەرێمی كوردستان بڕیاری دا راشكاوانە ئەم پرسە لەگەڵ تێكڕای چین و توێژەكانی كوردستان باس بكات و، هەموو پێكەوە بیر لە چارەسەرێكی لەبار بۆ ئەو بارودۆخە ئاڵۆزە بكەنەوە، هەتا رێكارێكی بۆ بدۆزرێتەوە، بەمەش دوای چەندین كۆبوونەوەی راستەوخۆی سەرۆكایەتیی ئەنجومەنی وەزیران لەگەڵ نوێنەرانی گشت چین و توێژەكانی كوردستان، حكومەت بە ناچاری ناچار بوو كە سیستمی پاشەكەوتی مووچەی فەرمانبەران پیادە بكات.ئەم سیستمە لەگەڵ ئەوەی بڕیارێكی قورس و سەخت بوو بۆ حكومەتی هەرێمی كوردستان و لە پێناوی ئەوە بوو ئەم هەنگاوە ببێتە دەروازەیەك بۆ تێپەڕاندنی ئەم قەیرانە قورسە و پاراستنی قەوارەی سیاسیی هەرێمی كوردستان، بەڵام ناحەزانی گەلی كوردستان چونكە ئامانجیان ئەوە بوو قەوارەی سیاسیی هەرێمی كوردستان شكست بهێنێت، بەلام لەگەڵ ئەمەشدا حكوومەتی هەرێمی كوردستان بەگشتی و پارتی دیموكراتی كوردستان بەتایبەتی لەبەرپرسیاریتیان رانەكردوو هەولە دیپلۆماسیەكانی خۆیان بەگەر خست بۆچارەسەری كێشەكان ولەسەنگەری بەرگری كردنشیدا بەهیواوئومێدەوە نەخشەورێگای سەركەوتنیان دادەناو خەونی ناحەزانیشیان لەگۆرنا كەدەیان وویست كوردستان داگیربكەن.ناكرێت هیچ كات رۆلی خەلكی كوردستان لەیاد بكرێت كەتوانیان بەخۆراگرییەوە بەرگەی ئەم دۆخە سەختە بگرن بەپێچەوانەی بیركردنەوەی ئەوهێزو لایەنانەی كەدەیان وویست لەرێگای فشارەئابووری یەكانیان سزای خەلكی كوردستان بدەن كەئەم خوراگرییەش بووە كلیلی سەركەوتنی گەلی كوردستان.كاتی هاتووە حكوومەتی عیراق بەدیدێكی نوێوە مامەلە لەگەڵ هەرێمی كوردستان بكات واز لەسیاسەتی برینی قووتی خەلك بهێنێت و چیتر مووچەو بوودجەی كوردستان وەك كارتی فشار بەكارنەهێندرێت چونكە ناكرێت هەموو جارێك خەلكی كوردستان باجی كێشە سیاسیەكان بدەن چونكە سەردەمی ئینكاری كردن و پەراوێز خستنی مافی تاكی كورد كۆتایی پێبهێنن و رێز لەشەراكەتی حەقیقی و دەستووربگرن كەتەنها بەمە دەتواندرێت چارەسەری كێشەكانی نێوان هەولێر-بەغدابكرێتئەركی كابینەی داهاتووی حكوومەتی هەرێمی كوردستان قورستردەبێت تابەبەرنامەو سیاسەتێكی تازە خۆی ئامادەبكات بۆ زیاتر چاكتر كردنی ژیانی هاولاتیان و گۆرانكاری بنەرەتی و چاكسازی لەهەموو سێكتەرەكانداو بایەخی زیاتر بەئاوەدان كردنەوەو بوژاندنەوەی هەرێمی كوردستان بدرێت چونكە ئەم كابینەیە لەكاتێكدا دەست بەكار دەبێت كەلەماوەی چەند سالی رابردوودا قۆناغێكی سەخت تێپەرێندراوە وەكوردستانیان ئومێدی زۆریان لە سەر كابینەی نۆیی و حكومەتی كوردستان هەڵچنییەوە. ئەگەر گەلی كوردستان یەك هەڵوێست و یەكگرتوو بێت و هاوكات پشتیوانی حكومەتی خۆی بێت و لە رۆژانی تەنگانە پشت لە حكومەتی خۆی نەكات، ئەوا داو و پیلانی ناحەزانی كوردستان چەند گەورە بێت، هەر ئیرادەی خەڵكی كوردستان سەردەكەوێت و هەر گەلی كوردستان سەربەرزانە خۆی بڕیاری كۆتاییهاتنی نەهامەتییەكان دەدات.
