هەر ژ دامەزراندنا پارتا کارکەڕێن کوردستانێ ( پە کە کە) ل سالا 1978 کو ب پشکداریا 23 ئەندامان وەک پارتەکا مارکیسی لینینی هات بو دامەزراندن ل دیڤدا د هەمان سالدا و ب پشکداریا 23 ئەندامان هاتە گوهرین ب پەکەکە د تا و ئێکەم کونگرێ خو گیرا . ل دەستپێکا دامەزراندنا خودا ب کارێ سیاسی دەست پێ کریە ل دیڤدا و ل سالا 1984 دەست ب شورەشا چەکداری کریە د ژی دەولەتا تورکی و یا بەردەوامە تا نوکە .
لێ پرس ل ڤێرە دهێتە پێش ئایا د ڤان سالێن چەکداری کرنێ دا و شەرێ دژی دەولەتا تورکیا دکەن شیاینە چەند خزمەتا دووزا کوردی بکەن د ڤان سالاندا ؟ ئەرێ چەند بەرژەوەندیا مللەتێ بەرچاڤ وەرگریت دڤان سالێن خەباتێ دا ؟ ئایا پەکەکێ تا نوکە چەند گەنجێن کورد کرینە قوربان بو ڤێ رێکێ و بەرامبەر دا چ دەستکەفتەک تومارکریە ؟ پلانا پەکەکە بو پاشەروژا دەولەتا کوردی چەندا یا روهنە ؟ .
بێ گومان بەرسڤا ڤان پرسەیان یا مژاوی یە و هیچ جارەکێ لڤینەکا وێ د بەرژەوەندیا مللەتێ کورد دا نینە و چەندین جاران بویە کەڤ بو سەر دوزا کوری باشترین نمونە ژی چونا ئەڤێ پارتا هەنێ یە ب ناڤێ رێکخراوا تیروری کو بو چەندین سالا د لیستا تیرورێ دا بویە ژ لایێ ئەمریکا ڤە و ئەڤ پارتە بویە کەفەکا مەزن ل سەر ژیانا کوردێن باکور ب گشتی کو قوربانێ دانێن وێ ب شێوەیەکێ بەرچاڤ زیان پتریا تاکێ کورد گەهاندیە و چەندین کەنج و لاوێن کورد ب بهانەیا پەیوەندی کرنێ د گەل دا هاتینە تەلافتن و چەندین خورت ژ کچ و کوڕان شەهید کەفتینە و گیانێ خو کرینە قوربانی ب ئارمانجەکا نەدیار
ئەگەر لایەنێ قوربانیدانا کوردان دا ژی ل هەر چار پارچەیێن کوردستانێ دا چ پارچەیەک یا بێ قوربانی دا نینە ژ هەمی لایەکێ ب تایبەتی ژی باشورێ کوردستانێ قوربانی دانا هەرە مەزن دایە ل سەر دەستێ پارتا کرێکارێن کوردستانێ بگرە ژ وێرانکرنا گوندێن هەرێما کوردستانێ کو پتر 500 گوندان داگیر کرینە ژ لایێ پەکەکێ ڤە و خەلکێ وان گوندان هەر ژ سالا 1991 و تا 1995 تا ئەڤرو قەستا گوندێ خو نەکرینە ئەگەر ژ لایێ ئابوری ڤ بەحس بکەین سالانە ب ملیارا خەلکێ ڤان 500 گوندان توشی زیانێن مادی بوینە زێدە باری وێران کرنا گوندێن هەرێما کوردستانێ چونکی ژیانا خەلکێ هەرێما کوردستانێ ل سەر گوندا بویە و تەرش و تەوالی و خودان کرنا پەز و مالی بویە .
حاشاکرن ژ وان زیانێن مادی یێن سالانە یێن بەس بەر هەرێما کوردستانێ د کەڤن ژ لایێ پەکەکێ و تنێ خەلکێ هەژارێن 500 گوندان بهێتە کرن بەسە بو وێ پارتێ کو ئەو چ تشتەکێ د بەرژەوەندیا تاکێ کورد دا ناکەن حەتا پەکەکە خاباتەکێ بو دوزا کوردی دکەت نێ یا هەمی بەرژەوەندێن تاکێ کورد ب ژین و ژیار ڤە یا خراب دکەت .
ئەرێ بوچ ناهێتە گوتن کو نێزیکی 100 کەسێن سڤێل یین باکورێ کوردستانێ سەر دەستی ڤێ پارتێ هاتینە کوشتن ژ بلی خراپکرنا مالێ وان و تالان کرنێ .
ئەڤە ژ وێ راوستاندنا راستیەک حاشاکریە ل سەر پەکەکێ کو هەمی چالاکێن وێ گەفن ل سەر هەرێما کوردستانێ ب تایبەتی چونکێ هەرێما کوردستانێ خەباتەک پلانکری و روهن و ئاشکرا هەیە
ئەڤجا ئێدی بلا پارتێن کوردستانێ چاڤێن خو ڤەکەن و بەرژەوەندیا دوزا کوردی نهێتە خراپکرن بو پارتەکێ یا چ ئارمانج نەی . ئێدی بلا بەس گەنجێن مە بهێنە کوشتن و ئێدی بلا ئەڤ پارتە بچیتە ناڤ ئاخا خو خەباتێ بکەتن مەدەم 30 سالێن داگیرکرنا گوندێ هەرێما کوردستانێ دا تێر نە بوین ئێدی خەلکیێ مە منەت ب گوندێن خو هەیە و دخازن بچنە سەر مالێن خو و ئەو زیانێن پەکەکێ گەهاندینە هەرێما کوردستانێ ژ لایێ ئابوری و دیسان قوربانین گیانێ بلا تا ڤێرە و بەس بن دا پەیوەندێن مە و هەمی لایەکێ ژی ب چونا وان خوشتر بیتن .