ئیتالیا یان (italiana) کوناڤێ فەرمی یێ وێ کوماری ئیتالیا و ب ئیتالیایی (Repubblica Italiana) وەلاتەکە ل باشووری کشوەری ئەوروپا کو پایتختێ وێ ((روم)ە . ئیتالیا ئێکە ژ وان وەلاتێن پێشکەفتی و ئێکە ژوان وەلاتێن دناڤ گروپێ ھەشتێ ل جیھانێ دایە. و دراڤێ وێ ((یورو)) یە و زمانێ وێ یێ فەرمی ئیتالیایی یە و ژلایێ سکانی ڤە (٦٠) میلیون و شەش سەد ھزار کەسێن و (٩١,٦) خەلکێ وێ مەسیحی نە. ئیتالیا پێنجەمین وەلاتە ل ئوروپا دا کو ھژمارا سکانێ وێ گەلەکێن و ل جیھانێ دا بیست و سێ یەمین وەلاتە، بو زوربونا ھژمارا سکانێ وێ و دوو وەلاتێن سەرب خوو و زور بچویک ھەنە ب ناڤێ (ڤاتیکان و سان مارینو) و د ناڤ ئاخا ئیتالیای دانە و پشکەک ژ ئاخا ئیتالیا ژی دەرەڤەی ئاخا ئیتالیا ھەیە کو ل وەلاتی سوئیس دایە کو ناڤێ وی (کامپیونە دیتالیا) یە و ھەروەسا پەیوەندی دناڤبەرا ئیتالیا و ھەرێمی کوردستان، ھەر ژلایێ مێژوویی ڤە پەیوەندیەکی دوستانە ھەبوویە و ب تایبەت دەمێ ھێرشکرنا گروپێن تێروریستی یێن داعش لسەر ھەرێما کوردستانێ و نەھنارتنا بودجەی ھەرێمی کوردستان ژلایێ بەغدا ڤە و ھاتنا ھزاران ئاوارە بو ھەرێمێ، ئێک بو ژ وان وەلاتانە کو ل چوار چێوەی ھەڤپەیمانی نیڤ دەولەتی دا، ھاریکاریێن سەرەکی بو ھەرێما کوردستانێ ھنارتینە.
مەشق و راھینانێن سەربازی و ھەڤکاری و ھەماھەنگی دگەل وەزارەتا پێشمەرگە و لایەنێن دی یێن پەیوەندیدار ل ھەرێما کوردستانێ بەردەوام بو و ھەروەسا ب رێکێن کومپانیێن تایبەتمەند و لژێر پاراستنا ھێزێن ئیتالیا دا، رولەکێ باش ل چاک کرن و پاراستنا بەنداوی موسل دا، دگێرا.
ھاتنا سەروک وەزیرانی ئیتالیا ((جوسیپێ کونتی)) بو ھەولێرا پایتەخت، و سەرەدانا وێ بو نێچیرڤان بارزانی، سەروک وەزیرانی ھەرێمی کوردستان ڤێ چەندێ رادگەھینیت کو دڤێت پەیوەندیێن دناڤبەرا ھەرێم و ئیتالیا خورتتر لێ بکەت و باسی ھندێ کر کو کونسولێ گشتی یێ ئیتالیا ل ھەرێمی کوردستان بەردەوام ھەول ددەت بو بەرەڤ پێشبرنا پەیوەندیێن باش دناڤبەرا ھەر دوو لایەنا ھەبیت و ئاماژە ب ڤێ چندێ ژی کر و گوت: مافێن کوردان، بەردێ بناغەیە بو پەیکەرێ فیدرالیێ عیراقێ و ھەروەسا ھیڤیدارین کو ئەم بشیێن پێدڤی یێن ھەرێما کوردستانێ و عیراقێ دابین بکەین. ئیتالیا ل بوارێ گەشە کرن و ھەڤکاری کرن ب تایبەت ل بوارێن خواردەمەنی و تەندروستی و پاراستنا ئاسایش، رولەکێ گرنگ ھەبویە د ئاسایشی کرنا شاری موسل دا و ئەڤرو نزیکەی (٤٠) کومپانیای ئیتالی، ل ھەرێمی کار دکەن و ھەماھەنگی دناڤبەرا ھەرێم و ئیتالیا دبیتە سەبەبێ ھندێ کو ھەر دوو لایەن سوودمەند بن.
ھەروەسا نێچیرڤان بارزانی، سەروک وەزیرانی ھەرێمی کوردستان خوشحالیا خو، بو ھاتنا جەنابێ سەروک وەزیرانی ئیتالیا دەربری، و سوپاسیا وان کر ژبەرھندێ کو ھەر ل دەسپێکا شەرێ تێروریستانی داعش ھەتا نھا ھاریکاریێن خو یێن مروڤی و سەربازی ل ھەرێمێ و عیراقێ دوماھی نەئیناینە.