بەڕێز نێچیرڤان بارزانی سەرۆكی حكومەتی هەرێمی كوردستان، لە میانەی راگەیاندنی بڕیاری هەڵوەشانەوەی پاشەكەوتی مووچەی فەرمانبەران، زۆر جوامێرانە هەڵوەستەی لەسەر ئەو خاڵە گرنگە كردەوە كە سەركەوتن بەسەر ئەو قەیرانە سەختەی ئابووری كە چەندین ساڵ بوو یەخەی هەرێمی كوردستانی گرتبوو، بە پلەی یەكەم گێڕایەوە بۆ تێگەیشتنی نیشتمانییانەی فەرمانبەرانی كوردستان لەگەڵ حكومەتی خۆیان، هەروەها بۆ هاوكاری و تێگەیشتنی تەواوی چین و توێژەكانی كوردستان لەگەڵ ئەو قەیرانە سەختەی بەرۆكی حكومەتی هەرێمی كوردستانی گرتبوو. ئەم پێزانینەی حكومەتی هەرێمی كوردستانیش بۆ هەڵوێستی جوامێرانەی فەرمانبەران و تێكڕای خەڵكی كوردستان، جیا لەوەی هەڵوێستێكی نیشتمانییانەی بەرز وێنا دەكات، لە هەمانكاتدا پیشاندانی گەورەیی ئیرادەی خەڵكی كوردستانە كە بەسەر قەیرانێكدا زاڵ بوون و بەمەش ئیرادەی خەڵكی كوردستان و سەركردایەتیی حەكیمانەیان سەركەوتنی بە دەسهێنا..لە پێناو حكومەت وكوردستانێكی بەهێز تەنها بەرژوەندییە باڵاكانی خەڵك گرنگە .دوای خیانەتی ١٦ی ئۆكتۆبەری 2017، حكوومەتی عێراق بە هاوكاریی هەندێ وڵاتی هەرێمی، گەمارۆیەكی زۆری ئیداری و دیپلۆماسییان خستە سەر هەرێم، بەڵام سەركردایەتیی سیاسیی كورد و پارتی دیموكراتی كوردستان، توانییان لە رووی دیپلۆماسییەتی خۆیانەوە ئەو ئابڵووقەیە تێك بشكێنن و دەرگای وڵاتانی جیهان بۆ جارێكی دیكە بە رووی هەرێمی كوردستان لە بوارە جیاجیاكاندا بكەنەوە.وێڕای ئەو هەمووە گەمارۆیەی ساڵی رابردوو، كە لە رووی دیپلۆماسی و ئیداری و ئاسمانییەوە خرایە سەر هەرێمی كودستان، بەڵام لە ئێستادا ئەو ئابڵووقە و كێشانە نەماون، ئەویش بە هۆی خۆڕاگریی گەلی كوردستان و سیاسەتی حەكیمانەی سەرۆك بارزانی تواندرا ئەو گەمارۆیانە تێك بشكێندرێن.حكوومەتی هەرێمی كوردستان لە مەترسیدا بوو، بووە هۆی دروستكردنی سایكۆلۆژیایەكی خراپ، بەڵام بە هەوڵی سیاسەتی نێچیرڤان بارزانی و بە پاڵپشتیی سەرۆك بارزانی، لێكەوتەكانی ئەو رووداوە وردە وردە نەهێڵدران، ئێستایش هەرێمی كوردستان جۆرێك لە سەقامگیری تێدا دروست بووە، دڵنیاییەكیشی لای هاووڵاتیان دروست كرد، گەرچی لایەنە سیاسییەكانی هەرێم گرژی لە نێوانیشیاندا بێت، پەنا بۆ چەك نابرێت و شەڕی ناوخۆ ڕوو ناداتەوە.ئێستا هەرێمی كوردستان بە رووی جیهاندا لە بەردەم كرانەوەیەكی نوێدایە، هەر بۆیە غەفوور مەخمووری جەخت لەوە دەكاتەوە، ئەو پردە رووخێندراوانەی ساڵی 2018 و 2018 بنیات نراونەتەوە و هەرێمی كوردستان بەرەو پێشەوە هەنگاو دەنێت، نموونەیش بە سەردانی سەرۆك وەزیرانی ڤاتیكان ، سەردانیكردنی وەزیرانی دەرەوەی ئەمەریكا، هۆڵەندا و ئەڵمانیا و وەزیری وزەی ئەمەریكا بۆ هەولێر دێنێتەوە، كە نیشانەی بەهێزیی پێگەی هەرێمە لە ناوچەكەدا. لەدوای چەندین ساڵ دەنگدەری كوردستانی سەنگی هێزەكانی نیشانداو وشیارانە پێیان گووتین، دەبێ زەمەنی ناچار بوون بۆ پەنجا بە پەنجا و حكومەتی بنكە فراوان، بە گەیشتنی زەمەنی زۆرینەی هەرە زۆرینە رەتبكەینەوە، بۆیە باڵانسی هێزی یەكەم دووجار و نیو بە قەت هێزی دووەمە، كەواتە لێرەوە ئاسۆی زەمەنێكی نوێ هەڵاتووە و زەمەنی خواستی پەنجا بە پەنجا كۆتایی هات . كاندیدكردنی هەر دوو بەرێزان نێچیرڤان بارزانی و مەسرووربارزانیی بۆتە جێگەی هیوا و ئایندەیەكی گەش بە تایبەت دوای شكاندنی گەمارۆكانی سەر هەرێمی كوردستان . هەر یەك لەو دوو بەڕێزە، دەتوانن گۆڕانكاریی خێرا ئەنجام بدەن، بەو پێیەی دوو كاراكتەری بەهێزی سەر گۆڕەپانی سیاسیی كوردستانن، بە دڵنیاییشەوە رێبەری بزاڤی رزگاریخوازی كوردستان سەرۆك مەسعوود بارزانی لە پشتیانەوە دەبێت، هێز و توانای خۆیشیان لە سەرۆك بارزانییەوە وەردەگرن، هاوكات ئەزموونی باشیشیان لە ئیدارە و بەڕێوەبردنی وڵاتدا هەیە.لەلایەكی دیكەوە كاریزمایی سەرۆك بارزانی لە هەرێمی كوردستان، هاوكات ئەو پەیوەندییە باشەی هەرێمی كوردستان لەگەڵ ناوەند و وڵاتانی چواردەور و جیهان، ئەو وەرچەرخانانەی دێنە پێش بە سوودی گەلی كوردستان بن..