د وێ یاریا ب کوردی بێژنێ ( پەرکانێ ) چەند جۆکەرەک ھەنە ھاریکارێن بھێز بۆ سەرکەفتنا مرۆڤی بسەر یێ بەرامبەر و لدەمێ بەرتەنگیا یاریکەری ل مرنێ قورتال دکەن . سیاسەت ژی جۆرەکێ یاریێ یە و چەند جۆکەرەک ھەنە ئەگەر سیاسەت ڤان بزانیت ڤان جۆکەرا بکاربینت ، دێ شێت ئارمانجێت خۆ بجە بئینیت ، ژوانا راست گۆیی بەرامبەر گەل و وەلاتێ خۆ ، ب وورە بلندی بچیتە دناڤ یاریێ دا ، خاندنەکا ھەمەلایەنە بۆ ئەوێ بەرامبەر بکەت ، مەبەستا وی بۆ خزمەت و بەرژەوندێن گشتی بیت و ....ھتد .
ئێکەتیا نشتیمانی یا کوردستانێ وەکی حزبەکا کوردستانی ئەڤ ھەمی جۆکەرە د دەستی دا بوون د شیا بکاربینیت و بێختیە د خزمەتا کوردستانێ دا ب گەل و وەلات ڤە ، لێ لڤێ داویێ جۆکەرێن وان کەفتنە ددەستێ یاریکەرێن نەزان دا و دوور گیانێ کوردایەتیێ و نەتەوایەتیێ سەنگەرێ ھەڤرکیێ بەرامبەر پارتی دیموکراتی دانان . نەخاسمە پشتی راپرسیا سەرخۆبوونا کوردستانێ ل ئیلۆنا سالا ٢٠١٧ و ل ١٦ ئکتۆبەرا ھەمان سال مەرام و مەبەستێن وان ب روون و ئاشکەرا بوون دەمێ بووینە دیلێن ددەستێ داگیرکەرا بۆ ژناڤبرنا دەسکەفتێن گەلێ کورد و ھەرێما کوردستانێ و یاریەکا چار کەسی (عیراق و ئێکەتی ) بەرامبەر (پارتی و حکومەتا ھەرێما کوردستانێ ) دەسپێکر .
نێچیرڤان بارزانی وەکی سەرۆکێ حکومەتا ھەرێما کورستانێ و نوونەرێ پارتی دڤێ یاریێ دا شیا ببیتە بھێزترین جۆکەر و ئەکتەر ، شیا لدەمەکێ کورت دا پیلانێن ئەوێن بەرامبەر بھەلوەشینیت و ژناڤ ببەت .
ب سیاسەت و عەقلیەتا نێچیرڤان بارزانی گەماروویێن ئابووری و سیاسی ھاتنە شکاندن و ئەو پیلانێن ھەرێمی یێن ژبوی ناڤبرنا قەوارێ ھەرێما کوردستانێ ب ھاریکاریا پشکەکا دەسھەلات دارێن ئێکەتیێ ھاتینە دارێتن ھەلوەشاندن ، لداویێ نە پارتی ب وان پیلانێن سیاسی و لەشکری و ئابووری لاواز بۆ نەژی حکومەتا ھەرێما کوردستانێ ھاتە ھەلوەشاندن . دڤێ یاریێ دا دیار بوو کیژ لایەن بۆ بەرژەوەندێن گەلێ کورد و پاراستن و بھێزکرنا کوردستانێ یاریێن سیاسی دکەت و کیژ لایەن ژی خەباتێ بۆ دەسکەفتێن تایبەت و دوور ژ ئارمانجێن نەتەوی و نشتیمانی دقادا سیاسی یا کوردستانێ دایە ،
نێچیرڤان بارزانی د چەند رۆژەکان دا وەکی جۆکەرەکێ بھێز و کاریگەر دوێ یاریێ دا بسەر کەفت و ھەمی جۆکەر ددەستێ یاریکەرێن بەرامبەر دا سۆتن و ئێک پێڕ ژی پێ درۆست نەبوو ...!
بۆ خەلکێ کوردستانێ ژی ئەڤ راستیە دیار بوو پارتی و حکومەتا ھەرێما کوردستانێ ب سەرۆکاتیا نێچیرڤان بارزانی تاکە یاریکەرن بۆ دەربازبوونا کوردستانێ بۆ یاریا فیناڵ و بلند کرنا جاما سەرکەفتنێ , لەوما خەلکێ کوردستانێ ل ھەردوو ھەلبژاردنێن بووری یێن جڤاتا نوورنەرێن عیراقێ و پەرلەمانێ کوردستانێ پشتەڤانی و باوەریەکا زۆر لێ کرەڤە ، لایەنێن خیانەتکار ژی بێ خال ل یاریێ دوور کەفتن و کەفتینە دووبەرەکیەکا دژوارا نافخۆیی . ب سەرکەفتنا سیاسەتا نێچیرڤان بارزانی ھەرێما کوردستانێ وەک ھێزەکا خورت و کاریگەر لسەر گۆرەپانا سیاسی یا دەڤەرێ بریقەدا بوویە و لسەر ئاستێ نیڤ دەولەتی جھێ باوەریێ یە و ئاسۆیێن گەشتر بەرامبەر پاشەرۆژا کوردستانێ ڤەکرینە و لسەر دەستێ وی وەک سەرۆکێ داھاتی یێ ھەرێما کوردستانێ ، ئەو ئارمانجێن پارتی دیموکراتی کوردستانێ بۆ بھێزکرنا کوردستانێ و بەختەوەریا کوردستانیا دەست نیشان کری دێ گەھن و بۆ ھەر گۆرانکاری و پیلانەکا دیتر دژی ھەرێما کوردستانێ جەندین جۆکەرێن دیتر ددەستێ پارتی دانە .