ئەڤ ناڤ و نیشانێ سەری پەندەکا پێشینانە، ئانکو گوتنەکا مەزنانە. بابکالێن مە ددەما خودا گەلەک جاران گوتیە بۆ مەبەستێن جودا جودا. مەژی دئەڤێ گوتارا خودا بۆ مەبەستەکا سیاسی بکار ئینایە. وەکو دیار ئەو گوھورینێن پارتی دکەت لسەر ئاستێ حزبی و میری ژ ھەمی لایەکێ ڤە بوویە جھێ ترس و دلگرنی و بریدندارکرنا ھند ئالیێن سیاسیێن ھەرێمێ. ئەڤ ل جھێ ھندێ کو ئەو پێشوازیێ ل ئەڤی فورمێ گوھورێن و فرە رەنگیێ و کەسی بکەن. بەردەوام بزاڤان دکەن ب ھەر رەنگەکێ ھەی ئەوان گورانکاریێن پارتی دکەت. بەر ب ئاقارەکێ دی ببەن و بکەنە دقالبەکێ بەرستەکدا دویر ژ پرەنسیپ و ئەتەکیاتێن حزبی و دیموکراسیێن سەردەمیانە. ژێدەرێ ئەڤان تانە و رەخنەیێن لاوازو بێ بنەما نیشانەیێن وێ چەندێنە کو ئەو نەشێن وەکو پارتی نەحکومرانیێ و نەژی حزبایەتیێ بکەن. نەشێن وەکو پارتی ب ئاسانی ل ھەڤھاتنان لسەر ھەر گورین و گورانکارییەکا حزبی و حکومی لسەر ئاستێ بلند و ناڤین بکەن. چونکی پارتی خودان ھەلویست و بنەمایێن نەگورە وەکو حزبەکا ئێکانە لسەر ئاستێ ھەمی عێراقێ نەبەس ل کوردستانێ. وەلێ ئەم دبێژینە ئەڤان ئالیان چ ئەوێن برێکا راگەھاندنا خۆ یان برێکا ھەوادار و ئالیگرێن خۆ دژایەتیەتیا پارتی دکەن. بزڤرن ناڤ و نیشانێ سەری ڤەخوینن، ئانکو ئەم دبێژینە ھەوە پارتی وەکودارا بەریێ یەسرۆشتێ وێ چیایێن کوردستانێ و بەفروبار و باھوزێن وێیە. لەو نەب ھەوە نەژی ب ھەوادارێن وە ئەڤ قورمێ دارێ بھایێ خو ژ دەست نادەت. ھەرچەندە ژ مێژە وەرە ئەڤە گاڤ بزاڤێن بێ ئەنجام نەزۆک دھێنە ھاڤێتن ل ھەمبەر پارتی چ ب راستەخۆ یانژی نەراستەخۆ، بەلێ دلگرانیا ئەڤان ئالیێن سیاسی بتایبەت و ئاشکرایی دیاربوو. پشتی کو پارتی بریاردای ل سەر بەربژێرکرنا رێزدار (نێچیرڤان بارزانی) بۆ پوستێ سەرۆکاتیا ھەرێمێ و بەربژێرکرنا رێزدار (مەسرور بارزانی) بۆ پوستێ سەرۆکاتیا حکومەتا ھەرێما کوردستانێ.بڤێ چەندێ ئەو دلگرانی مەزنتر بوو. ئەڤەژی نیشانا وێ چەندێ یە کو پارتی بەردەوام بزاڤکرینە درویشمان بکەتە کەتوار. بتایبەت د ھەلبژارتنێن بوریدا کو دروشمێ وێ ئاڤاکرنا کوردستانەکا بھێزبوو. بێگومان ئەڤ دروشمە ژی دێ برێکا ھەبوونا سیاسەتەکا بھێز و حزبایەتیەکا راست رەو و کەسایەتیێن ب ھێزێن مینا رێزدار نیچیرڤان بارزانی بیت. کو کوردستانەکا بھێز د چارچوڤێ عێراڤەکا بھێزدا بیتە سەیوانەک ژبوی وێ چەندێ کو ھەمی خەلکێ کوردستانێ ب ئول و رەگەزێن جودا جودا خۆ لبن سێبەرا وێ ڤەژینن. ئەڤە زێدەباری باشتر کرنا رەوشا ئابوری و خوشگوزەرانیا خەلکێ کوردستانێ کو ژ ئەولەویەتێن پارتی و خودێ رێزدار نێچیرڤان بارزانینە. دیرۆک دیدەڤانێ ئەڤان گوتنێن مەیە کو دھەر کومبوون و رونشتەنەکا خودا ناڤبری ھەردەم گوتییە:"ئەولەویەتی ئێمە خوشگۆزەرانی خەلکی کورستانە" . ژلایەکێ دیڤە دکارین بێژین کو پارتی و ھەردەم بوویە سەھمەکا ترسا سیاسی لدەڤ ئالیێن سیاسیێن دیتر کو رۆژ ب رۆژێ پێگەھێی خۆ دپارێزیت و متمانەیا خەلکی ھەرێمی بدەست خووڤە دئینت. لەورا ئەز د ئەوێباوەرێدا مە کو دئەڤان چار سالێن ئایندەیدا کوردستان دێ گەلەک بەرەڤ پێش چیت ژلایێ (ئاڤەدانی، ئابوری، خوشگۆزەرانی، بازرگانی، پەیوەندیێن نێڤدەولەتی، سیاسی، دبلوماسی....ھتد)ڤە. ئەوژی ب ھەبوونا سەرۆکەکێ کارێزما و ئەزموندارێ مینا رێزدار نێچیرڤان بارزانی.