د وان سالێن حکومەتا هەرێمێ کەرکووک برێڤەدبر ئاڤەدانیی و ئێمناهیی بەرقەرار ببو ، ئەو پارێزگەھا پری خێر و بێر لپشتگوھ هاتبوو هاڤێتن ژلایێ حکومەتا عیراقی و چ گرنگیەک ب هاوڵاتی و سیمایێ باژێری نە هاتبوو دان تاکو ٢٠١٤ دەمێ حکومەتا کوردستانێ شیای ب هێزا پێشمەرگێ خوە کەرکووکێ بپارێزێت ژ دەستێت پیسترین تیرورستان لسەر ئاستێ جیهانێ ئەوژی داعشە ، ل دەمێ داعشێ میسل و تکریت ستاندین و حکومەتا عیراقی نەشیای هاوڵاتیێن خوە بپارێزیت ژ دەستێت تیرورستان ، حکومەتا کوردستانێ هاوڵاتیێن عیراقی حەواندن و پاراستن ب هزاران ئاوارەبون و بەرەف کوردستانێ هاتن کوردستانیان بشێوەیەکێ گەلەک مەردانە هاریکارییا وانکرن و تا نهو ژی هەرێم یا تژی ئاوارەیە و حکومەتا عیراقی چ خزمەتان پێشکێشی وان ناکەت هەمی حکومەتا هەرێمێ یا ب ستویێ خوڤە گرتی وەک ئەرکەکێ مروڤایەتی .

کەرکووک ئەو باژارێ هژمارا وەلاتیێن وێ ٩٠٠ هزار و مەزنترین کێلگەهێن گازێ لێ نهو حکومەتا عیراقی نەشێت ب درستی بپارێزیت ژ کریارێن تیرورستی و پێشێلکاریێن حەشدا شیعی و کارێن نە یاسایی و نە دەستوری یێن ژلایێ پارێزگارێ وێ یێ نەشەرعی ڤە دهێنەکرن ئەو پارێزگارە ب رێکا خائینێن ١٦ ئوکتوبەرێ هاتیە سەر حوکمی و نهو نەوێرن ل بارەگایێن خوە ئالایێ کوردستانێ بلندبکەن دترسن ، سەرێن وان دشورن بەرامبەر مللەتێ کورد و چونە د مەزبەلا دیروکێدا وان پیروزە بێ شەرمی و هەتکبەری .

نهو ژ ئەگەرێ خائینان رەوشا کەرکووکێ یا ئالۆزە و هەموو گریبەست و دامەزراندنێن حکومەتا هەرێمێ بێ پشتەڤانیا دارایی مان چنکی حکومەتا ئیراقێ ئەوی پارەی نادەتە کەرکوکێ و پارە بەری هنگی ژلایێ کوردستانێ ڤە دهاتنە هنارتن .

ل سالا ١٩٢٧ دەمێ ئێکەم کێلگەها پترولێ ل سەرانسەری عیراقێ ل کەرکووک هاتیە دیتن و تا نهو حکومەتا عیراقی و هیچ دەمەکی پشکەک ژ داهاتێ پترۆلێ نەدایە پارێزگەھا کەرکووکێ ، بەروڤاژی دەمێ کوردستانێ کەرکووک بو ماوێ سێ ساڵان ب رێڤەبەری بو جارا ئێکێ د دیروکا کەرکووکێدا پارێ پترۆدۆلاری ب پارزێگەهێ هاتەدان ژلایێ حکومەتا کوردستانێ ڤە ، هەروەسان خواندنا کوردی ل کەرکووکێ بهێزبوو و هەمی پێکهاتەیێن کەرکووکێ مفاداربون ژ حوکومڕانییا کوردستانێ ب سەدان پروژێن گشتی هاتنە ڤەکرن و پشتەڤانییا دارایی لێ دهاتەکرن .

کەرکووک هاتە فروتن ل ١٦ ئوکتوبەرێ و ب سەدان کەس مانە بێ موچە ل کەرکووکێ و پشت ل وەلاتیان هاتە شکاندن ، ل وی باژێری زمانێ کوردی د نڤیسارێن حکومیدا هاتە قەدەغەکرن و گوند و زەڤیێن کوردان یێن ژێ دهێنە وەرگرتن و ددەنە عەرەبێن دەرڤەی کەرکووک هاتین و تیرورکرنا کوردان یا دەستپێکری و چ چارە نینن ژبلی لادانا پارێزگارێ نهو و دیسان دەستەیا شەرعی بۆ کەرکووکێ ڤەگەریت دا ئاستێ ئێمناهی بو جاران ڤەگەریت و ئاسایی ببیت .

هەرێمێ گەلەک خزمەتا بۆ وەلاتیێن کەرکووکێ کری بو نمونە مەهانە کوردستانێ ١٠ ملیون دولارێن پترۆدۆلاری بۆ کەرکووکێ رەوانەدکرن پشتی هاتیە داگیرکرن ژلایێ چەکدارێن حەشدێ ئەڤە هەمی نەما و ئاستێ ئابوری یێ وەلاتیێن کەرکووکێ بەرەف لاوازیێ یێ چو .