پشتی کو ھەلبژارتێن ھەرێما کوردستانێ بداوی ھاتین، راوێژێن ئالیێن سیاسی ھاتنە ئەنجامدان بۆ وێ چەندێ کو حکومەتەکا نوی پێک بینن ھەمی ئالیێن سیاسیێن ھەرێمی ل گورەی حەجموو قەبارێ خۆ پشکداریێ بکەن. لێ ب بھانەیا وێ چەندێ کو پارتی ھێزا ئێکێ بوو دھەلبژارتناندا. لەورا گاڤ و دەلیڤەیێن خورت بۆ ئایندێ پێکئینانا حکومەتا نویا ھەرێما کوردستانێ ل پێشیا پارتینە. ب دیدامە حکومەتا نوی ب فورم و شێوازەکێ نوی دێ ھێتە د گورەپانا سیاسیا ھەرێمێ دا. ئانکو دێ حکومەتەکا تەکنوکرات بیت. ئەڤ تەکنوکراتیەژی دێ بسەرکێشیا پارتی بیت؛ چونکی ھەمی بەربژێرێن پارتی بتایبەت ئەوێن دڤان ھەلبژارتنێن بوریدا دەرچووین گەنجن و خودان شیان و ئەزمون و شارەزانەکا باشن دوارێ سیاسی و جڤاکی و ئولی و زانستی... ھتد. لەورا حکومەتا نھا دێ ب فورێ تەکنوکرات بیت کو دنھادا دوارێ سیاسیدا تایبەت دسیستەمێ وەلاتێن خوەدی ئەزمونەکا سیاسیا دەولەمەند دوارێ دەولەتداری و سیاسیدا. ھەبوونا خو دسەلمینیت. دیسان بدیدا مە پارتی دێ دروشمێن خۆ کەتە کریار بۆ باشترکرنا رەوشا خەلکێ کوردستانێ، ژلایێ ئابوری و جڤاکی و خوشگوزەرانیێ ڤە. ھەر چەند دسالێن بوریدا رێزدار نێچیرڤان بارزانی درێغی نەکریە دبەرەڤ پێشبرن و خوشگوزەرانکرنا ژیانا جڤاکێ کوردستانێ. ئەڤە سەرەرایی ھەبوونا ئاستەنگیێن مەزن ل ھەمبەر کابینا وی کو دنەچاڤەرێکریبوون. ژلایەکێ دیڤە ئەوا ئەڤرۆکە کوردستانێ بەرەڤە کەنارێن ئارامیێڤە دبەت. بتنێ خودێ پارتیە کو برێکا پێشاندانا فورم و مودێلەکێ دیێ حکومەتێ دێ باشترین و پرخزمەتترین کارگوزاری بیت. ژبەرکو دنھادا ئەو رەوش و کەشێ سیاسی و ئابوری بارزگانی یێ بەرەڤ گورینێن گەشبین دچیت. ھاتنە ئارایا ئەڤی کەشێ ئارامیا سیاسی و ئابوری بازرگانی باشترین دەلیڤەیە کو ئەم دوێ باوەرێداینە ئەو گوتنێن کو بەریا نھا رێزدار نێچیرڤان بارزانی دگوتارێن خودا بتایبەت د ھەوا ھەلبژارتناندا ئاماژەپێکری ئێدی دێ بنەکریار. نەمازە نەھێلانا پاشەکەوتێ موچە خورێن ھەرێمی و دەستپێکرنا پروژێن کەڤن و دانانا پلانێن توکمە بۆ پروژێن ونویتر. ھەروەسا بەرقەراکرنا ئاشتەوایا جڤاکی و سیاسی کو ئەڤەژی ئێکە ژوان خالێن پارتی بدرێژاھیا دیرۆکا دامەزراندنا خۆ کار بۆ کریە و دەست ژێ بەرنەدایە. چونکی دویربوون یان خۆ ڤەکێشانا پارتی خۆ ئەگەر بۆ دەمەکێ کێم ژی بیت، دێ مەزنترین مەترسیا سیاسی لسەر ھەمی خەلکێ کوردستانێ پەیدابیت. ئەڤەژی وێ چەندێ خویا دکەت کو ھەردەما پارتی یا بھێزبیت کوردستانژی یا بھێزە. ئەڤە زێدەباری راگەھاندنا خوسەریا ئابوری کو بۆ ھەمی تاکێن کوردستانێ گرنگیەکا تایبەت ھەیە. دیسان کارکرن دوارێ خوسەریا سیاسی بەلێ ب گاڤێن ژیرمەندانە و ھزری. وە بھێزکرنا پەیوەندیێن نێڤدەولەتی لسەر ئاستێ ھەرێمی و جیھانی دێ ئێک ژ ئەولەویەتێن سەرکردایەتا پارتی بیت نەمازە دحکومەتا نویا کوردستانێدا. ھەروەسا پاراستنا ئارامیا کوردستانێ خالەکا دیترە کو پارتی و ھێزێن پارتی لسەر ناڤێ خو تاپوو کری. دیسان روب روبوونا گەندەلیێ ژ ئەندام و بەرپرسێن پارتی لسەر ئاستێ حزبی و میری و جێ بەجێ کرنا پروژێ جاکسازیێ ئەوێ ھند ئالیێن سیاسیێن ھەرێمێ لبەر بووینە ئاستەنگ، ژ ئەولەویەتێن پارتینە. ھەر چەندە پارتی ژ مێژەوەرە کار بۆ ئەڤان خالێن سەری کریە. لێ ب دیتنا من ئەڤ ھەمی خالە ب ئاوایەکێ بەرفرەھتر و رونتر. تنێ دێ دچارچوڤێ حکومەتەکا تەکنوکراتدا ھێنە جێ بەجێ کرن.