قوتابی و لاو و گەنج ئەو کانییا بەرچاڤ گرنگن دناڤ وەلات و نەتەوان دا، قوتابی و گەنج و ئەو چینا هەستیار و گرنگ و هەری ئەکتیڤن دناڤ جڤاک و میللەتان دا، تەڤ بەرەڤ پێشچوون لسەر دەستێ ئەڤێ چینێ دهێنە بەرهەم .. شێست و شەش(٦٦)ساڵان بەری نها ل (۱۸)ی شۆباتا ساڵا (۱۹۵۳)ێ ب بریار و بیرۆکەیا بابێ ڕووحیێ نەتەوا کورد ((مــەلا مــوستــەفا بــارزانـی)) ئێکەتییا قوتابییان و لاوێن دیمۆکراتا کوردستانێ ل کوردستانا باشوور هاتنە دامەزراندن.



قوتابی و گەنجێن کورد ژ لایێ پێکهاتا فسیولۆژی و عەقلی و دەروونی چ کێمتر نینە ژ قوتابی و گەنجێن هەر وەلات و نەتەوەکێ دیتر ... دیرۆک و مێژوویا ئێکەتییا قوتابییان و لاوێن کوردستانێ ژ سەردەمێ دامەزراندنێ تا نها پرە ژ خەبات و تێکوشین و قوربانیدانێ و چینەکا هەری کارا ئەکتیڤ بوون، خودان ڕابردوویەکێ زەنگینن، هەر دوو ڕێکخراوان وان ڕۆلێن کارا د خەبات بزاڤ و شورەشێن کوردستانێ و سەرهلدانێ دا گێراینە،وەک ( پێشمەرگایەتی و جانفیدایی و قوبانی ، کارێن نهێنی، پەروەردە و هەستێ نەتەوی و نیشتیمان پەروەری، جڤاکی و کەلتوری، خواندن و زانین و زانست و پێگەهاندنا گەنجان، پێگەهاندنا گەنج و کادر و سەرکردان، چاڵاکی و ڕاگەهاندن و ڕۆژنامەڤانیێ ... هتد). قوتابی و گەنج واتە داینەمۆیا داهێنان و پێشڤەبرنا و جڤاک و میللەتی یە، هەر وەک (بارزانیێ نەمر) دوو گۆتن لسەر قوتابی و لاوان گۆتینە:(( قوتابی سەرێ ڕومێنە د هەمی شورەش و ڕاپەرینان دا)) و ((لاو شیرها پیلاینە)).







ئێکەتییا قوتابییان و لاوان شیاینە ب بەرنامە و پلانێن رێکوپێک و بەرەهەمدار ب درێژاهیا ژیێن خوە ل دیڤ پێدڤیاتیێن قوناغێن سەردەمی ڕولێن گرنگێن خوە بگێرن د پێشڤەبرنا زانین و زانستێ و پێگەهاندنا لاوان و چارەکرنا ئاریشێن درێکا قوتابی و لاوان دا ، هەروەسا ب سەدان گەنجێن خودان ئەزمون و کادرێن چاڵاک و سەرکرەدەیێن کارا دلسۆز پێگەهاندینە و بەرهەم ئیناینە .. پێدڤییە قوتابی و گەنج و لاوێن مە مل ب مل چینێن دی تەڤ هێز و شیانێت خوە بێخنە کار و هەمی هەول و بزاڤا بکەن بۆ دۆزا ڕەوایا گەلێ مە و پاراستنا دەستکەڤتان و ب دەست ڤەئینانا دەستکەڤتێن زێدەتر، هەر وەکی جاران شین تبلێن وان لێ دیار بوون د پێشڤەبرن و خزمەتکرنا قوتابی و لاوان و کورد و کوردستانێ دا ل پێناڤ ئاڤاکرنا پاشەرۆژەکا گەش و بەرەهەمدار و جڤاکەکێ ساخلەم.



پیرۆزە (٦٦) مین سالڤەگەرا هەر دوو رێکخراوێن زێرینێن هزرا نەتەوی و نیشتیمانییا نفشێ نوی، پیرۆزە ل تەڤ کادر و ئەندامێن هەر دوو ڕێکخراوان و تەڤ جەماوەرێ پارتی و رێبازا بارزانی .. هیڤیدارم وەک جاران د بناغێ ئاڤاکرنا دەولەتەکا بهێز و موکم و پێشکەڤتی دا بن و بەردەوام شیرها پیلایی و سەرێ ڕومێ بن د پێشڤەبرن و پێشڤەچوونان دا .