ب راوەستینن ل سەر وان گوتنێن وان ، راگرن ئەون بەرپرس ژ وێ مەترسیا بسەر هەرێمێدا هاتی ، ئەوان رادەستی دادگەهێ بکەن ئەوبون کەرکووک فروتی ، لدیف یاسایێن دونیا و ئاخرەتێ دڤێت بهێنە سزادان یێن بوینە ئەگەرێ ژ دەستدانا پارچەک ژ ئاخا ڤی مللەتێ زولملێکری .
ئەرێ ما چاوا چێدبیت کەسانێن ساویلکە و کورەفام پارتێن سیاسی برێڤەببەن و چارەنڤیسێ مللەتەکی بساناهی بدەنە دەست دوژمنی ، هەبونا سیاسەتمەدارێن مێشک نەتەمام دبیتە ئەگەرێ ژ دەستدانا وەلاتان ، ئەو پارتا ما بێ سەر هەر پەزەک بو خوە چوو دێ چاوا باوەری هەبیت رێککەفتن لگەلدا بهێتەکرن ( ری رەشێن شەرمەزار هەی هەوار و سەد هەوار ) .
نمونێن کێم فاما د زورن د مێژویێدا ، ل سالا ١٩٧١ سەروکێ ئوغەندی عیدی ئەمین ئەوێ خوە ب شاهێ ئسکوتلەندا بناڤ دکر دگوت دێ ل رێورەسمێن جودابونا ئسکوتلەندا ژ بریتانیا ئامادەبم و دێ بمە شاهێ وان ، دیسان ڤی سەروکی ل کەمبالا ل کونگرەکێ جیهانی دا گوتی هێتلەر جهێ شانازیێ یە ، بریار دا پەیکەرەکی بو دروستبکەت ژبەر رولێ وی ، لێ پشتی ڤان داخویانیان کارڤەدانێن مەزن لدیڤ خوە ئیناین بۆ وی دیاربوو هێتلەر یێ بویە ئەگەرێ مرنا نێزیکی یازدە ملیون مروڤان ، ئەو پروژێ وی گوتی دێ بجهئینم راوەستاند ، ئەڤە ئێک ژ سەرکردێن بێ فام و ریرەش بوو .
هەروەسان نینە حاکمەک د مێژویا مسرێ دا هاتبیت وەک قەرەقوشی کو ببیتە ئەگەرێ تێکدانێ و زولمێ و بریارێن سەرەنجراکێش و بێ بنەما ، گەلەک جاران وی کەسێ زولم لێ کری سزاددا و زالم خەلات دکر .
نمونە د زورن د بەرپەرێن مێژویا مسرێ دا ژ وان :
ژنەکێ سکالا ل خودانێ کارێ خوە کر گوت : ئەز ب زوری یا ماچیکریم ، بەرسڤا قەرەقوشی ئەوبو کا چاوا تو ماچیکریە وەسا وی ماچیکە .
پرسیار ژ فروشیارەکێ سپیاتیان کر : چاوا تو ئاڤێ دکەیە ناف شیری دا ؟ فروشیاری بەرسڤ دا : ئەز بەس شیری د شوم ، قەرەقوشی گوتێ : تو مروڤەکێ پاقژی ، یێ سکالا لسەر تە تومارکری دێ زیندان کەم .
دزیکەرەکی چاڤێ خوە ژ دەستدا ژ بەرکو چبو دزیێت درینگەهەکێ ، گازندا خوە بربو دەف قەرەقوشی ، دز بەردا و چاڤێ خودانێ درینگەهێ ئینادەر .
سزایێ کەسەکی چاڤ بوو گوتە قەرەقوشی ، چاڤێ ئەوێ نێچیرێ دکەت بینە دەر چنکو چاڤەکی ب کار د ئینیت دەمێ نێچیرێ دکەت ، قەرەقوش رازیبوو .
سزایێ کەسەکی سێدارەدانبو گوتنێ یێ درێژە بریاردا کەسەکێ کورت لسەر رێکا خوە سێدارەدەن پێش تاوانباری ڤە .
وەکی دیار قەرەقوش و کێم فام یێن بوینە سەرکێشێن هندەک لایەنێن سیاسی ل هەرێمێ لەوما ئاستەنگ و ئاریشە دزورن ، ئەو لایەن یان ئەو گروپ یان هەر پێکهاتەیەکێ بمینیتە بێ سەر ئانکو بێ رێبەر دێ ئالوزبیت و هەر ئێک بو خوە چیت و دبنە جهێ بێ باوەریێ ، ئەڤ چەندە یا بسەر لایەنەکێ سیاسی هاتی ل هەرێمێ و یا بویە ئاریشە بو کیانێ کوردی بەلکو یا کەتی یە ددەست چەند هزر گرتیەکادا و لدیف حەزێن خوە یێن کەسی بریارا ددەن و وەک سنێلە سەرەدەریێ دکەن ، پێتڤیە کەسانێن زانا و کوردپەروەر یێن دناڤا وێ پارتێ ببنە رێگر ل هەمبەر ڤان کەسان داکو ناڤ و سەنگێ خوە بپارێزن و زێدەتر نەبنە ئەگەرێ ئاریشێن مەزن بو کوردستانێ ، کوردستان یا بەرنیاسە ب پێکڤەژیانێ و دڤێت ئەو لایەن پتر دخوەدا بچن و خینا شەهیدێن خوە بکەنە بنەمایەک بو لێکتێگەهشتنێ ، بلا چاڤ ل بارزانی بکەن و بوخوە مفای ژ وەفاداری و کوردپەروەریا وی ببینن کا چاوا هندەک سەرکردە ئاڤاکرینە هەمی هیڤی و ئومێدا وان بتنێ ئەوە ببینە خودان دەولەت و بهێینە پاراستن ژ دوژمنان ، یا خویایە چەندین جاران نێچیرڤان بارزانی پێکولکرینە ڤان لایەنان رازیبکەت لێ ژ بەر چەندین بالەیێن وان نەگەهشتینە چ چارەیان ، ب هنارتنا نامەکا دوستانە بۆ جێگرێ ئێکێ یێ سکرتێرێ گشتی یێ ئێکەتیێ دیسان دەستپێکرنا دانوستاندنان ئامەژەکا باشە بو پێکئینانا حکومەتا هەرێمێ .
دڤێت ئێکەتی وەلاتیان بکەتە ئارمانجا خوە یا سەرەکی و بدەنەلای کەسانێن هزر ژەنگگرتی .
لەو مەگوت ئەوێن بەرپرس دڤێت بهێنە سزادان هندی نەگەهنە سزایێ خوە دێ هەر بنە مەترسی ل سەر هەرێمێ و نە مفای دگەهیننە ئێکەتیێ و نە کوردستانێ .