دەمێ ھەر تشتەک ل ژیانا سیاسی دا تاقی دکەینەوە، دبینین چ مجال تێدا نیە و لوژیک ئاخفتنا ئێکێ یە ل سیاسەت دا، و دەمێ بەحسی ھەرێمی کوردستان دکەین، ھەرێمی کوردستان پەیوەندیەکی باش، دگەل کومەلگەھێ نیڤ دەولەتی و وەلاتانی زلھێزی نیڤ دەولەتی ھەیە، و نمونە گەلەک زورن، بو نمونە ئێک ژ وان، چین کو نھا کونسولگەری ل ھەولێری پایتەخت ڤەکریە کو ئێکەکە ژ ھەر پێنج وەلاتێن ئەندام ل ئەنجومەنی ئاسایشا نیڤ دەولەتی.
و ھەورەسا دەمێ بەحسی لوژیکی سیاسی دکەین، ڤێت بەحسی دەستور ژی بھێتە کرن، بو نمونە ھەرێمی کوردستان دەستورێ خو ھەیە و پروسەی دیموکراسی ل ھەرێمی کوردستان دەست پێکریە، ئازادی ل ھەرێمی کوردستان بەر زوربونێ دایە و ل یاسایێن نیڤ دەولەتێ ژی تەداخول کرن یان مایتێکرنێ تنێ بو لایەنێن ئوپوزوسیون دبیت کو ب یاسایێن نیڤ دەولەتی دبژنێ (intervention).
ل عیراق ژی دەستور ھەیە و ھەرێمی کوردستان بەشەکێ فەرمی یێ ئەو دەستورە و فێدرالیەتەیە، و ھەر ژبەرھندێ ژی چارەسەری ل ناڤخویی دا دبیت و لسەر مێزی گفتوگو دھێتە چارەسەر کرن. ژبەرھندێ پەنا برن بو لایەنێن نیڤ دەولەتی کارێگەرییەکێ وەسا نابیت.
نێچیرڤان بارزانی، سەروک وەزیرانی ھەرێمی کوردستان، ل وان سالانە ھەر دەم ل راگەھاندنان دا باسی ئەڤەی کریە کو دڤێت بو چارەسەری ھەموو ئەو کێشەیێن دناڤبەرا ھەرێم و بەغدا دا ھەیە، ڤێتن ب گفتوگو بھێتە چارەسەر کرن و ھەروەسا چاڤدێرێن کومەلگەھێن نیڤ دەولەتی دبژێن ڤێتن ھەرێما کوردستانێ بو خو چارەسەری ئەو بارودوخەی کو نھا تێدایە بکەت بیێ کو چ وەلاتەک دەستێوەردانێ تێدا بکەن.
بەری ھەر تشتەک بھێز کرنا پروسەی دیموکراسی ل ھەرێمی کوردستان پێگەھێ دەستھەلاتا یاسادانانێ و بجھئینانێ و دادوەری یێ یە. لێ ئەڤە ژێ پێدڤی ب ھندەک تەعدیلات ھەیە، بو نمونە یاسای ١٦٣ ێ سزای فەرمانبەرانی دەولەت پێدڤی ب تەعدیل کرنێ ھەیە بو ھندێ کو دیوانی چاڤدێرانی دارایی بشێت رولێ خو باشتر بگێریت. بو مەسەلێن داواکاری گشتی بو نمونە ئەوان ھەتا نھا بەشەکێن ل وەزارەتی داد، داواکاری گشتی ئەگەر سەرب خو بیت رولەکێ باشتر و چاکتر دگێریت و پێدڤیە وەزارەت و دەسەلاتا جێبەجێ کرنێ ژێک جودا بن. و ھوسا یاسادانەرێن مە دێ پتر دەورێ خو بینێن و ھەروەسا چاکسازی، دانانا سنورەکە ل پەیوەندی دناڤبەرا پارتان دا دگەل دەولەتێن دەرەڤەو ئاشکرا کرنا سەرچاڤەیێن داھاتی بو ھندێ بشێن ب پیێ یاسایێن پارتێن سیاسی یێن ھەرێما کوردستانێ ل چوارچێوەی پروسەی سیاسی، کارێ سیاسی یێن خو بکەن، نەک پەیوەندی دگەل ئەو دەولەت یان دەولەتەکا دی ھەبیت و کارێگەری نەرێنی ژی ل سەر بارودوخێ ھەرێما کوردستانێ دروست بکەن.
ھزار روژی گفتوگو باشترە ل ھەر سەعاتێکی توند و تیژی، ڤێتن بگەرێنەوە بو لوژیکی سیاسی، بگەرێنەوە بو مێزی گفتوگو.